Кĕсменсĕр кимĕ евĕр
Ишетĕп пурнăçра.
Ăçта илсе çитерĕ
Çак ахăр самана.
Эп хамшăн хăрамастăп,
Эп курнă пурăнса.
Ачам çинчен шутлатăп
Шăпишĕн хăраса.
Пире хĕссе çитерчĕ
Еткерлĕх чухăнни.
Мĕскер ăна пĕтерчĕ,
Ăçта эп вăй хуни?
Ытла вылять-çке шанăç,
Таканари шыв пек.
Ăçта эс, чунри канăç,
Ăçта ăшри тӳлек?
Шăвать халь пурнăç тикĕс,
Ун пур-ши тилхепи?
Мĕн-ма-ши кăштах тикĕс
Кусмасть ун урапи?
Кĕсменсĕр кимĕ евĕр
Ишетĕп пурнăçра.
Ăçта илсе çитерĕ
Çак ахăр самана.