Сайта кӗр | Регистраци | Сайта кӗрсен унпа туллин усӑ курма пулӗ
 +16.0 °C
Ҫилсӗр ҫирӗк тӑрри те хумханмасть.
[ваттисен сӑмахӗ]
 

Ҫӗнӗ ҫул каҫӗ (Григорий Скворцов)

Шак! шаккать хуллен сехечӗ,
Ҫеккунтсен иртет черечӗ.
Кӗҫ минут та, ак, тулать —
Минутран сехет пулать.

Ҫавӑн пек иртет ҫулталӑк,
Ҫӗнӗ ҫул уҫать ҫӗн алӑк —
Хӗл Мучийӗ, Юр пике
Килсе кӗчӗҫ ман киле.

Пичӗсем улма пек хӗрлӗ,
Кучченеҫӗ — темӗн тӗрлӗ,
Йӑл! кулли ҫиҫет сӑнра,
Сӗнсе пӑхрӑм эп сӑра.

Симӗс чӑрӑш тавралла,
Питӗ савӑк йышпала:
Тилӗ, кашкӑр та куян —
Ташша ятӑмӑр вӑйран.

Кӗмӗл уйӑх кантӑкран
Пӑхса илчӗ кӑшт тӑрсан.
Пухрӗ ҫӑлтӑр картине,
Вӑййа тухрӗ тӳпене.

Шак! шаккать хуллен сехечӗ,
Минутсен иртет черечӗ,
Ак, вун иккӗ вӑл ҫапать,
Ҫӗн ҫула вӑл ал парать.

Курантпа пӗрле хаваслӑн
Хрустальсем янраҫ пӗр саслӑн.
Ҫӗнӗ ҫул, пуҫла кунна —
Раҫҫейпех кӗтнӗ хӑна.

Григорий Скворцов.
Вӑрнар районӗ, Мӑньял Хапӑс ялӗ.


 
Статья каҫми :: Пичет версиӗ

Admin тӳрлетнӗ, информацие 2006-01-11 22:06:22 вӑхӑтра улӑштарнӑ. 3294 хут пӑхнӑ.
Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org