Сайта кӗр | Регистраци | Сайта кӗрсен унпа туллин усӑ курма пулӗ
 +7.3 °C
Пӗр хулӑ хуҫӑлать, пин хулӑ хуҫӑлмасть.
[ваттисен сӑмахӗ]
 

Хыпарсем: инкексем

Пӑтӑрмахсем
Канаш районӗнчи инкек. //t.me/gibdd121 сӑнӳкечӗкӗ
Канаш районӗнчи инкек. //t.me/gibdd121 сӑнӳкечӗкӗ

Паян ирпе Канаш районӗнче тӑватӑ машина ҫул ҫинчи инкеке лекнӗ.

Малтанласа палӑртнӑ тӑрӑх, «VW Taos» автомобиле тытса пыракан 37 ҫулти хӗрарӑм-водитель сулахай енчен сылтӑм енне куҫнӑ чухне «Солярис» машина ҫине пырса кӗнӗ.

Ҫав самантра хамӑр ҫӗршывра туса кӑларнӑ 14-мӗш модельлӗ «Лада» пынӑ. Вӑл инкеке лекес мар тесе хирӗҫ килекен ҫул ҫине тухса кайнӑ та 11-мӗш модельлӗ «Лада» автомобильпе пырса ҫапӑннӑ.

Инкекре хамӑр ҫӗршывра туса кӑларнӑ машинӑсен водителӗсем шар курнӑ.

Ҫӗнӗ Шупашкарта вара васкавлӑ пулӑу машини ҫине ӳсӗр водитель пырса кӗнӗ.

Хыпар ҫӑлкуҫӗ: https://t.me/gibdd121/3025
 

Пӑтӑрмахсем
21.мвд.рф сӑнӳкерчӗкӗ
21.мвд.рф сӑнӳкерчӗкӗ

Паян ҫӗрле Муркаш районӗнчи инкекре тӑватӑ ҫын аманнӑ.

Инкек ҫурҫӗр иртни пӗр сехет тӗлӗнче пулса иртнӗ. «Мускав-Ӗпхӳ» М-7 ҫул ҫинче, Муркаш районӗнчи Юнкӑпуҫ ялӗ тӗлӗнче, «Киа Оптима» ҫӑмӑл машина хирӗҫ килекен ҫул ҫине тухса кайнӑ. 46 ҫулти водитель унта «DAF XF» автомобильпе пырса ҫапӑннӑ.

Инкекре ҫӑмӑл машина водителӗ тата салонра ларса пынӑ виҫӗ пассажир суранланса пӗтнӗ, вӗсене больницӑна илсе кайнӑ.

Водительсем, сӑмах май каласан, урах пулнӑ.

 

Пӑтӑрмахсем
t.me/gibdd121 сӑнӳкерчӗкӗ
t.me/gibdd121 сӑнӳкерчӗкӗ

Паян ирпе Шупашкарта автобус ҫӑмӑл машинӑпа пырса ҫапӑннӑ.

35-мӗш маршрутпа ҫӳрекен «Волга-бус» автобус Воробьёв композиторсен урамӗнче ирхи 7 сехет те 25 минутра «Ланд Крузер» автомобиль ҫине пырса кӗнӗ. Автобуса 1987 ҫулта ҫуралнӑ арҫын тытса пынӑ.

Инкек вӑхӑтӗнче автобус салонӗнче 10 ҫын пулнӑ. Вӗсенчен виҫҫӗшӗ аманнӑ.

Хыпар ҫӑлкуҫӗ: https://t.me/gibdd121/2815
 

Пӑтӑрмахсем
умвд.21.мвд.рф сӑнӳкерчӗкӗ
умвд.21.мвд.рф сӑнӳкерчӗкӗ

Нарӑс уйӑхӗн 20-мӗшӗнче Шупашкарта ирхи 6 сехетре маршруткӑпа ҫӑмӑл машина ҫапӑннӑ.

