Эпир ĕлĕк йĕкĕт чух
Улах тăрăх çӳреттĕмĕр
Çĕрлен çĕрех каяттăмăр.
Çĕрлен çĕрех савкаласа,
Сиккелесе ташласа
Ай пыраттăмăр.
Улах тĕлне çитсессĕн,
Алăк патне чарăнсан,
Чăсаттăмăр купăса.
Купăс каласа,
Сиккелесе кулкаласа
Ташлаттăмăр мунчара.
Ташлаттăмăр тăраниччен
Сикеттĕмĕр йăлăхиччен
Çурçĕр çитсен,
Автан авăтсан
Каяттăмăр килелле.
Çапла вара çĕр çиртни,
Туйăнмастчĕ тарлани,
Тарласан та сивнеттĕмĕр.
Халĕ ĕнтĕ ватăлсан,
Çамрăк кунсем иртсессĕн,
Эххĕм-аххăм çăварта.