Сайта кӗр | Регистраци | Сайта кӗрсен унпа туллин усӑ курма пулӗ
 +2.3 °C
Ырӑ сӑмах ылтӑнтан хаклӑ.
[ваттисен сӑмахӗ]
 

Хыпарсем: кӑшӑлвирус

Сывлӑх
medboli.ru сайтри сӑн
medboli.ru сайтри сӑн

Паян ЧР сывлӑх сыхлавӗн министрӗ Владимир Степанов тӳрӗ лини ирттернӗ, унта кӑшӑлвирус, вакцинаци пирки калаҫнӑ.

Министр ҫак каварлӑ чирпе ытларах камсем нушаланнине каласа кӑтартнӑ. Республикӑра чирленисенчен ытларахӑшӗ, 92 проценчӗ, илте амбулатори мелӗпе сипленет. Пӗтӗмпе - 3 пин ытла ҫын.

Аса илтерер: юлашки вӑхӑтра кӑшӑлвируспа чирлекенсен йышӗ ӳссе пырать.

Хыпар ҫӑлкуҫӗ: https://pg21.ru/news/81643
 

Сывлӑх
vk.com сайтри сӑн
vk.com сайтри сӑн

Ыран, авӑнӑн 15-мӗшӗнче, 13 сехетре ЧР сывлӑх сыхлавӗн министрӗ Владимир Степанов тӳрӗ лини ирттерет. Ӑна «Контактри» «Чӑваш Республики» тата «Чӑваш Ен Сывлӑх сыхлавӗн министерстви» ушкӑнсенче итлеме пулать.

Министр республикӑра кӑшӑлвирус енӗпе лару-тӑру мӗнлине, вакцинаци пирки каласа кӑтартӗ. Унпа пӗрле республикӑри штатра тӑман тӗп терапевт Лариса Тарасова, штатра тӑман ача-пӑча тӗп аллерголог-иммунологӗ Нина Рассказова пулӗҫ. Вӗсем те ыйтусене хуравлӗҫ.

Ыйтусене ушкӑнри пост айне ҫырма, тӳрӗ эфир вӑхӑтӗнче пама пулать.

 

Сывлӑх
Стопкоронавирус.рф сайтри сӑн
Стопкоронавирус.рф сайтри сӑн

Юлашки кунсенче республикӑра кӑшӑлвируспа чирлекенсен йышӗ нумайланнӑ. Талӑксерен 400 ытла ҫын инфекциленет. Ҫапла темиҫе кун ӗнтӗ: 407, 431, 404, 426... Юлашки талӑкра 417 ҫын чирленӗ.

Иртнӗ талӑкра вилекенсем пулман. 21 ҫынна пульницӑна вырттарнӑ. 299 ҫын сывалнӑ. Чирлекенсем нумай пулсан та пульницӑра сипленекен сахал, чылайӑшӗ чире килтех чӑтса ирттерет. Иртнӗ эрнере 2721 ҫын инфекциленнӗ пулсан вӗсенчен 239-шӗ пульницӑна лекнӗ, 2 ҫын вилнӗ.

 

Сывлӑх
cap.ru сайтри сӑн
cap.ru сайтри сӑн

Утӑ уйӑхӗн пуҫламӑшӗнче кӑна Ветерансен госпиталӗнче койкӑсен йышне пысӑклатнӑччӗ. Унта кӑшӑлвируспа чирлекенсем сипленетчӗҫ. Нумаях пулмасть вара пульница ахаль чухнехи пекех ӗҫлеме пуҫланӑ – пацентсене йышӑнаҫҫӗ.

Утӑ уйӑхӗччен унта 140 койка пулнӑ. Кайран тепӗр 30 койка хушнӑ. Ун чухне Кардиодиспансерӑн хирурги корпусӗ ахаль режима таврӑннӑ пулнӑ.

Сӑмах май, Ветерансен госпиталӗ ковид-стационар пек 2020 ҫулхи ака уйӑхӗнченпе ӗҫленӗ. Тӗп тухтӑр Владимир Осипов каланӑ тӑрӑх, халӗ чылайӑшӗ кӑшӑлвируса ҫӑмӑллӑн чӑтса ирттерет, нумайӑшӗ килтех сипленет.

 

Сывлӑх
цин infosmi.net сӑнӳкерчӗкӗ
цин infosmi.net сӑнӳкерчӗкӗ

Чӑваш Енӗн вице-премьерӗ — сывлӑх сыхлав министрӗ Владимир Степанов палӑртнӑ тӑрӑх, республикӑра эпидемиологи лару-тӑрӑвӗ кунсерен япӑхса пырать. Ҫурла уйӑхӗн 1-мӗшӗ тӗлне илсен, 350 пациент килте сипленнӗ пулсан, халӗ ҫак цифра 2723-е ҫитнӗ. 206 пациента пульницӑна вырттарнӑ.

Владимир Степанов пурне те вакцинаци витӗр тухма чӗнсе каланӑ. Хальхи вӑхӑтра вакцинацин вӑтам кӑтартӑвӗ — 78,3 %. Ҫав вӑхӑтрах хӑш-пӗр муниципалитетра ку цифра 70-тен пӗчӗкрех. Ку списокра — Улатӑр хули, Улатӑр, Элӗк, Вӑрнар, Вӑрмар, Шӑмӑршӑ, Елчӗк тата Тӑвай районӗсем.

 

Сывлӑх
Стопкороанвирус.рф сайтри сӑн
Стопкороанвирус.рф сайтри сӑн

Юлашки талӑкра Чӑваш Енре кӑшӑлвируспа чирленӗ 43 ҫын пульницӑна лекнӗ. Кун пекки тахҫанах пулман. Утӑ уйӑхӗн 14-мӗшӗнче 46 ҫынна пульницӑна вырттарнӑ.

