Ухсай — чăн-чăн сăмах ăсти,
Ун ячĕ ĕмĕр чи çутти.
Ĕçчен хресчен шăпи ăна
Пулма хушман ялта хăна.
Ĕç — пурнăç тыткăчи пулать,
Тăван тавралăх савăнать.
Уй-хир, вăрман та çарансем
Ешерччĕр ĕмĕрех вĕсем.
Хăюллă çынсене пула
Чаплантаратпăр пур çула.
Вăрен, ĕçле, нумай шутла —
Вара пурнатпăр ухсайла.
Кĕрлеччĕр пирĕн заводсем,
Куллен çĕнелччĕр ялĕсем.
Кирек ăçта ĕçлес тесен
Ěç пултăр пирĕн, çамрăксен.