Çĕр çинче пайтах кĕпер,
Кашниннех тĕллевĕ паллă:
Çул çӳрен, иртсем чипер,
Çит çитес çĕре васкавлăн.
Сӳтнĕ май шăпа çулне
Эп пайтах шыв урлă каçрăм.
Шутламан кĕпер йышне,
Кашнинпех сăпай калаçрăм.
Хӳхĕм йывăç кĕперсем,
Хурçă кĕперсем те пулчĕç.
Эрешленĕ карлăксем
Ăнăçу сунса ал сулчĕç.
Кăмăл çук кĕме чĕрре.
Ĕмĕтĕм, ăçта çитерĕн?
Çын каçман кĕпер пĕрре:
Сăрлă асамат кĕперĕ.