Хам ăшăмра ĕмĕрлĕхех
Юратăва эп усрăп.
Ун чух мана çеç темшĕн итлемерĕн:
Епле манас çакна?
Эс урăх чечеке шырарăн пуль?
Кайран, тен, татрăн пуль?
Эп сисеймерĕм.
Çук, çук! Пулман ку сисĕм çуккипе:
Ман ĕненӳ çеç айăплă кунта.
Çапах та манмăп хырлăх вăрманне:
Асилĕве упрать вăл!
Халĕ те.
Тĕппулусен ăшши чуна лăпкать пек,
Хумхантарать пек кăмăла тепре.
Ак эпĕ тепĕр хут кунта
Пуçа усса тăратăп.
Кашларĕ хырлăх.
Кĕвĕллĕ сассем
Мана пăчăртасан, куçран сасартăк
Шăпăртатса тумларĕ йӳç куççуль,
Чечек çине ӳксе
Ахах-мерчен пек йăлтăртатрĕ вăл.
Сасартăк, чан сасси янрарĕ,
Янрарĕ вăхăт-вăхăт.
Тен, уйрăлу каçне
Асилтересшĕн пулчĕ инçетрен
Салхуллă чан сасси?