Ман урăх мĕн сĕнес?.. Хăналăх кайăк
Юрасшăн çепĕç кĕвĕпе сана.
Юрлать ăста, анчах вĕçсе вăл кайĕ:
Çитес сивех хăратĕ час ăна.
Сар хĕрĕн пур юраттарма илемĕ,
Туйнать хитре юласлăн ĕмĕрех...
Çул хыççăн иртĕ çул — унпа киленмĕн:
Пит-куçĕ пĕркеленĕ пĕтĕмпех.
Эп чухăнрах, тен, вĕсенчен: сăн-питĕм
Курнассăм çук ытарайми чечен.
Хăшсен пек, сас та янăраймĕ питĕ.
Чăнах та, урăх мĕн сĕнес? Ĕнен:
Кирек хăçан та саншăн çунĕ чунăм,
Санран ниçта та пулас çук вăл уйрăм.