Юханшыв хĕррипе
Иккĕн утнă чухне,
Юрату кĕввипе
Кĕртрен вăй чĕрене.
Кĕвĕ юхрĕ хуллен
Уйăхпа çăлтартан.
Хум сикет çӳлелле
Тухас пек çырантан.
Хум сикмест, ман чĕре
Лапкă мар кăкăрта.
Ыталатăп хĕре —
Шерпетленчĕ тута.
Çыранти чечексем
Уçрĕç çутă куçне,
Çакăн евĕр илем
Кам ярать çĕр çине?
«Юрату, юрату!».. —
Таврара илтĕнет, —
Кил-йышна юрă ту,
Упрасам ун чысне».
Юханшыв хĕррипе
Утнине курнă хир.
Çăлтăрпа хĕвелпе
Тупа тунă эпир.