Сайта кӗр | Регистраци | Сайта кӗрсен унпа туллин усӑ курма пулӗ
 +7.3 °C
Мухтаннӑ сунарҫӑ мулкачӑ тытайман.
[ваттисен сӑмахӗ]
 

Хыпарсен ҫыххи: Культура

Культура
Евгенйи Князев. chuvdram.ru сайтри сӑнӳкерчӗк
Евгенйи Князев. chuvdram.ru сайтри сӑнӳкерчӗк

Театра юратакансене пуш уйӑхӗн 28-мӗшӗнче Чӑваш патшалӑх кадеми драма театрне Мускаври Арбатра вырнаҫнӑ Вахангов ячӗллӗ театр гастрольпе килӗ. Шупашкар ҫыннисене культура учрежденийӗ Александр Пушкинӑн «Пиковая дама» повеҫӗпе лартнӑ моноспектакль кӑтартӗ.

Спектакльте — Раҫҫей халӑх артисчӗ Евгений Князев тата театрӑн оркестрӗн артисчӗсем.

Евгений Владимирович куракана асамлать-тыткӑнлать теҫҫӗ унӑн пултарулӑхӗпе паллашнисем. Спектакльте ҫавӑн пекех музыкантсем пулӗҫ: клавесинпа — Надежда Кашкина тата Наталья Туриянская, флейтӑпа — Ольга Жевлакова, скрипкӑпа — Полина Евланова, гитарӑпа — Андрей Чернышов.

Моноспектаклӗн музыка ертӳҫи — Татьяна Агаева.

Хыпар ҫӑлкуҫӗ: https://chuvdram.ru/#modal
 

Культура

Иртнӗ шӑматкун Йӗпреҫ районӗнчи Пучинкере виҫҫӗмӗш хут Туркай вулавӗсем иртнӗ. Вӗсене, йӑлана кӗнӗ тӑрӑх, Йӗпреҫ муниципалитет округ администрацийӗн вӗренӳ пайӗ, Чӑваш Республикинчи Ҫеҫпӗл Мишши фончӗ тата Чӑваш наци конгресӗн вырӑнти уйрӑмӗ йӗркеленӗ. Ҫивӗч ӑмӑртӑтӑва Йӗпреҫ районӗнчи тӗрлӗ шкулсенче вӗренекен 72 ача тата чӑваш чӗлхипе литературине вӗрентекенсемпе библиотекарьсем хутшӑннӑ. Кӗҫӗн классенче вӗренекенсем ытларах Чӑваш халӑх поэчӗн Раиса Сарпин сӑввисене юратса та хавхаланса вуланӑ, аслӑ классенче вӗренекенсем вара хӑйсем Чӑваш халӑх поэчӗн Валери Туркайӑн сӑввисене кӑмӑлланине палӑртнӑ.

Республикӑри Ҫеҫпӗл Мишши фончӗн директорӗ Валери Туркай амӑртура малти вырӑнсене йышӑннисене те, конкурса хутшӑнма кӑмӑл тунисене те — пурне те! — асӑннӑ фонд юлашки ҫулсенче кун ҫути кӑтартнӑ кӗнекесене парнелесе хавхалантарнӑ. Кунсӑр пуҫне чӑваш поэзине юратакансем пурте ятарлӑ дипломсем илме тивӗҫлӗ пулнӑ.

Ака уйӑхӗнче Туркай вулавӗсем саккӑрмӗш хут Комсомольски районӗнче иртӗҫ.

 

Культура
chuvdram.ru сӑнӳкерчӗкӗ
chuvdram.ru сӑнӳкерчӗкӗ

Чӑваш академи драма театрӗ 16–21 ҫулхи ачасемпе ҫамрӑксене Чӑваш театр студине вӗренме йыхравлать.

Культура учреждеийӗнче пӗлтернӗ тӑрӑх, театр студийӗнче пуш уйӑхӗнче вӗрентме пуҫлӗҫ. Театр студийӗнче вӗренекенӗсем актёрпа сцена ӑсталӑхне, юрӑ юрлама тата ташӑ ташлама кашни шӑматкунсерен вӗренӗҫ. Унсӑр пуҫне театр институтне вӗренме кӗме хатӗрленӗҫ.

Театр студине суйласа илнӗ хыҫҫӑн йышӑнӗҫ. Суйлава хушӑнас кӑмӑллисен чӑвашла юрӑ, юптару, сӑвӑ, монолог тата ташӑ хатӗрлесе комиссине кӑтартмалла пулӗ. Суйлав нарӑс уйӑхӗн 17 тата 24-мӗшӗсенче Чӑваш драма театрӗнче 13 сехетре пуҫланӗ.

Суйлава пырас умӗн заявка ярса памалла.

 

Культура
/chuvdram.ru сӑнӳкерчӗкӗ
/chuvdram.ru сӑнӳкерчӗкӗ

Ҫӗршыва хӳтӗлекенсен кунӗ тӗлне Чӑваш академи драма театрӗ акци ирттерӗ.

