Лайăх-çке мана санпа,
Хĕрӳ чĕрӳ ăшăтать.
Çирĕп шанчăк çуратать, —
Лайăх-çке мана санпа.
Савăк-çке мана санпа,
Çепĕçлĕхӳ çупăрлать,
Чĕреме лăплантарать, —
Савăк-çке мана санпа.
Тăнăç-çке мана санпа,
Лăпкăлăху ачашлать.
Чĕрем тикĕссĕн тапать,
Тăнăç-çке мана санпа.
Ырă-çке мана санпа —
Чун ăшшине парнелен,
Хăвăн ытамна илен, —
Ырă-çке мана санпа.
Шухăш-ĕмĕтпе вĕçеп:
«Ирĕн-çĕрĕн пĕр санпа...
Çапла çырнă пуль шăпа», —
Санпа çеç телейлĕ эп.