Халăхла пулма шут тытрăм, килсе çитрĕм васкаса,
Тус-тăванăм хапăл пулчĕ, кĕтсе илчĕ йăл! кулса.
Кăмăл тулчĕ, чун лăпланчĕ, юр юрлатăп савăнса.
Пурăнар-и юратуллă, пĕр-пĕрне чунта савса?
Каччисем маттур та ăслă, хушăран пулать кăра.
Пурнăçа тăвасшăн тулăх, черкке çук вĕсен асра.
Кăмăл тулчĕ, чун лăпланчĕ, юр юрлатăп савăнса.
Пурăнар-и юратуллă, пĕр-пĕрне чунта савса?
Пăрчăкан пек чăваш хĕрĕ, ал-ури ĕçчен, вăр-вар.
Калаçать вăл çыпăçуллă, алли асамлать юр-вар.
Кăмăл тулчĕ, чун лăпланчĕ, юр юрлатăп савăнса.
Пурăнар-и юратуллă, пĕр-пĕрне чунта савса?
Тăван халăх, пуç таятăп, ыр сунатăп ĕмĕре.
Ят-сум пултăр, йышу ӳстĕр, ял-йыш пытăр килĕре.
Кăмăл тулчĕ, чун лăпланчĕ, юр юрлатăп савăнса.
Пурăнар-и юратуллă, пĕр-пĕрне чунта савса?