Chuvash.Org :: Пичет версиӗ :: Комсомольски районӗКомсомольски районӗ — кӑнтӑр-хӗвелтухӑҫ енче вырнаҫнӑ район. Район тӗпӗ Комсомольски ялта вырнаҫнӑ.
Районӑн пӗтӗмӗшле лаптӑкӗ — 630,3 км2.
Тавралӑх
Район ҫӗрӗ кӑнтӑртан ҫурҫӗрелле, ҫавӑн пекех хӗвелтухӑҫ енчен хӗвеланӑҫ еннеле 32 ҫухрӑма саралса выртать. Ҫурҫӗр енче Канаш районӗ, кӑнтӑр енче — Патӑрьел районӗ, хӗвеланӑҫ енче — Йӗпреҫ районӗ, хӗвелтухӑҫ енче — Елчӗк районӗ вырнаҫнӑ. 12 ҫухрӑм хушши Тутарстан ҫӗрӗпе чикӗленет.
Район кун-ҫулӗ
Района 1939 ҫулхи нарӑсӑн 22-мӗшӗнче туса хунӑ.
Халӑх йышӗ
1999 ҫул пуҫламӑшӗнче районӑн 54 ялӗнче пурӗ 28,2 пин ҫын пурӑннӑ. Пӗр ялта вӑтамран 535 ҫын пурӑннӑ. Чӑвашсен йышӗ — 73%, тутарсен — 23%.
Хуҫалӑх
Халӑх Ытларах пайӗпе ял хуҫалӑхӗнче вӑй хурать. Ӳсентӑран ӳстерессипе вылӑх-чӗрлӗх ӗрчетесси пӗр пек аталаннӑ. Тырӑ, ҫӗрулми, тата тӗрлӗ пахча ҫимӗҫе ҫитӗнтереҫҫӗ. Вылӑх-чӗрлӗхе илес пулсан сысна, ӗне-вӑкӑр, лаша усраҫҫӗ, пыл хурчӗ ерчетеҫҫӗ.
Культура
Паллӑ ҫыннисем
- Хветӗр Агивер, ҫыравҫӑ, журналист.
- Андреев Семён Иванович, тӑпра тӗпчевҫи.
- Гордеев Денис Викторович, cӑвӑҫӑ, прозаик, журналист.
- Краснов Пётр Степанович, политика ӗҫченӗ.
- Ксенофонтов Юрий Иванович, скульптор.
- Лукиянов Сергей Пантелеймонович, архитектор.
- Милли Алексей Прокопьевич, чӑваш публицисчӗ, сӑвӑҫ, этнограф.
- Немчев Виктор Леонтьевич, художник.
- Патман Николай Кириллович, ҫыравҫӑ, литература критикӗ.
- Валери Туркай, сӑвӑҫӑ.
- Таллеров Лаврентий Васильевич, ҫыравҫӑ.
- Куҫма Турхан, ҫыравҫӑ, тӑлмач.
- Шемекеев Виталий Дмитриевич, сӑвӑҫӑ.
- Чаржов Гурий Гурьевич, сӑвӑҫӑ.
- Ытарай Николай Васильевич, ача-пӑча валли ҫыракан.