Социализмла урамри 19-мӗш ҫурт тӗлӗнче «Renault Kangoo» автомобильпе 43-мӗш маршрутка инкеке лекнӗ.

Малтанласа шухӑшланӑ тӑрӑх, инкек минивэнӑн 58 ҫулти водителӗн айӑпне пула сиксе тухнӑ. Вӑл дистанцие пӑхӑнман. Машинӑра ларса пынӑ 30 ҫулти хӗрарӑм-пассажир аманнӑ. Тухтӑрсем тӗрӗсленӗ хыҫҫӑн ӑна киле сипленме янӑ.

Маршруткӑра пассажирсем пулман.

 

Пӑтӑрмахсем

Куславкка районӗнчи пӗр ялта пурӑнакан арҫын пушарта вилнӗ.

Инкеклӗ лару-тӑру министерствин Чӑваш Енри управленийӗнче пӗлтернӗ тӑрӑх, инкек ӗнер, нарӑс уйӑхӗн 12-мӗшӗнче, каҫхине пулса иртнӗ. Куславкка районӗнчи Паланкасси ялӗнче 55 ҫулти арҫын йывӑҫ пӳртре пӗчченех пурӑннӑ. Килӗнче унӑн ҫутӑ та, газ та пулман. Пӳрте вӑл кӑмака хутса ӑшӑтса пурӑннӑ.

Пушара сӳнтерме виҫӗ техника пырса ҫитнӗ. Ҫапах та йывӑҫ пӳрт пурӑнма юрӑхсӑра тухнӑ, кил хуҫи вара вилнӗ.

 

Пӑтӑрмахсем

Паян, нарӑс уйӑхӗн 9-мӗшӗнче, Шупашкарта икӗ автобус ҫапӑннӑ. Инкек Мускав проспектӗнче ирхи 7 сехет те 40 минутра пулса иртӗ. 15-мӗш маршрутпа ҫӳрекен «Лотос» автобус 42-мӗш маршрутпа ҫӳрекен «Неман» автобуспа пырса ҫапӑннӑ.

Чӑваш Енӗн Шалти ӗҫсен министерствинче пӗлтернӗ тӑрӑх, пӑтӑрмах сӑлтавӗ «Лотос» автобус водителӗн тимсӗрлӗхӗпе ҫыхӑнма пултарнӑ. Инкекре «Неман» автобусри 17 ҫулти пассажир шар курнӑ, ӑна больницӑна илсе кайнӑ.

Инкек сӑлтавне специалистсем палӑртӗҫ. Автобус водителӗсем урах пулнӑ.

 

Пӑтӑрмахсем
21.мвд.рф сӑнӳкерчӗкӗ
21.мвд.рф сӑнӳкерчӗкӗ

Паян Ҫӗрпӳ районӗнче пысӑк инкек пулса иртнӗ. Унта водительпе пассажир кун-ҫулӗ сарӑмсӑр татӑлнӑ.

Ҫул ҫинчи инкек ирхи 7 сехет те 30 минутра «А-151» автомобиль ҫулӗ ҫинче, Ҫӗрпӳел ялӗ тӗлӗнче, пулнӑ.

Малтанласа палӑртнӑ тӑрӑх, «ВАЗ-21099» машина хирӗҫ ҫул ҫине тухса кайса «Газель» автомобильпе пырса ҫапӑннӑ. Инкекре ҫӑмӑл машина водителӗ — 1989 ҫулта ҫуралнӑ хӗрарӑм тата 1990 ҫулта ҫуралнӑ пассажир вилмеллех аманнӑ.

 

Пӑтӑрмахсем
ru.pngtree.com сӑнӳкерчӗкӗ
ru.pngtree.com сӑнӳкерчӗкӗ

Кӑрлач уйӑхӗн 19-мӗшӗнче Етӗрне районӗнчи Ирҫере пушар тухнӑ. Тӑр кӑнтӑрла, 14 сехет тӗлӗнче, пурӑнмалли пӳртре вут-ҫулӑм алхасма тытӑннӑ.

