Сайта кӗр | Регистраци | Сайта кӗрсен унпа туллин усӑ курма пулӗ
 +7.3 °C
Ӗҫ ҫӗклет, ӳркев ӳкерет.
[ваттисен сӑмахӗ]
 

Хыпарсем: Мускав

Культура
cap.ru сӑнӳкерчӗкӗ
cap.ru сӑнӳкерчӗкӗ

Кӑрлач уйӑхӗн 10-28-мӗшӗсенче Мускаври ВДНХра иртекен «Раҫҫей» курав-форумра ЧР Культура министерстви экспозиципе паллаштарать.

Ҫак тапхӑрта хӑнасем чӑвашсен йӑли-йӗркипе, культурин уйрӑмлӑхӗсемпе паллашма пултараҫҫӗ. Хӗр илни, салтака ӑсатни, ҫӗн пӳрт ӗҫки - ҫак йӑласене туса кӑтартӗҫ экспозицире.

Ҫавӑн пекех ӑсталӑх класӗсем иртӗҫ: хореографи енӗпе, чӑвашсен пуҫа тӑхӑнмалли хатӗрӗсене, костюмӗсене тата пуканесене ӑсталассипе.

Аса илтерер: курав-форум ака уйӑхӗн 4-мӗшӗччен ӗҫлӗ.

Хыпар ҫӑлкуҫӗ: https://tass.ru/obschestvo/19702771
 

Ҫул-йӗр

Тӗнче тетлӗнче тӗрлӗ ҫӑлкуҫ пӗлтернӗ тӑрӑх, тӳлевлӗ М-12 ҫул ҫинчи заправкӑсем патӗнче черетсем пулнӑ. Ҫавна май «Автодор» унта ҫӗнӗ заправкӑсем тӑвас ӗҫе хӑвӑртлатма шантарнӑ.

«Автодор» пӗлтернӗ тӑрӑх, хальлӗхе унта 18 заправка тата 4 контейнерлӑ АЗС ӗҫлет. Пӗтӗмпе – 22 заправка. Ҫӗнӗ ҫул хыҫҫӑнхи каникулта ытларах Муром тата Арзамас патӗнче, Мускава кӗнӗ ҫӗрте черетсем пулнӑ.

Сӑмах май, унччен влаҫ М-12 ҫул ҫинче кашни 50 ҫухрӑмра заправка пулассине пӗлтернӗ. Тӳрех – икӗ енчен.

 

Вӗренӳ
cap.ru сӑнӳкерчӗкӗ
cap.ru сӑнӳкерчӗкӗ

Раштавӑн 22-мӗшӗнче Мускаври ВДНХра иртекен «Раҫҫей» курав-форумра ЧР Вӗренӳ министерствипе «Просвещение» издательство 5-7-мӗш классене Чӑваш Ен историне вӗрентмелли учебник кӑларасси пирки килӗшӳ тунӑ.

ЧР вӗренӳ министрӗ Дмитрий Захаров каланӑ тӑрӑх, ҫӗнӗ кӗнекепе ачасем кӑҫал авӑн уйӑхӗн 1-мӗшӗнче вӗренме тытӑнӗҫ. Учебникре - республикӑра пурӑнакан халӑхсен историйӗ, Вӑтам ӗмӗр тапхӑрӗ, Вырӑс патшалӑхӗн йышне кӗни.

Сӑмах май, унччен издательствӑра 1-4-мӗш классем валли «Чӑваш чӗлхи» учебникне, вырӑсла вӗренмеллине, кӑларнӑ.

 

Раҫҫейре
cap.ru сӑнӳкерчӗкӗ
cap.ru сӑнӳкерчӗкӗ

Кӑрлачӑн 4-мӗшӗнче Мускаври ВДНХра иртекен «Раҫҫей» курав-форумра Аркадий Иринӑна качча тухма ыйтнӑ. Каччӑ - Мускавран, Чӑваш Енри аслӑ шкулта вӗреннӗ, хӗр - Шупашкартан. Вӗсем ЧР Экономика министерствинче ӗҫленӗ чухне паллашнӑ.

