Манăçнă сăмах-юмах, пурпĕр тупсăмĕ пурах

Уймăл¹ упамасăн² упăлчи³ —

Кăшт кăна уймаллă⁴ пуласси,

Уламас⁵ кĕпе-йĕм тăхăнса,

Мăйĕнчен уртмах⁶ çакса ярса,

Парнесем туйра пуçтарасси.

Уçă саслă та улатăпа⁷,

Тĕл пулмашкăн çăмăл мар унпа,

Кăлтăрти кăвак тăванĕнчен

Упăрч⁸ пурăнать ку таранччен.

Ухлĕм⁹ курăк улăхра ӳсет,

Шăрăха та пит аван тӳсет,

Вăхăтра çулса хатĕрлесен,

Выльăх-чĕрлĕх юратса çиет.

Услам кайăк¹⁰ тенĕ ма ăна,

Ушаха¹¹ кĕме хăракана?

Услам кайăк пĕртте услам мар,

Хир качакине тытать вăр-вар.

Пур-ши, çук-ши халĕ ун пекки,

Килсерен ушапа¹² улчепи¹³?

Пур пулсассăн пурпĕр япăх мар

Сивĕрен кĕрсессĕн ăшăнма.

Укрукпа¹⁴ тытсассăн тихана

Çав тери шеллес килет ăна.