Никитин Николай Андреевич (1941 ҫулхи утӑн 20-мӗшӗ, Первомайски ялӗ, Ҫӗрпӳ районӗ) — Чӑваш Республикин тава тивӗҫлӗ механизаторӗ. Вӑл нумай ҫул хушши «Знамя» совхозра тракторист-машинист пулса ӗҫленӗ. Чӑваш АССР Аслӑ Канашӗн 11-мӗш пухӑвӗн депутачӗ. Ӗҫри хастарлӑхӗшӗн ӑна орденпа тата медальсемпе чысланӑ.

Пурнӑҫӗ

Николай Андреевич Никитин 1941 ҫулхи утӑн 20-мӗшӗнче Ҫӗрпӳ районӗнчи Первомайски ялӗнче ҫуралнӑ.

1960 ҫулта вӑл Павлодар облаҫӗнчи Галка ялӗнчи 56-мӗш механизаторсен училищине вӗренсе пӗтернӗ.

1961–1962 ҫулсенче Жданов ячӗллӗ колхозра тракторист пулса ӗҫленӗ.

1963–1966 ҫулсенче Совет Ҫарӗнче хӗсметре тӑнӑ.

Хӗсметрен таврӑнсан, 1967 ҫултанпа 2006 ҫулччен Ҫӗрпӳ районӗнчи «Знамя» совхозра тракторист-машинист пулса тӑрӑшнӑ.

Николай Андреевич Чӑваш АССР Аслӑ Канашӗн 11-мӗш пухӑвӗн депутатне суйланнӑ.

1999 ҫулта ӗҫри ҫитӗнӳсене хисеплесе ӑна Чӑваш Республикин тава тивӗҫлӗ механизаторӗ ят панӑ.

Хисепӗсем

• Ӗҫ Мухтавӗн орденӗн 3-мӗш степенӗ;
• «РСФСР Нечерноземьине улӑштарнӑшӑн» медаль;
• «Ӗҫ ветеранӗ» медаль;
• СССР ВДНХ бронза медалӗ.

Вуламалли

• Михайлов Л. Д. Никитин Николай Андреевич / Ҫӗрпӳ район энциклопедийӗ