Сайта кӗр | Регистраци | Сайта кӗрсен унпа туллин усӑ курма пулӗ
 +4.3 °C
Чӑхӑ пӗрчӗн сӑхсах тутӑ пулать.
[ваттисен сӑмахӗ: 2394]
 

Хыпарсен ҫыххи: Политика

Политика
duma.gov.ru сайтри сӑн
duma.gov.ru сайтри сӑн

2024 ҫултанпа РФ Патшалӑх Думин депутачӗсем хӑйсен суйлав округӗсенче Раҫҫейре туса кӑларнӑ машинӑсемпе кӑна ҫӳрӗҫ. Ку, паллах, ӗҫпе ҫыхӑнна ҫула пырса тивет.

Ку саккуна Патшалӑх Думи ҫак кунсенче йышӑннӑ. Ҫак депутатсем валли машинӑсене регионти влаҫ тара илет. Кайран тӑкака Патшалӑх Думи саплаштарать.

Палӑртмалла: пирӗн регионта Патшалӑх Думинчен 3 депутат пур. Вӗсем - Алла Салаева (Пӗрлӗхлӗ Раҫҫей), Анатолий Аксаков (Тӗрӗслӗхшӗн Раҫҫей)тата Ирина Филатова (КПРФ).

Хыпар ҫӑлкуҫӗ: http://duma.gov.ru/news/57830/
 

Политика
cap.ru сайтри сӑн
cap.ru сайтри сӑн

ЧР Строительство министерствинче ҫӗнӗ ҫын ӗҫлеме пуҫланӑ. Вӑл унччен Канаш администрацийӗнче вӑй хунӑ. Министр ҫумӗ Екатерина Филиппова пулса тӑнӑ.

Екатерина Филиппова – 40 ҫулта. Вӑл Канаш администрацийӗнче йӗркелӳпе тӗрӗслев тата кадр ӗҫӗсен пайӗн пуҫлӑхӗ пулнӑ. Унччен администраци пуҫлӑхӗн ҫумӗнче тӑрӑшнӑ. Строительство министерствинче вӑл ЖКХ тытӑмне ертсе пырӗ.

Хальхи вӑхӑтра строительство министрӗн Михаил Коледан /вӑл та ку пукана нумаях пулмасть йышӑннӑ/ тӑватӑ ҫум: Владимир Максимов, Алена Протасевич, Алена Александрина, Екатерина Филиппова. Утӑ уйӑхӗн 25-мӗшӗнче министр ҫумӗ пулнӑ Илья Ионочкин ӗҫрен кайнӑ. Халӗ вӑл – «Чӑвашэнерго» пуҫлӑхӗ.

 

Политика
Владимир Михайлов. vk.com/kugesionline сайтран илнӗ сӑнӳкерчӗк
Владимир Михайлов. vk.com/kugesionline сайтран илнӗ сӑнӳкерчӗк

Шупашкар районӗн администрацине малашне Владимир Михайлов ертсе пырӗ. Вӑл ҫын унччен Тӑвай районӗн администрацийӗн пуҫлӑхӗнче тӑрӑшнӑ.

Владимир Борисович Тӑвай районӗнчи Вӑрманхӗрри ялӗнче 1987 ҫулта ҫуралнӑ. 2009 ҫулта Чӑваш патшалӑх педагогика университетӗнчен вӗренсе тухнӑ. 2007 ҫултанпа вӑл уйрӑм усламҫӑ пулса тӑрӑшнӑ. 2020 ҫулхи авӑн уйӑхӗнче ӑна Тӑвай районӗн администрацине ертсе пыма шаннӑ.

Rodina.ru сайтра пӗлтернӗ тӑрӑх, Владимир Михайлов — «Родина» партин членӗ.

Шупашкар район администрацине ертсе пынӑ Николай Хорасев ҫемҫе пукана текех йышӑнмӗ.

 

Политика
vk.com/kugesionline сӑнӳкерчӗкӗ
vk.com/kugesionline сӑнӳкерчӗкӗ

Шупашкар районӗн администрацине ертсе пынӑ Николай Хорасев текех унта ӗҫлемӗ.

Аса илтерер: асӑннӑ тивӗҫе пурнӑҫлама 2020 ҫулхи пуш уйӑхӗнче ӗҫлеме тытӑннӑччӗ.

Николай Хорасев Шупашкар районӗнчи Салапайкасси ялӗнче 1969 ҫулта ҫуралнӑ. РФ Шалти ӗсен министерствин Юридици институтӗнче вӗреннӗ. «Химпромра», ШӖМ тытӑмӗнче, Вӑрман-Ҫӗктер ял тӑрӑхӗн пуҫлӑхӗнче ӗҫленӗ. Вӑл «Тӑван ҫӗршыв умӗнчи тава тивӗҫлӗ ӗҫсемшӗн» II степеньлӗ орден медальне тивӗҫнӗ.

 

Политика

ЧР сывлӑх сыхлавӗн министрӗн халӗ ҫӗнӗ ҫум пур. Ку пукана унччен аслӑ ӳсӗмри ҫынсене медицина пулӑшӑвӗ парассине йӗркелекен пай пуҫлӑхӗ пулнӑ Олеся Игнатьева йышӑннӑ.

Вӑл ведомствӑна ахаль специалистра ӗҫлеме килнӗ. Унтан пай пуҫлӑхӗн ҫумӗ, унтан пай пуҫлӑхӗ пулнӑ. Ҫапла хальхи вӑхӑтра министрӑн виҫӗ ҫум: Владимир Гландев, Резеда Хуснетдинова, Олеся Игнатьева.

