Розăна
Тăшманăмсем çĕршывăм умĕнче
Элеклесе чĕр хурлăх кăтартсассăн,
Туссем çухалчĕç куçăм умĕнчен,
Эп юлтам пĕчченех. Сывларăм ассăн.
Ун чух, тен, эс пулман пулсан,
Йывăрлăха чăтас та çукччĕ пулĕ.
Никам та мар, пĕр эсĕ çеç ялан
Манпа пĕрле çакаттăн хурлăх чулĕ.
Чул мар, пăр мар, металл та мар мана
Çирĕпленме, тăма вĕрентрĕ тачă.
Пĕр эс шанни те ĕненни кана
Тĕреслĕхе тупмашкăн шанчăк пачĕ.