Нарӑс уйӑхӗн 22-мӗшӗнче, 18:00 сехетре кӑтартакан «Инкеклӗ телей» спектакле курма икӗ е тата ытларах билет туянакансене билет хакне 23 процент йӳнетсе сутӗҫ.

Билетсене сайт урлӑ туяннӑ чух CHUVDRAM23 промокодпа усӑ курмалла.

«Инкеклӗ телей» спектакле спектакльти ӗҫ-пуҫ 1938-1945 ҫулсенче пулса иртет. Тӗп герой, Аркадий, вӑрҫӑран аманса яла таврӑнать. Хӑйӗн ҫемйи ҫак тӑватӑ ҫул хушшинче мӗнле пурӑнни ҫинчен вӑл нимӗн те пӗлмест. Инсцинировкӑна

Юлия Николаева калавӗ тӑрӑх Сергей Павлов хатӗрленӗ.

 

Культура
t.me/chuvashenkalasat сӑнӳкерчӗкӗ
t.me/chuvashenkalasat сӑнӳкерчӗкӗ

Чӑваш Наци музейӗ нарӑс уйӑхӗн 12-мӗшӗнчи черетлӗ ҫуралнӑ хӑйӗн ҫуралнӑ кунне халалласа уҫӑ алӑксен кунне ирттернӗ.

«Хамӑр халӑх историне, йӑли-йӗркине манӑҫа кӑлармасӑр вун-вун ҫул сыхлакан ҫурт чӑн-чӑн тупра вырӑнӗнче. Хӑй арчинче несӗлсенчен паянхи кун таран сыхланса юлнӑ пуянлӑха упранипе танах ҫӗнӗ проектсем пурнӑҫа кӗртсе малалла аталанать», – тесе хыпарланӑ Телеграмри «Чӑваш Ен» калаҫать каналта.

Уҫӑ алӑксен кунӗпе ҫыхӑннӑ акцие ҫавӑн пекех Ҫеҫпӗл Мишши, В.Чапаев,  К. Иванов ячӗллӗ литература, Чӑваш тӗррин музейӗсем хутшӑннӑ.

Канаш тӑрӑхӗнчи Ҫеҫпӗл ялӗнчи музейра, Куславкка тӑрӑхӗнчи чӗмсӗр чикӗсен строителӗсене халалласа лартнӑ мемориал та хӑнасене уйрӑм йӗркепе йышӑннӑ.

Хыпар ҫӑлкуҫӗ: https://t.me/chuvashenkalasat/554?single
 

Культура
Ӳнер музейӗн архивӗнчен
Ӳнер музейӗн архивӗнчен

Нарӑс уйӑхӗн 16-мӗшӗнче Чӑваш патшалӑх ӳнер музейӗнче «Синяя птица» (чӑв. Кӑвак кайӑк) курав уҫӑлӗ. Ӑна чӑваш халӑх художникӗн Раиса Терюкалован юбилейне халалланӑ. Экспозицире ӳнерҫӗн килӗнче тата музейре упранакан ӗҫсем пулӗҫ.

Раиса Фоминична 1939 ҫулхи кӑрлач уйӑхӗн 8-мӗшӗнче Улатӑр районӗнчи Кувакино ялӗнче ҫуралнӑ. Ӳкерессипе хӗрачана ашшӗ кӑсӑклантарса янӑ. Ҫавӑнпа та вӑл пӗчӗкренех художник пулма ӗмӗтленнӗ. 1961 ҫулта Шупашкарти ӳнер училищинчен вӗренсе тухсан пӗлӗвне Ленинградри ӳнерпе промышленность училищинче туптанӑ. Унта вӑл сӗтел-пукан пусмине хитрелетме вӗреннӗ.

Алла диплом илсен Раиса Терюкалова Шупашкарти пир-авӑр комбинатӗнче виҫӗ ҫул ытларах тӑрӑшнӑ хыҫҫӑн Ӳнер фондне куҫнӑ, кӑштахран каллех пир-авӑр комбинатне таврӑннӑ. Художник ытларах гобеленпа ӗҫленӗ.

 

Культура
Чӑваш кӗнеке издательствин сӑнӳкерчӗкӗ
Чӑваш кӗнеке издательствин сӑнӳкерчӗкӗ

Раҫҫейӗн Патшалӑх Думин вице-спикерне Анна Кузнецовӑна чӑваш юмахӗсен кӗнекине парнеленӗ.

Аса илтерер: нарӑс уйӑхӗн 9-мӗшӗнче Чӑваш патшалӑх филармонийӗнче Ҫемье ҫулталӑкне савӑнӑҫлӑ лару-тӑрура уҫнӑ. Унта республикӑри 300 ытла ҫемье пуҫтарӑннӑ. Тӳре-шара та пулнӑ: Чӑваш Ен Элтеперӗ Олег Николаев, ӗҫ тата социаллӑ хӳтлӗх министрӗ Алёна Елизарова, Раҫҫейӗн Патшалӑх Думин вице-спикерӗ Анна Кузнецова.

