Chuvash.Org :: Пичет версиӗ :: Стихван Шавли


Стихван Шавли (Стихван Антонович Шумков) — чӑваш халӑх сӑвӑҫи. Самар облаҫӗн Шӑнтал районӗнчи Чулҫырмара 1910 ҫулхи авӑнӑн 15-мӗшӗнче ҫуралнӑ. 1976 ҫулхи нарӑс уйӑхӗн 10-мӗшӗнче вилнӗ.

1974 ҫулта ӑна чӑваш халӑх сӑвӑҫи ячӗпе чысланӑ.

Кун-ҫулӗ

Хресчен кил-йышӗнче ҫуралнӑ. 1939 ҫулта Хусанти педагогика институтне пӗтернӗ.

1937 ҫулта Шупашкара куҫнӑ. Кунта вӑл «Сунтал» журнал редакцийӗнче, кӗнеке издетельствинче, писетельсен союзӗн правлениӗнче, «Коммунизм ялавӗ» хаҫатӑн редакцийӗнче, тата ытти пичет тата информаци учрежденийӗнче ӗҫленӗ.

Пултарулӑхӗ

Пирвайхи хайлавӗсем 1931 ҫулта пичетленнӗ. 30 ытла кӗнеке кӑларнӑ.

Унӑна чылай сӑвви Октябрь революцийӗпе, Владимир Ленинпа, Тӑван ҫӗршывӑн Аслӑ вӑрҫипе ҫыхӑннӑ.

Поэт Макҫӑм Горькийӗн, П.Ершовӑн, И.Крыловӑн, Михаил Лермонтовӑн, Н.Некрасовӑн, Я.Райнисӑн тата ытти ҫыравҫӑн хайлавӗсене чӑвашла куҫарнӑ.

Ҫавӑн пекех пӑхӑр


 
Категорисем: Стихван Шавли

Тулли верси :: Статья каҫми