Сайта кӗр | Регистраци | Сайта кӗрсен унпа туллин усӑ курма пулӗ
 +16.0 °C
Вӗренни мулран хаклӑ теҫҫӗ.
[ваттисен сӑмахӗ]
 

Анне патӗнче (Галка Ваҫлейӗ)

C. Есенин майлӑ

Ыран ир варатсамччӗ, аннеҫӗм,
Эс мана шурӑмпуҫ тӗлнелле.
Аякран пур хыпар ҫыру вӗҫҫӗн,
Манӑн хаклӑ хӑнам килмелле.

Ир ирех сывлӑмпа ҫитӗ тусӑм
Шӑплӑхра шӑпчӑксем вӑрансан.
Ытамра сирӗлӗ пирӗн тунсӑх,
Туххӑмах кайӗ кун ҫуталса!

Тӗмсӗлсе кӗтнӗрен кӑмӑл тулӗ,
Шӑнӑҫаймӗ хаваслӑх пӳртре.
Чечекпе чӳхенен улӑх ҫулӗ
Хырлӑха ертсе кайӗ пире.
Темиҫе ҫул пулман уявра эп,
Унчченхи хӗрӗве ҫӗнетсе,
Купӑса пӗрехҫех тӑсса ярӑп —
Шӑранса йӗрӗҫ йӗс чӗлӗхсем!

Ҫак сӑваплӑ ҫӗрте эп кун курнӑ,
Уй-хир илнӗ ынат ытамне.
Ах, шӑпаҫӑм, ан кур тек хӗн-хурлӑх,
Ан аса ил, аннем, иртнине.

Ҫапах пур ман эс панӑ пӗр пиллӗх:
"Несӗле эс упра, ят-чысна".
Сан пата час килеймӗп, тен, ӳлӗм
Эп, аннеҫӗм, юри асӑнса.

Эппин, хамӑрӑн хаклӑ хӑнашӑн
Кӗрекемӗр тулли пултӑрах.
Ҫӗр ҫинче ҫӗнӗ юрӑ хывмашкӑн
Эпир тивӗҫ манми туслӑхра!

Галка Ваҫлейӗ>>


 
Статья каҫми :: Пичет версиӗ

Admin тӳрлетнӗ, информацие 2006-03-12 01:05:48 вӑхӑтра улӑштарнӑ. 2701 хут пӑхнӑ.
Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org