Сайта кӗр | Регистраци | Сайта кӗрсен унпа туллин усӑ курма пулӗ
 +11.0 °C
Шаланкӑ шыв кӑларать, ула курак пырса ӗҫет.
[ваттисен сӑмахӗ: 2507]
 

Кӗҫӗн шӑллӑма (Иван Егоров)

Анне пек ҫын, шӑллӑм, ҫук вӑл тесшӗн
эп сана, ҫуках кунта тупма.
Тӗнчипе ун пеккисем миҫен-ши
ҫурӑлан чуна кӑшт пусарма?

Хуйхӑ-суйхӑ пуснӑ ҫын пырать-и
хуйхи-суйхине чӑтайманран,
хайӗнчен хӑй хӑш-пӗри тарать-и,
пил парать анне, шеллет чунран.

Вӗсемпе пӗрлех туять хӑйне те
хӑтӑлнӑн асаплӑ инкекрен.
Аннене кашнийӗ ӗненет-тӗр,
тав тӑвать чунран та чӗререн.

Ҫын, тӗнче хуйхи чунне тулсассӑн,
калаҫма пӗр чун та юлмасан,
ҫурӑлса чӗри каяс пулсассӑн —
никама та, шӑллӑм, ан вӑрҫсам.

Эпӗр пулмасан, ҫитеймесессӗн
е килсе тухсассӑн пӗтмелле,
тирпейле те, макӑр, макӑр эсӗ.
Йӗр, хӳхле эс эпӗр илтмелле...


 
Статья каҫми :: Пичет версиӗ

Admin тӳрлетнӗ, информацие 2006-11-29 13:46:58 вӑхӑтра улӑштарнӑ. 2640 хут пӑхнӑ.
Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org