Сайта кӗр | Регистраци | Сайта кӗрсен унпа туллин усӑ курма пулӗ
 +16.0 °C
Ҫурхи кун кӗр тӑрантарать.
[ваттисен сӑмахӗ]
 

Ачалӑх (Николай Карай)

Ӗҫлеттерес тесе те мар,
Выҫсассӑн, ҫӑкӑр ыйтнӑран,
Мана анне ҫурла тытма
Вӗрентнӗ, эп вунна пуссан.

Ята ҫурла аври ҫине
Эп ҫырнӑччӗ хитре касса,
Уйра тупсан, Кам ҫурлине,
Такам та пӗлнӗ, вуласа.

Пӑхмастчӗҫ эс камне.
Ана Виҫсе паратчӗҫ — упален.
Выраттӑмччӗ, Хыҫри ҫынна
Хамран эп пур пӗр ирттермен.

Кашни пучах — ҫӑкӑр чӗлли,
Ҫакна эп пӗлнӗ пӗчӗкрен.
Пурне ҫине вырма палли
Ҫурла лартман пуль ахальтен.

Эп тунӑ сар кӗлтесенчен
Ҫавра ҫӗмел ӳссе ларсан,
Ҫут тӗнчере маншӑн, ӗнен,
Унран пахи нимскер пулман...

Ҫиме ларсан, ӗшеннине
Туяттӑмччӗ кӗлеткере.
Ачалӑха эп хӑш чухне
Куратӑп халь те тӗлӗкре.

Николай Карай


 
Статья каҫми :: Пичет версиӗ

Admin тӳрлетнӗ, информацие 2006-03-08 11:01:54 вӑхӑтра улӑштарнӑ. 2645 хут пӑхнӑ.
Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org