Ӗнер Сывлӑх сыхлавӗн министерстви пӗлтернӗ тӑрӑх, стационарта 206 пациент сипленнӗ. Паянхи кун тӗлне 204 ҫын сывалнӑ. Вилекенсем пулман.

Чирлекенсен йышӗ ӳссе пырать. Юлашки талӑкра 309 ҫын инфекциленнӗ. Паянхи куна илес тӗк, стационарта тата килте амбулатори мелӗпе 2,4 пин ҫын сипленет.

 

Сывлӑх
cap.ru сӑнӳкерчӗкӗ
cap.ru сӑнӳкерчӗкӗ

Ҫурла уйӑхӗн 29-мӗшӗнче Правительство ҫуртӗнче кӑшӑлвируса сарӑлма парас мар енӗпе ӗҫлекен оперштаб ларӑвӗ иртнӗ. Кун пек ларӑва ҫӗртмен 9-мӗшӗнченпе пухӑнман, мӗншӗн тесен чирлекенсем сахал пулнӑ.

Халӗ вара сӳтсе явмалли пур: кӑшӑлвирус каллех сарӑлма пуҫланӑ. Ҫурла уйӑхӗн пуҫламӑшӗнченпе чирлесси 8 хут ӳснӗ. Роспотребнадзорӑн Чӑваш Енри пуҫлӑхӗ Надежда Луговская ҫынсене общество вырӑнӗсенче маска тӑхӑнма сӗннӗ. Хальлӗхе ку - сӗнӳ кӑна. Ларура оперштаб пайташӗсем ҫӗнӗлӗхсем йышӑнман.

 

Хулара
hab.mk.ru сайтри сӑн
hab.mk.ru сайтри сӑн

Шупашкар хула администрацийӗ общество апатланӑвӗн тытӑмӗнче ӗҫлекенсене кӑшӑлвирусран хӳтӗленмешкӗн маска тӑхӑнма сӗннӗ. Кун пирки асӑрхаттарса ҫырнӑ ҫырусене пӗтӗм организацие ҫитернӗ.

Вируса сарӑлма парас мар тесе общество апатланӑвӗн организацийӗсенче ӗҫлекенсене дезинфекци тума, маска тӑхӑнма, дистанцие пӑхӑнма ыйтнӑ.

Аса илтерер: юлашки кунсенче республикӑра кӑшӑлвируспа чирлекенсем нумайланаҫҫӗ.

 

Сывлӑх
Стопкоронавирус.рф сайтри сӑн
Стопкоронавирус.рф сайтри сӑн

Республикӑра кӑшӑлвируспа чирлесси тӑваттӑмӗш эрне ӗнтӗ ӳсет. Утӑн 25-31-мӗшӗсенче - 292 ҫын, ҫурлан 1-7-мӗшӗсенче 538 ҫын инфекциленнӗ.

Иртнӗ шӑматкун республикӑра 158 ҫын чирленине палӑртнӑ. Ӗнер 153 ҫын инфекциленнӗ. Иртнӗ талӑкра 2 ҫынна пульницӑна вырттарнӑ. Ку - пысӑк хисеп мар. Ахӑртнех, нумайӑшӗ чире ҫӑмӑллӑн чӑтса ирттерет.

Юлашки талӑкра 108 ҫын сывалнӑ, вилекенсем пулман. Хальхи вӑхӑтра республикӑра коллектив иммунитечӗ 8,7 процентпа танлашать. Ку - сахал. Чирлекенсем нумай чухне ку кӑтарту 80 е 90 процент пулмалли пирки калатчӗҫ.

 

Сывлӑх
Стопкоронавирус.рф сайтри сӑн
Стопкоронавирус.рф сайтри сӑн

Юлашки вӑхӑтра республикӑра кӑшӑлвируспа чирлекенсен йышӗ ӳссе пырать. Стопкоронавирус.рф пӗлтернӗ тӑрӑх, юлашки талӑкра 126 ҫын инфекциленнӗ. Кун пек кӑтарту тахҫанах пулман.

Юрать-ха, иртнӗ талӑкра вилекенсем пулман. 27 ҫынна пульницӑна сипленме вырттарнӑ. 83 ҫын вара сывалнӑ.

Пандеми пуҫланнӑранпа республикӑра 83,1 пин ытла ҫын чирленӗ. Вӗсен 93,6 проценчӗ сывалнӑ – ку 77,9 пин ҫынпа танлашать. 4,7 пине яхан пациент кӑшӑлвируса парӑнтараймасӑр вилнӗ.

Ҫурла уйӑхӗн пуҫланнӑранпа вара Чӑваш Енре 5 ҫын кӑшӑлвируса пула пурнӑҫран уйрӑлнӑ.

 

Страницӑсем: 1, 2, 3, [4], 5, 6, 7, 8, 9, 10, 11, 12, 13, 14, ... 79
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 03:00) уяр ҫанталӑк, атмосфера пусӑмӗ 751 - 753 мм, 0 - -2 градус сивӗ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуть те кам тухсан та
хуҫин ҫитӗннӗ ачисем
хуҫа арӑмӗ
кил-йышри арҫын
ӑсатма тухни — ҫылӑх, юрамасть
хуҫа тарҫи
хуҫа хӑй
хӑнана ӑсатма никам та тухмасть
пӗтӗм кил-йышпа тухаҫҫӗ
хӑни ҫулне ахаль те пӗлет, ӑсатмасӑр та