Сӑмах май, утӑ уйӑхӗн 28-мӗшӗнче министрӑн ҫумӗ Сергей Тоцкий ӗҫрен кайнӑ.

 

Политика

Шупашкар хула администрацийӗн вӗренӳ управленийӗн пуҫлӑхӗ Елена Сахарова ҫурла уйӑхӗн вӗҫӗнче ӗҫрен кайни, Ҫӗмӗрле администрацийӗн вӗренӳпе социаллӑ политика пайӗн пуҫлӑхӗнче ӗҫлеме пуҫлани ҫинчен хыпарланӑччӗ.

Халӗ Шупашкар администрацийӗ вӗренӳ управленийӗ валли пуҫлӑх шырать. Ҫавна май конкурс иртӗ. Заявкӑсене авӑн уйӑхӗн 22-мӗшӗччен йышӑнаҫҫӗ.

Пуҫлӑх пулас тесен аслӑ пӗлӳ пулмалла, кунсӑр пуҫне Раҫҫей, Чӑваш Ен Конституцийӗсене, саккунсене, хушусене, ытти нормативлӑ право докуменчӗсене пӗлмелле.

 

Политика
cap.ru сӑнӳкерчӗкӗ
cap.ru сӑнӳкерчӗкӗ

Утӑ уйӑхӗн вӗҫӗнче Комсомольски район администрацийӗн пуҫлӑхӗ Александр Осипов ӗҫрен кайнӑ. Халӗ, хушупа килӗшӳллӗн, ку пукана урӑх ҫын йышӑннӑ - тивӗҫе Николай Раськин хӑйӗн ҫине илнӗ.

Николай Никандрович Патӑрьел районӗнчи Нӑрваш Шӑхаль ялӗнче ҫуралса ӳснӗ. Унччен вӑл ял тӑрӑхӗн пуҫлӑхӗ пулнӑ, унтан - район администрацийӗн пуҫлӑхӗн ҫумӗ. Юлашки вӑхӑтра Комсомольски район администрацийӗн пуҫлӑхӗн ял хуҫалӑх енӗпе ӗҫлекен ҫумӗ пулнӑ. Александр Осипов кайсан унӑн тивӗҫӗсене вӑхӑтлӑха пурнӑҫланӑ.

 

Политика
Суд приставӗсен службин архивӗнчи сӑн
Суд приставӗсен службин архивӗнчи сӑн

Суд приставӗсен службинче ертӳҫӗ пуканне ҫӗнӗ ҫын йышӑннӑ. Унпа паян ЧР Элтеперне Олег Николаева официаллӑ майпа паллаштарнӑ.

Суд приставӗсен Чӑваш Енри службине Сергей Резник ертсе пырӗ. Вӑл кӑҫалхи ака уйӑхӗнченпе ҫак ведомство пуҫлӑхӗн тивӗҫӗсене вӑхӑтлӑха пурнӑҫланӑ. Унччен вара ку пукана Денис Борисов йышӑннӑ пулнӑ.

Хыпар ҫӑлкуҫӗ: https://t.me/oanikolaev/3945
 

Политика

Паян ЯР Элтеперӗ Олег Николаев Павел Данилова ЧР Министрсен Кабинечӗн председателӗн ҫумӗ пулма ҫирӗплетнӗ. Тӗрӗссипе, вӑл унччен те ку должноҫре пулнӑ. Кунсӑр пуҫне строительство министрӗ пулнӑ. Халӗ вара Павел Данилов вице-премьер должноҫӗнче кӑна юлнӑ.

ЧР Строительство министерствине кам ертсе пырӗ-ха? Ку вырӑна унччен Павел Даниловӑн ҫумӗ пулнӑ Михаил Коледа йышӑннӑ.

 

Политика
kanashen.ru сайтри сӑн
kanashen.ru сайтри сӑн

Ҫитес вӑхӑтра патшалӑх служащийӗсем валли награда ҫирӗплетӗҫ. Вӑл «Чӑваш Республикинчи патшалӑх граждан службинче лайӑх ӗҫленӗшӗн» уйрӑм паллӑ пулӗ. Хальхи вӑхӑтра Элтеперӗн ҫак хушӑвне сӳтсе яваҫҫӗ, вӑл коррупципе кӗрешекен экспертиза витӗр тухать.

Элтепер администрацийӗ хыпарланӑ тӑрӑх, кунашкал награда 6 регионта пур: Мари Элте, Удмуртире, Мордва Республикинче, Чулхула, Самар тата Пенза облаҫӗсенче.

Палӑртмалла: республикӑра 1,5 пине яхӑн патшалӑх служащийӗ шутланать.

 

Страницӑсем: 1, 2, 3, 4, 5, 6, 7, [8], 9, 10, 11, 12, 13, 14, 15, 16, 17, 18, ...159
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (28.03.2024 21:00) уяр ҫанталӑк, атмосфера пусӑмӗ 752 - 754 мм, 1 - 3 градус ӑшӑ пулӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 28

1915
109
Дедушкин Николай Степанович, чӑваш критикӗ, литература тӗпчевҫи ҫуралнӑ.
1983
41
Шамбулина Алина Валерьевна, чӑваш тележурналисчӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа хӑй
хуть те кам тухсан та
пӗтӗм кил-йышпа тухаҫҫӗ
хӑни ҫулне ахаль те пӗлет, ӑсатмасӑр та
хуҫа тарҫи
ӑсатма тухни — ҫылӑх, юрамасть
хуҫа арӑмӗ
хуҫин ҫитӗннӗ ачисем
хӑнана ӑсатма никам та тухмасть
кил-йышри арҫын