Антонина Арсентьевна Николаевăна, тусăма
Ăшă çил вĕрчĕ — ырă-çке чуна,
Çутă шыв чĕр кĕмĕл евĕр ыткăнать.
Эх, юрлар-ха, юратар-ха пĕр-пĕрне,
Çутă сĕм кĕртер-ха юлнă кунсене.
Васкавлă ишекен шух кимĕлле
Шав ăнтăлатпăр çут инçетелле.
Вĕçетпĕр чарланла — чун, тӳсĕм пар,
Таçта çитме те пур-ха пархатар.
Лĕп çил кăшт вĕрчĕ — ăшă чĕрене,
Юханшывсем чупаççĕ инçене.
Туссемĕр, ыр сунар-ха пĕр-пĕрне,
Кӳрер хаваслăх шутлă кунсене.