Сайта кӗр | Регистраци | Сайта кӗрсен унпа туллин усӑ курма пулӗ
 +3.6 °C
Ялта ял пек пулмалла, ҫынра ҫын пек пулмалла.
[ваттисен сӑмахӗ]
 

Хыпарсен ҫыххи: Ҫул-йӗр

Ҫул-йӗр
forum.zarulem.ws сӑнӳкерчӗкӗ
forum.zarulem.ws сӑнӳкерчӗкӗ

Етӗрне ҫулӗ ҫинче ӗнер машинӑсем «пӑкка» лекнӗ. Каҫхине унта «пӑкӑ» 10 километр тӑршшӗ пуҫтарӑнса кайнӑ.

Транспорт Хыркасси патӗнчен «Контур» завод патне ҫитиччен тӑрса тухнӑ. «М-7» ҫул ҫинче те машинӑсем чарӑнса ларнӑ.

Пӗр енчен, пурнӑҫ шайӗ ӗлӗкхинчен самай лайӑх та халӗ, килсерен тенӗ пек машинӑсем пур. Хӑш-пӗр килте — ишкер-виҫшер те. Ҫапах та тепӗр чухне субъективлӑ текен сӑлтав та сиксе тухать.

«Руль умӗнче» порталта пӗлтернӗ тӑрӑх, «Контур» патӗнчи светофора юлашки вӑхӑтра урӑхларах ӗҫлеттерме тытӑннӑ. Сулахаялла, Университет урамӗ еннелле, пӑрӑнакан машинӑсене пӑрӑнмалли вӑхӑта сахаллатнӑ иккен.

 

Ҫул-йӗр

Ҫитес ҫул пуҫламӑшӗнче Лапсар тӑкӑрлӑкӗнчи ҫула юсама пуҫлӗҫ. Кун пирки Шупашкар хула администрацийӗ пӗлтерет.

Унти ҫул – 4 ҫухрӑм. Ӑна виҫӗ тапхӑрпа юсӗҫ. Ку ӗҫ хакӗ пысӑк пулнипе ҫыхӑннӑ. Проектпа документаци хатӗр, вӑл патшалӑх экспертизи витӗр тухнӑ. Ҫула 1,5 миллиард тенкӗпе юсӗҫ.

Пӗрремӗш тапхӑрӗнче 623,9 млн тенкӗ кирлӗ пулӗ, иккӗмӗшӗнче – 340,7 млн тенкӗ, виҫҫӗмӗшӗнче – 548,8 млн тенкӗ. Ҫулталӑк вӗҫлениччен ку ӗҫе тӑвакан подрядчике палӑртӗҫ. Ҫӗнӗ ҫул хыҫҫӑн вӑл ӗҫе пуҫӑнӗ.

 

Ҫул-йӗр

Йӗпреҫ районӗнче пурӑнакансем "Йӗпреҫ - Березовка" ҫула пӳлсе лартнӑ. Мӗншӗн тесен халӑх чӑтса ывӑннӑ: М-12 трассӑна тунӑ ҫӗрте ӗҫлекен йывӑр тиевлӗ машинӑсем ӑна пӑсса пӗтернӗ. Ҫынсем каланӑ тӑрӑх, кӗҫех ҫӑмӑл машинӑсем кӗрсе ҫӳрейми пулӗҫ.

Унччен ку ҫула юпа уйӑхӗн варриччен юсаса пама шантарнӑ. Анчах халӗ ҫулталӑк вӗҫӗччен ҫеҫ теҫҫӗ.

Халӑх ҫула пӳлнӗ хыҫҫӑн подрядчике предписани панӑ, унта гейдер илсе килнӗ. Подрядчикӑн халӗ ҫул ҫине вӗтӗ чул сармалла. Ҫак участока М-12 трассӑна туса пӗтерсен тин тӗплӗ юсӗҫ.

 

Ҫул-йӗр

Шупашкар районӗнчи Хыркасси патӗнчи развязкӑна юпа уйӑхӗнче, Ҫул-йӗр хуҫалӑхӗн ӗҫченӗсен кунӗнче, уҫма палӑртни пирки пӗлтернӗччӗ. Ӑна маларах уҫнӑ - водительсем ҫак ҫулпа ҫӳреҫҫӗ ӗнтӗ.

