Пĕчĕк пепкем, савса
Кĕтетĕп эп сана.
Кун çутине курса
Эс парăн сассуна.
Эс килсем, килсем,
Килсем çут тĕнчене.
Вăхăтлă килсем,
Ман пĕчĕкçĕ пепкем.
Пĕчĕк кӳлепӳпе,
Тяппусемпе тапса,
Вылятăн аннӳпе
Варта эс хускалса.
Эс килсем, килсем,
Килсем çут тĕнчене.
Вăхăтлă килсем,
Ман пĕчĕкçĕ пепкем.
Эп кулсан — эс йăл кул,
Йĕрсен çеç — ан хурлан.
Тĕреклĕ, сывă пул,
Пепкем, час аталан.
Эс килсем, килсем,
Килсем çут тĕнчене.
Вăхăтлă килсем,
Ман пĕчĕкçĕ пепкем.
Пулăн-и эс ывăл
Е хĕрпĕрчи-и, тен.
Саншăн хавас кăмăл,
Манра-çке ӳтленен.
Эс килсем, килсем,
Килсем çут тĕнчене.
Вăхăтлă килсем,
Ман пĕчĕкçĕ пепкем.