Сайта кӗр | Регистраци | Сайта кӗрсен унпа туллин усӑ курма пулӗ
 -1.0 °C
Айван ҫыннӑн турти кӗске теҫҫӗ.
[ваттисен сӑмахӗ]
 

Аçтахар Плотников: Ҫеҫпӗл Мишшин тӑван чӗлхи театр умне тухатех!

Аçтахар Плотников05.11.2019 21:052495 хут пӑхнӑ

Ҫамрӑксен театрӗн ҫурчӗн ҫамки ҫине чӑвашла ҫырманни чылайӑшӗн кӑмӑлне хускатрӗ — статья айӗнче хӑйӗн шухӑшне сахал мар ҫын палӑртрӗ. Ҫавах та театр директорӗ шӑнкӑравланӑ хыҫҫӑн, ыйту хуравне хӑйӗнчен илтес тесе, Елена Васильевна патне ҫитсе килес терӗм.

Чӑн та, тӗрӗссипе, статья ҫырас умӗн Елена Николаевӑпа ҫыхӑнмаллаччӗ. Хӑш-пӗр япала вара уҫӑмланӗччӗ, халӑх ытлашши пӑшӑрханса ӳкмӗччӗ.

Статйи хӑй «Чӑвашла ҫырма вӑхӑт пулман» хыпарпа паллашнӑ хыҫҫӑн ҫуралчӗ-ха ӗнтӗ. Унта тӗп вырӑна учреждени ячӗсене чӑвашла ҫырассине лартнӑччӗ та-ха та. Анчах халӑха ытларах Ҫеҫпӗл Мишши ятне чӑвашла ҫырманни пӑшӑрхантарчӗ пулас та чи нумай «патак ҫиме» Елена Васильевнӑн тиврӗ. Кунта савӑнмалли самант та тупма пулать ӗнтӗ — чӑвашлӑх тӗнчи халӑх чӗрине хумхантарма пӑрахман-ха! Халӑх хӑй чӑваш пулнине манса кайман, ытти халӑх хушшинче ҫухаласшӑн мар!

Ҫамрӑксен театрӗн директорӗ патне ун чухне мӗншӗн шӑнкӑравламарӑм-ха? Пӗрремӗшӗнчен, вӑл статья ҫӗрле ҫырӑнчӗ (шӑматкун ирхи валли курӑмланма лартнӑччӗ). Иккӗмӗшӗнчен, Фейсбукра ку тӗлӗшпе Елена Васильевнӑн хуравӗ пурччӗ ӗнтӗ — вӑл унта чӑвашла пулатех тесе пӗлтернӗччӗ. Шӑнкӑравласан та урӑх ним ҫӗнни те пӗлеймӗп тесе шутларӑм. Вӑл хурава та хамшӑн «отписка» евӗр ҫеҫ йышӑнтӑм-ха.

Директор патӗнче хӑнара пулнӑ хыҫҫӑн ыйту уҫӑмланчӗ. Чӑвашла ҫырма шутламан тени пӗрре те тӗрӗс мар. Шутланӑ. Чӑвашла текстне те хатӗрленӗ. Эп ҫырнӑ статья пулман пулсан ҫак кунсенчех чӑвашла ҫырни те хӑйӗн вырӑнне тупатчӗ. Паян пулса иртнӗ шӑв-шав хыҫҫӑн театр ятне ҫурт ҫине урӑхларах ҫырма шут тытнӑ, ҫавна май кӗтме тивӗ. Ку ӗҫе 22-мӗшччен йӗркелесе ҫитерес шухӑшлӑ.

Ҫурт ҫамки ҫинче вырӑсла ҫеҫ ҫырса хуни вӑхӑтлӑха ҫеҫ. Пӗрремӗшӗ — ҫывӑх вӑхӑтра Шупашкар театр форумӗ иртмелле. Вӑл чӳкӗн 11-мӗшӗнче пуҫланмалла. Ҫавна май васканӑ та ӗнтӗ, вырӑслине те пулин ҫурт ҫамки ҫине вырнаҫтарма — хӑнасене ятсӑр театрта йышӑнас мар тесе. Иккӗмӗшӗнчен — театр директорӗ ӑнлантарса панӑ тӑрӑх, Ҫеҫпӗл Мишши ҫуралнӑ кунӗ тӗлне ҫав-ҫавах чӑвашла та пулӗччӗ. Ку уява вырӑсла ятпа ҫеҫ ҫавах кӗтсе илмӗччӗх.

Унсӑр пуҫне ҫурт ҫамки ҫинче вырӑн хӗсӗк пулни те лару-тӑрӑва самай кӑткӑслатнӑ. Чӑвашлине ӑҫта вырнаҫтарасси ыйту тӑратнӑ: вырӑслипе юнашар? е алӑк ҫийӗнчи полосапа усӑ курмалла? Ҫӗнӗ тум тӑхӑннӑ хыҫҫӑн театрӑн ум енӗ пушанса юлнӑ (асаилтерер, маларах унта театр анонсӗсем вырнаҫнӑччӗ) — унта ҫырасси пирки те шухӑшланӑ: пысӑк та илемлӗ саспаллисемпе вырнаҫтармалӑх вырӑн сахал мар. Ҫаксенчен хӑш варианта суйласа илнине каярах пӗлме пулӗ — вырнаҫтарнӑ хыҫҫӑн. Хальлӗхе сире пӗлтермӗпӗр, варианчӗсемпе ҫеҫ паллаштарӑпӑр.