М-7 федераци трасси ҫинчен Етӗрне ҫулӗ ҫине пӑрӑнмалли вырӑна хупнӑ. Машинӑсем пурте развязка урлӑ каяҫҫӗ. Халӗ Явӑш еннелле те пӑрӑнма меллӗ.

Ҫӗнӗ ҫула уҫнӑ пулин те трассӑн ытти пайӗнче ӗҫсем вӗҫленмен-ха.

 

Ҫул-йӗр
чувашинформ.рф сӑнӳкерчӗкӗ
чувашинформ.рф сӑнӳкерчӗкӗ

Шупашкар районӗнчи Вӑрманкаса (Хыркасси патӗнчине) маршрутка каллех ҫӳреме пуҫланӑ.

Асӑннӑ ялта пурӑнакансем яла общество транспорчӗ ҫӳреме пӑрахни пирки тӗнче тетелӗнче пӗр кунхине пӑшӑрханса пӗлтернӗ. 123-мӗш маршрутпа ҫынсене унччен микроавтобус турттарнӑ иккен, анчах авӑн уйӑхӗн 1-мӗшӗнче вӑл ҫула тухман.

Ҫак лару-тӑру пирки Чӑваш Енӗн Транспорт тата ҫул-йӗр хуҫалӑхӗн министерствине пӗлтернӗ. Халӗ каллех маршруткӑсем хутлама тытӑннӑ.

 

Ҫул-йӗр
"За рулем" порталти сӑн
"За рулем" порталти сӑн

«За рулем» портал пӗлтернӗ тӑрӑх, ГЭС патӗнчи Атӑл урлӑ каҫмалли кӗпере юсаса пӗтернӗ. Ӗнер кӑна, авӑн уйӑхӗн 21-мӗшӗнче, ирхине ҫулӑн ҫур пайне кӑна уҫнӑ. Каҫ енне пӗтӗм ҫула уҫнине пӗлтернӗ водительсем.

Палӑртса хӑварар: ГЭС ҫывӑхӗнчи кӗпере икӗ ҫул юсанӑ. Ку ӗҫе 191 миллион тенкӗпе пурнӑҫланӑ.

 

Ҫул-йӗр
ҪҪХПИ тунӑ сӑн
ҪҪХПИ тунӑ сӑн

ҪҪХПИ ӗҫченӗсем ҫул-йӗр ҫинчи йӗркене пӑсакансене тӳпенелле дрон ярса тупса палӑртать. Эрнекун кӑна кун пек 5 тӗслӗхе тупнӑ. Пурте – юраман ҫӗрте малта пыракан машинӑна хӑваласа иртсе кайни.

Кунашкал рейдсене кашни эрнерех ирттерӗҫ. Вӗсене авари тӑтӑшах пулакан вырӑнсенче йӗркелӗҫ.

Сӑмах май, кӑҫал 8 уйӑхра ҫул-йӗр ҫинче юраман ҫӗрте малти транспортран иртсе кайнипе ҫыхӑннӑ 83 инкек пулнине регистрациленӗ. Аварисенче 29 ҫын вилнӗ, 152-ӗн суранланнӑ.

 

Ҫул-йӗр

«Комсомольски - Елчӗк - Пӑва» ҫулӑн 9,5 ҫухрӑмне юсаса ҫӗнетнӗ.

Ҫулӑн ҫак вырӑнне ҫӗнӗ асфальт сарнӑ, ҫул хӗррине вӗтӗ чул сапнӑ, чарӑнусем лартнӑ, пӑрӑхсене юсанӑ. Ҫӗнӗ асфальта термопластикпа паллӑ туса тухмалли ҫеҫ юлнӑ. ЧР Транспорт министерстви пӗлтернӗ тӑрӑх, пӗтӗм ӗҫе авӑн уйӑхӗн 20-мӗшӗччен вӗҫлӗҫ.

Ҫула «Воддорстрой» 269 миллион тенкӗпе юсанӑ.

