Иртсе кайнишĕн ӳкĕнсе ӳкме
Пулмарĕ манăн ĕмĕрте сăлтавăм:
Мана вилсе кайсан çĕре чикме
Масар çине ăсатĕ халăх шавĕ.
Атакăра аманнă чух çĕрле
Шур юр çинче пĕччен выртса юлмарăм.
Эрех ĕçсен те халăхпа пĕрле
Шавларăм эп, пуçа ухса юрларăм.
Çырма ларсан çеç эпĕ пӳлĕмре
Пулатăп сĕпсех кайăк пек пĕчченçĕ.
Ун чух та манăн юррăм-кĕввĕмре
Çынсен, çилсен чĕр сассисем кĕрлеççĕ.