Каччӑ хӗре ахальтен мар ҫак вырӑнта ылтӑн ҫӗрӗ тӑхӑнтартса мӑшӑрӗ пулма ыйтнӑ. Мӗншӗн тесен шӑпах вӗсем ӗҫлекен пай хальхи вӑхӑтра экспозицие хутшӑнать.

Хыпар ҫӑлкуҫӗ: https://t.me/oanikolaev
 

Ҫул-йӗр
sdelanounas.ru сайтри сӑн
sdelanounas.ru сайтри сӑн

Паян М-12 тӳлевлӗ автоҫулӑн Хусана илсе ҫитерекен пайӗ уҫӑлнӑ. Ку мероприятие РФ Президенчӗ Владимир Путин видеоҫыхӑну урлӑ хутшӑннӑ.

Халӗ Мускавран хулана хӑвӑртах ҫитме пулать. Аса илтерер: кӑшт маларах Арзамаса илсе ҫитерекен ҫул уҫӑлнӑччӗ.

М-12 ҫул Хусана илсе ҫитерекенни кӑна пулмӗ. Тӳлевлӗ, пысӑк хӑвартлӑхлӑ ҫула Екатеринбурга, унтан Тюмене ҫити тӑсӗҫ.

 

Ҫул-йӗр
www.gipernn.ru сӑнӳкерчӗкӗ
www.gipernn.ru сӑнӳкерчӗкӗ

«М-12» федераци ҫулӗпе Мускавран Хусана ҫитме ҫӑмӑл автомашинӑсен 4 481 тенкӗ тӳлеме ттвӗ. Кун пирки «Автодор» организация пӗлтернӗ. Ҫав ҫулпа Чулхуларан Хусана ҫитме ҫӑмӑл машинӑсен 1660 тенкӗ тӳлемелле, йывӑр тиев турттаракан автомобильсен — 3 912 тенкӗ.

Мускавран Хусана машинӑсем хӑвӑрт ҫӳремелли ҫулпа ҫитме 5 пин тенкӗ ытла тӳлемелле тесе ӗнер ҫӗршыв Президенчӗн тӳрӗ эфирӗ вӑхӑтӗнче ыйту хускатакан пулнӑччӗ, Владимир Путин хака малтан шантарнӑ пекех хӑварма шантарнӑччӗ.

Хыпар ҫӑлкуҫӗ: https://t.me/bbbreaking/171674
 

Чӑвашлӑх
vk.com/gov_cap_ru страницӑри видеоран илнӗ сӑнӳкерчӗк
vk.com/gov_cap_ru страницӑри видеоран илнӗ сӑнӳкерчӗк

Мускавра иртекен «Раҫҫей» курав-форумӑн Чӑваш Республикин кунӗнче «Я и есть Чувашия» (чӑв. Эпӗ — Чӑваш Ен) клип кӑтартнӑ.

Юрра чӑвашла тата вырӑсла чӑваш халӑх артистки Августа Уляндина тата Шупашкарти «Глянец» кавер-ушкӑн шӑрантарнӑ.

Клипра икӗ асамҫӑ: Уйӑх ҫинчи хӗр тата Тӗрӗ амӑшӗ. Вӗсем чӑваш хӗрӗсене пӗрлешме йыхравлаҫҫӗ.

Сӑмах май каласан, ВДНХри куравра чӑваш пуканисене те ӑсталанӑ.

 

Персона
culture.cap.ru сӑнӳкерчӗкӗ
culture.cap.ru сӑнӳкерчӗкӗ

Паян, раштав уйӑхӗн 7-мӗшӗнче, РСФСР, Чӑваш АССР халӑх артистки, Чӑваш АССРӗн Константин Иванов ячӗллӗ Патшалӑх премийӗн лауреачӗ, Ҫӗрпӳ районӗн хисеплӗ ҫынни Нина Григорьева 85 ҫул тултарнӑ. Чӑваш патшалӑх академи драма театрӗнче ҫак самантра унӑн юбилей каҫӗ пырать.