Шел те, инкекре ҫын пурнӑҫӗ татӑлнӑ. 90 ҫулхи кинемей куҫне ӗмӗрлӗхе хупнӑ.

Пушар сӑлтавне тата тӑкак виҫине специалистсем палӑртӗҫ.

Сӑмах май каласан, Инкеклӗ ӗҫсен министерствин республикӑри управленийӗ ирттернӗ пресс-конференцире пушар вӑхӑтӗнче ҫынсен хӑйсене тӗрӗс мӗнле тытмалли ҫинчен аса илтернӗ. Сӑмахран, ҫунакан пӳлӗм алӑкне тата чӳречине хупса хумалла та урӑх пӳлӗме каймалла.

 

Пӑтӑрмахсем
forum.na-svyazi.ru сӑнӳкерчӗкӗ
forum.na-svyazi.ru сӑнӳкерчӗкӗ

Шупашкар хулинчи Шевченко урамӗнчи общежитире кӑрлач уйӑхӗн 5-мӗшӗнче пушар тухнӑ хыҫҫӑн килсӗр-ҫуртсӑр юлнӑ. Инкекре 19-ти хӗр сӗрӗмпе чыхӑнса вилнине Чӑваш халӑх сайчӗ унччен пӗтернӗччӗ-ха.

Шар курнисене бюджетран 10-шар пин тенкӗ уйӑрса панӑ. Ӑна илме пурӗ 120 ҫын заявлени ҫырса панӑ, анчах вӗсенчен 79-шӗ ҫеҫ хальлӗхе укҫана илнӗ. Ыттисем кирлӗ документсене тӑратса ҫитермен-мӗн.

Инкек общежитири пӳлӗмсенчен пӗринче пурӑннӑ ӳсӗр арҫын пирус туртнине пула тухнӑ иккен.

Халӗ ҫынсем вӑхӑтлӑх пурӑнмалли вырӑн шыраҫҫӗ. Хула ертӳҫисем сӗннӗ хӑш-пӗр ҫуртра пурӑнма условисем начар иккен.

 

Хулара
t.me/vchuvashii сӑнӳкерчӗкӗ
t.me/vchuvashii сӑнӳкерчӗкӗ

Паян Шупашкарта общежити ҫуннӑ. Вут-ҫулӑм Шевченко урамӗнчи 29-мӗш ҫуртра тухнӑ.

Инкек кӑнтӑр кунӗнче сиксе тухнӑ. Иккӗмӗш хутра вырнаҫнӑ хваттер хыпса илнӗ.

Инкек сиксе тухсан ятарлӑ службӑсем 9 хутлӑ ҫуртран 26 ҫынна, ҫав шутра 10 ачана, эвакуациленӗ. 17 ҫынна тухтӑр пулӑшӑвӗ кирлӗ пулса тухнӑ.

Инкек вырӑнне тӗрлӗ служба ӗҫченӗсем пырса ҫитнӗ, ҫав шутра полиципе прокуратура таранах. Пушар сӑлтавне специалистсем палӑртӗҫ.

Хыпар ҫӑлкуҫӗ: https://t.me/vchuvashii/850
 

Страницӑсем: 1, 2, 3, [4], 5, 6, 7, 8, 9, 10, 11, 12, 13, 14, ... 51
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 21:00) уяр ҫанталӑк, атмосфера пусӑмӗ 748 - 750 мм, 3 - 5 градус ӑшӑ пулӗ, ҫил 4-6 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
ӑсатма тухни — ҫылӑх, юрамасть
хуҫин ҫитӗннӗ ачисем
пӗтӗм кил-йышпа тухаҫҫӗ
хуть те кам тухсан та
хӑнана ӑсатма никам та тухмасть
хуҫа арӑмӗ
хуҫа хӑй
хуҫа тарҫи
хӑни ҫулне ахаль те пӗлет, ӑсатмасӑр та
кил-йышри арҫын