Воркутари виçĕ пӳлĕмлĕ хваттере Шупашкарти пĕр пӳлĕмпе те ылмаштарма килĕшетĕп...
(Юпа çумĕнчи пĕлтерӳрен)
Пĕлместĕп эпĕ: çав хатерлĕ
Çĕр ăшăнман çĕре çити
Мĕскер сана илсе çитернĕ —
Кунта çитмест-и кун çути?
Анчах çакна аван чухлатăп:
Йăх-несĕлсен вил тăприсем
Сана чĕнеççĕ: «Ан чуллантăр
Чĕрӳ унта — килсем, килсем...»
Тата çакна аван туятăп:
Чăваш чĕлхи, тăван чĕлхӳ —
Çак çĕр çинчи тăван пуянлăх:
Ăна, юр-манăçлăх, ан хӳ.