Пулас артистка Ҫӗрпӳ районӗнчи Чиричкасси ялӗнче ҫуралнӑ. Ашшӗ малтанласа хирӗҫленӗ пулин те артист пулас ӗмӗтпе хавхаланса-ҫунатланса пурӑннӑскер Мускаври А.В. Луначарский ячӗллӗ театр искусствин институтне вӗренме кӗме пултарнӑ. 1961 ҫултанпа вӑл Чӑваш патшалӑх академи драма театрӗнче ӗҫлет.

 

Раҫҫейре
t.me/nikamran сӑнӳкерчӗкӗ
t.me/nikamran сӑнӳкерчӗкӗ

Чӑваш Енри Шупашкар районӗнче ҫуралнӑ Евгений Степанов «Ҫул кӑтартакан ҫӑлтӑр – 2023» премийӗн «Чи лайӑх эскурсовод» номинацийӗнче ҫӗнтернӗ.

Асӑннӑ наградӑна ҫӗршывӑн тӗп хулинче туризма аталантаракансене параҫҫӗ иккен. Мускавра пурӑнакан пирӗн ентешӗмӗр сумлӑ ҫав йыша лекнӗ.

Аса илтерер: Евгений И.Н. Ульянов ячӗллӗ Чӑваш патшалӑх университетӗнчи журналистика факультетӗнче ӑс пухнӑ. Кайран вӑл пӗр хушӑ телевиденире ӗҫленӗ. Ун хыҫҫӑн экскурсисем ирттерме тытӑннӑ.

Унӑн «Мускавра уҫӑлса ҫӳретпӗр» проекчӗ пурнӑҫланма тытӑннӑранпа 7 ҫул ҫитнӗ. Евгений хӑйӗнпе пӗр шухӑшлӑ ҫынсемпе туристсем валли экскурсисем тӳлевсӗрех ирттерет.

Хыпар ҫӑлкуҫӗ: https://t.me/nikamran/10134?single
 

Культура
culture.cap.ru сӑнӳкерчӗкӗ
culture.cap.ru сӑнӳкерчӗкӗ

Ыран, раштав уйӑхн 7-мӗшӗнче, 18 сехетре Ҫеҫпӗл Мишши ячӗллӗ Чӑваш патшалӑх ҫамрӑксен театрӗнче Станислав Кондратьев профессор ҫуралнӑранпа 85 ҫул ҫитнине халалласа пуҫтарӑнӗҫ.

Станислав Алексеевич Раҫҫейӗн педагогика вокал пӗрлешӗвӗн хастарӗсенчен пӗри пулнӑ. Унтан ытти аслӑ шкулти вокал преподавателӗсем те сӗнӳ-канаш ыйтнӑ. Вокал ӑсталӑхне ун патӗнче Мускавра, Чулхулара, Пермьре, Хусанта, Йошкар-Олара, Чӗмпӗрте тата ытти хулара пурӑнакансем те вӗреннӗ.

Станислав Кондратьев 1938 ҫулхи чӳк уйӑхӗн 14-мӗшӗнче Хӗрлӗ Чутай районӗнчи Туктамӑш ялӗнче ҫуралнӑ. 1957 ҫулта Ф.П. Павлов ячӗллӗ музыка училищине вӗренме кӗнӗ. Кайран Хусанти консерваторири вокал кафедринче пӗлӳ илнӗ. 2002 ҫулта Чӑваш патшалӑх культурӑпа ӳнер институтӗнче ӗҫлеме пуҫӑннӑ, Чӑваш патшалӑх университетӗнче вокал кружокне ертсе пынӑ.

 

Страницӑсем: 1, 2, 3, [4], 5, 6, 7, 8, 9, 10, 11, 12, 13, 14, ... 120
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 21:00) уяр ҫанталӑк, атмосфера пусӑмӗ 748 - 750 мм, 3 - 5 градус ӑшӑ пулӗ, ҫил 4-6 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа тарҫи
хуҫа хӑй
хуть те кам тухсан та
хӑнана ӑсатма никам та тухмасть
хуҫа арӑмӗ
пӗтӗм кил-йышпа тухаҫҫӗ
хуҫин ҫитӗннӗ ачисем
хӑни ҫулне ахаль те пӗлет, ӑсатмасӑр та
ӑсатма тухни — ҫылӑх, юрамасть
кил-йышри арҫын