Палӑртмалла: ку ҫула 2 ҫул каяллах юсама палӑртнӑ, аукцион ирттерме йышӑннӑ. Анчах ӑна пӑрахӑҫласа ҫӗнӗ аукцион ирттернӗ.

 

Ҫул-йӗр
Видоери скриншот. «Руль умӗнче» портал хатӗрленӗскер
Видоери скриншот. «Руль умӗнче» портал хатӗрленӗскер

«Руль умӗнче» портал пӗлтернӗ тӑрӑх Чӑваш Республикин Элтепер автобазин механикӗ тӗлӗшӗпе административлӑ ӗҫ пуҫарнӑ — ӗҫпе усӑ куракан Genesis G90 машшин ҫине мӗлтлетмӗшсене саккуна пӑсса вырнаҫтарнишӗн явап тыттарӗҫ.

Элтепере илсе ҫӳрекен машинӑра хӗрлӗ-кӑвак тӗслӗ мӗлтлетмӗшсемпе усӑ курнине ҫынсем асӑрханӑ та ШӖМе йӗрке пӑсни пирки ҫыру янӑ. Шалти ӗҫсен министерстви ыйтӑва пӑхса тухнӑ хыҫҫӑн К375РК21 номерлӗ машшин ҫине унашкал мӗлтлетмӗшсем вырнаҫтарма ирӗк паманнине тупса палӑртнӑ. Унсӑр пуҫне, «Руль умӗнче» портал палӑртнӑ тӑрӑх, ҫул-йӗр правилисем хӗрлӗ-кӑвак тӗслӗ мӗлтлетмӗшсене граждансен машшинисем ҫине вырнаҫтарма чараҫҫӗ. Вӗсене право хӳтӗлекен органсен транспорчӗ ҫине ҫеҫ (ШӖМ, Росгварди, ФХС, ФСБ тата Ҫар полицийӗ) лартма юрать.

Палӑртмалла, К375РК21 номерлӗ Genesis G90 машшинпа Олег Николаева турттарма усӑ кураҫҫӗ. Ӑна тара илнӗ.

 

Ҫул-йӗр
"Чеб.ру" сайтри сӑн
"Чеб.ру" сайтри сӑн

Хыркасси патӗнчи ҫул ҫаврӑнӑшӗ хӑҫан уҫӑлӗ. ЧР Элтеперӗ ӑна ҫул-йӗр хуҫалӑхӗн ӗҫченӗсен кунӗ тӗлне уҫма шантарнӑ. Уяв юпа уйӑхӗн 16-мӗшне лекет.

Планпа килӗшӳллӗн вара унӑн ҫитес ҫул кӑна уҫӑлмалла. Икӗ уровеньлӗ развязкӑна 2019 ҫулта тума тытӑннӑ. Планра палӑртнӑ тӑрӑх, ӑна 2023 ҫулхи чӳк уйӑхӗнче вӗҫлемелле. 2 миллиард та 35 миллион тенкӗлӗх ӗҫсене «Дорисс» пурнӑҫлать.

 

Страницӑсем: 1, 2, 3, 4, 5, 6, 7, 8, [9], 10, 11, 12, 13, 14, 15, 16, 17, 18, 19, ...71
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (28.03.2024 15:00) уяр ҫанталӑк, атмосфера пусӑмӗ 751 - 753 мм, 5 - 7 градус ӑшӑ пулӗ, ҫил 4-6 м/ҫ хӑвӑртлӑхпа ҫурҫӗр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 28

1915
109
Дедушкин Николай Степанович, чӑваш критикӗ, литература тӗпчевҫи ҫуралнӑ.
1983
41
Шамбулина Алина Валерьевна, чӑваш тележурналисчӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуть те кам тухсан та
хуҫа тарҫи
хӑни ҫулне ахаль те пӗлет, ӑсатмасӑр та
хӑнана ӑсатма никам та тухмасть
ӑсатма тухни — ҫылӑх, юрамасть
хуҫа арӑмӗ
кил-йышри арҫын
хуҫа хӑй
хуҫин ҫитӗннӗ ачисем
пӗтӗм кил-йышпа тухаҫҫӗ