Хĕвеле хупларĕ
хуп-хура пĕлĕт.
Тунсăхăма ниçта хума пĕлмесĕр
пĕве хĕррине
пырса тухрăм эп.
Инçех те мар
шап-шурă чул выртать,
чĕрĕ пекех мана
куçран пăхать.
Ăна,
ăшăскере,
алла илетĕп,
ачашлатăп,
чĕрем çумне тытса
татах та ачашлатăп,
вара
пĕве варринелле
вăркăнтаратăп.
Пĕве çине
вăр çавра хум тухать.
Ман шурă чул
пĕве тĕпне путать.
Сивĕ пуль пĕве тĕпĕнче.
Тĕттĕм пуль
пĕве тĕпĕнче.
Чулăм ăшăттăр
унти сивлеклĕхе,
Кăштах çутаттăр
унти тĕттĕмлĕхе.
Пулă пырса
чуптутăр ăна.
Уйăх çӳлтен
сăнатăр ăна.