Елена Васильевна патӗнче хӑнара пулни питӗ кӑмӑла кайрӗ. Чи килӗшнӗ самант — Иосиф Трера театрта манмаҫҫӗ: директор кабинетӗнче ун сӑнӗ тӑрать; Елена Васильевна та калаҫу хушшинче ун ятне вунӑ хут та асӑнчӗ пуль. Хӑшӗ-пӗри Иосифа ахалех вӑранма ыйтать — Ҫеҫпӗл ятӗнчен ҫамрӑксен театрӗнче кулаҫҫӗ тени тӗрӗс мар. Елена Васильевнӑн ятне те ырӑпа кӑна асӑнатчӗҫ эп тӗл пулнӑ ҫынсем. Театр ҫуртне хӑт кӗртес тесе вӑл театртах кунне-ҫӗрне ирттерет тени сахал мар илтрӗм. Чӑн та, калаҫуран та хӑйне шанса панӑ ӗҫе пӗтӗм чуна парса ӗҫлени лайӑх курӑнчӗ.

Ҫамрӑксен театрӗн ҫурчӗ чӑннипе те илемлӗ пулса тухнӑ. Кӑна Валерий Туркай та палӑртрӗ. Елена Васильевнӑна эпир хамӑр енчен пуҫланӑ ӗҫе тивӗҫлӗ шайра вӗҫлеме сунатпӑр, театр форумӗ те, Ҫеҫпӗл Мишшин ҫуралнӑ кунне халалланӑ уяв та аван иртессе шанатпӑр!

 

Комментари:

2019-11-23 17:47
Акапасар, енчен те эсĕ çавтери муталанатăн пулсан чăваш чĕлхишĕн, мĕншĕн-ха ятна пытаран? Намăс-и çынсем эсĕ чăваш пулнине пĕлесрен?
Agabazar // 2093.1.5846
2019-11-23 22:21
Agabazar
Муталанаканни эп мар. Вăл — эс ху. Куçкĕски çине пăхса ил.
2019-11-24 19:05
Акă халĕ тĕрĕсне çыртăн хăвăрăн мĕншĕн сайтра ларнине. Сире пĕрне те пĕр чĕптĕм те кăсăклантармасть чăваш чĕлхи, сире пулсан хăть чăваш чĕлхи, хăть вырăс чĕлхи, кунта та пытанса лараттăр. Чăнласа тăван чĕлхешĕн çунакан пытанса пурăнмасть
Agabazar // 2154.10.6909
2019-11-24 21:32
Agabazar
Ытлашши хыта ан çун, шалккă сана.
2019-11-25 06:52
Жалость унижает человека. Максим Горький. Агабазар, не меня надо жалеть, а вас, якобы переживающих за родной язык.
Юлташ // 1012.26.1695
2019-11-25 15:23
Ача вăл Турă парни! Пурне те лекмст ун пек парне.
2019-11-25 16:45
Вот ещё один вылупился под ником чуваш. Под другой статьёй для подобных комментаторов я уже оставил по совету Агабазара: боитесь сходить по большому на пустыре, что кто-то может столкнуть на кучку, дожидайтесь, пока кто-нибудь придёт и сделает за вас чувашский язык родным и вы все заговорите на нём. А так, что ты лезешь под идиотским ником? Или именем наречь забыли при крещении?
Agabazar // 2475.16.0877
2019-11-26 02:49
Agabazar
Питех хытă хавхаланмасан, кайран алăсене усас хуйхă та çук.
Agabazar // 1664.55.0877
2019-11-26 12:53
Agabazar
Аскольд Максим Горькие пĕлнипе каппайланасшăн имĕш.
Суя.
Ултав.
Маким Горький унашкал каламан.
Апла калакане — Сатин. Кам-ха вăл Сатин? Уголовник. Пăянццă. Алкоголик. Шулер. Çаппа-çарамас çапкаланчăк.
Халь вара пирĕн çав Сатинсенчен вĕренмелле-и? Э?

<<Жалеть... Нужно жалеть или не нужно жалеть – так ставят вопрос фальшивые люди. Ты еще найди силы жалеть. Слабый, но притворный выдумывает, что надо – уважать. Жалеть и значит уважать, но еще больше.>>
– ШУКШИН Василий Макарович.

Куçарса парас-и çакна? Е куçармасăрах ăнланан?
Agabazar // 1664.55.0877
2019-11-26 13:00
Agabazar
<<Зря все-таки

воскликнули: "Не жалеть надо человека!.." Это тоже -- от неловкой, весьма

горделивой позы. Уважать -- да. Только ведь уважение -- это дело наживное,

приходит с культу­рой. Жалость -- это выше нас, мудрее наших библиотек...

Мать -- самое уважаемое, что ни есть в жизни, самое род­ное -- вся состоит

из жалости. Она любит свое дитя, уважа­ет, ревнует, хочет ему добра -- много

всякого, но неизмен­но, всю жизнь -- жалеет. Тут Природа распорядилась за

нас. Отними-ка у нее жалость, оставь ей высшее образование, умение

воспитывать, уважение... Оставь ей все, а отними жалость, и жизнь в три

недели превратится во всесветный бардак. Отчего народ поднимается весь в

гневе, когда на по­роге враг? Оттого, что всем жалко всех матерей, детей,

род­ную землю. Жалко! Можете не соглашаться, только и я знаю -- и про святой

долг, и про честь, и достоинство, и т.п. Но еще -- в огромной мере -- жалко.>>

Василий Шукшин, "Боря"
========================================

Кăна та куçарса памалла-и сана? Е куçармасăрах ăнланăн?

Страницӑсем: 1, 2, 3, 4, 5, ... 10

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org