Мероприятие хутшӑннӑ Чӑваш кӗнеке издательстви Анна Кузнецовӑна чӑваш халӑх юмахӗсен «Ключи от счастья» кӗнекине парнеленӗ.

Хыпар ҫӑлкуҫӗ: https://vk.com/wall391792345_5474
 

Культура
culture.cap.ru сӑнӳкерчӗкӗ
culture.cap.ru сӑнӳкерчӗкӗ

Кӑҫалхи авӑн уйӑхӗн 5-мӗшӗнче чӑваш ҫӗрӗн мухтавлӑ ывӑлӗ, тӗнчери виҫҫӗмӗш космонавт, Совет Союзӗн икӗ хут Геройӗ, авиацин генерал-майорӗ Андриян Николаев ҫуралнӑранпа 95 ҫул ҫитет. Паллӑ куна халалласа республикӑра тата космонавт ҫуралнӑ ялта, Шуршӑлта,тӗрлӗ мероприяти иртӗ.

Чӑваш академи драма театрӗ «Эп – Кӑйкӑр!» спектакль хатӗрлет. Ӑна калмӑк режиссёрӗ, Раҫҫейӗн искусствӑсен тава тивӗҫлӗ ӗҫченӗ Борис Манджиев хатӗрлет. Вӑл тата театрӑн артисчӗсем СССР лётчик-космонавчӗн А.Г. Николаевӑн мемориал комплексӗнче пулнӑ.

Спектакле ака уйӑхӗн 5-мӗшӗнче кӑтартӗҫ.

 

Культура
culture.cap.ru сӑнӳкерчӗкӗ
culture.cap.ru сӑнӳкерчӗкӗ

Нарӑс уйӑхӗн 11-мӗшӗнче Чӑваш патшалӑх филармонийӗнче «Музыка русской зимы» (чӑв. Вырӑс хӗлӗн юрри-кӗвви) концерт иртӗ. Ҫав шутра — «В лунном сиянии», «Вдоль по улице метелица метет», «Ой, мороз, мороз!», «Гай-да, тройка!» тата ыттисем.

Сцена ҫине Чӑваш Енӗн халӑх артистки Маргарита Финогентова, Динара Юнисова, Татьяна Васильева, Анна Голицына, Чӑваш Республикин тава тивӗҫлӗ артисчӗсем Иван Снигирев тата Юрий Катков, Хакас Республикин тава тивӗҫлӗ артисчӗ Сергей Кузнецов, Владимир Ашмарин, Екатерина Паргеева (фортепиано), «Ҫавал» ансамблӗн инструмент ушкӑнӗ, «Nota «G» ташӑ ушкӑнӗ тухӗҫ.

Программа режиссӗрӗ – Чӑваш Республикин культурӑн тава тивӗҫлӗ ӗҫченӗ Елена Лимаренко.

 

Культура
culture.cap.ru сӑнӳкерчӗкӗ
culture.cap.ru сӑнӳкерчӗкӗ

Нарӑс уйӑхӗн Чӑваш Республиикн ача-пӑчапа ҫамрӑксен вулавӑшӗнче ачасене чӑваш фольклорне вӗрентеҫҫӗ. Нарӑс уйӑхӗн 7-мӗшӗнче унти #ЗнайЧитай ача-пӑчапа ҫамрӑксен вулавӗн лабораторийӗнче Шупашкарти 20-мӗш шкулти 5-мӗш класра вӗренекенсемпе 75-мӗш ача-пӑча пахчине ҫӳрекенсемпе тӗрлӗ меоприяти ирттернӗ.

«Чӑваш сӑпки» литературӑпа музыка сехетӗнче шкул ачисене сӑпка, ӑна мӗнрен хатӗрленинчен пуҫласа сӑпка юррисем ҫинчен каласа кӑтартнӑ.

 

Страницӑсем: 1, 2, 3, 4, 5, 6, [7], 8, 9, 10, 11, 12, 13, 14, 15, 16, 17, ...374
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 15:00) уяр ҫанталӑк, атмосфера пусӑмӗ 751 - 753 мм, 7 - 9 градус ӑшӑ пулӗ, ҫил 3-5 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа хӑй
пӗтӗм кил-йышпа тухаҫҫӗ
хӑнана ӑсатма никам та тухмасть
хӑни ҫулне ахаль те пӗлет, ӑсатмасӑр та
хуть те кам тухсан та
хуҫа тарҫи
ӑсатма тухни — ҫылӑх, юрамасть
хуҫин ҫитӗннӗ ачисем
хуҫа арӑмӗ
кил-йышри арҫын