Чăп тулли чашкăрать куркамăр:
утмăл çул тултарать куккамăр.
Ыр хăнашăн — пур пек перекет:
тулăхпа савăнать кĕреке.
Çĕклемне селĕм йăтнă август,
пилĕкне, çурăмна, тет, ав кăшт.
Çĕр ĕçченĕн паян юбилей —
çĕр ĕçченĕшĕн ирт тĕпеле.
Утмăл çул тултарать куккамăр.
Сыпнăçем, çыртнăçем кулкалăр.
Уçă саслăн инке те юрлать,
куккана юратса çупăрлать.
Куккана шуратасшăн ватлăх,
ташăпа хуçкаласшăн яшлăх.
Малашне те ташлатăр кукка,
малашне те чашлатăр курка!