Сайта кӗр | Регистраци | Сайта кӗрсен унпа туллин усӑ курма пулӗ
 +3.6 °C
Мухтаннӑ сунарҫӑ мулкачӑ тытайман.
[ваттисен сӑмахӗ]
 

Хыпарсен ҫыххи: Статистика

Статистика
im0-tub-ru сайтри сӑн
im0-tub-ru сайтри сӑн

Чӑваш Енре мӑшӑрсем сахалрах уйрӑлаҫҫӗ. Пӗлтӗр ку енӗпе пирӗн республика Атӑлҫи тӑрӑхӗнче - иккӗмӗш, ҫӗршывра улттӑмӗш вырӑн йышӑннӑ.

Ҫапах ку ыйту пирӗн регионта ҫивӗч. Кӑҫал икӗ уйӑхра 582 мӑшӑр уйрӑлнӑ.

Тӳре-шара пӗлтернӗ тӑрӑх, мӑшӑрсен 80 проценӗ суд урлӑ уйрӑлать. Ку ҫемьере 18 ҫул тултарман ача пуррине пӗлтерет. Специалистсем шӑпӑрлансем ашшӗ-амӑшӗ уйрӑлнине йывӑррӑн чӑтса ирттернине пӗлтереҫҫӗ.

Хыпар ҫӑлкуҫӗ: https://pg21.ru/news/77909
 

Статистика
im0-tub-ru сайтри сӑн
im0-tub-ru сайтри сӑн

Республикӑри тӳре-шара пӗлтернӗ тӑрӑх, юлашки вӑхӑтра пирӗн регионта ӗҫсӗрлӗх шайӗ ӳсмен. Пачах тепӗр май, иртнӗ уйӑхпа танлаштарсан, кӑштах чакнӑ та.

Ӗнер ЧР Ӗҫлев министерстви пӗлтернӗ тӑрӑх, республикӑра 4689 ҫын ӗҫсӗррисен шутӗнче тӑнӑ. Пӗр уйӑх каялла ку кӑтарту 4799 ҫынпа танлашнӑ. Халӗ вакансисен йышӗ ӗҫсӗррисенчен 3,7 хут нумайрах-мӗн.

Ҫулталӑк пуҫланнӑранпа ӗҫлев центрӗ урлӑ 3 пин ытла ҫын ӗҫе вырнаҫнӑ. Шупашкарта ӗҫ шыракан 2459 ҫын юлнӑ. Вӗсенчен 311-шӗ - тивӗҫлӗ канӑва тухма вӑхӑт ҫитсе пыраканнисем.

 

Статистика
im0-tub-ru.yandex.net сайтри сӑн
im0-tub-ru.yandex.net сайтри сӑн

Банк карттисемпе, телефонпа тата тӗнче тетелӗпе усӑ курса ҫынсене улталасси пӗлтӗр, 2020 ҫулпа танлаштарсан, 3,9 процент ӳснӗ. Ку ҫулталӑкра вӑрланӑ пурлӑхӑн 39,6 проценчӗпе танлашать.

Пӗлтӗр Шупашкар ҫыннисем ултавҫӑсене 310 миллион тенкӗ куҫарса панӑ. Ку, 2020 ҫулпа танлаштарсан, икӗ хута яхӑн нумайрах. 310 миллион тенкинчен 1,9 процентне ҫеҫ каялла тавӑрма май килнӗ.

Йӗрке хуралҫисем тимлӗ пулма ыйтаҫҫӗ. Банк карттин реквизичӗсене никама та пӗлтермелле мар.

 

Статистика

Пӗлтӗрхи раштав уйӑхӗнче пирӗн республикӑра вӑтам шалу виҫи (ку вӑл налуксем тытӑннине шута илмесен) 48 пин те 8 тенкӗпе танлашнӑ. Асӑннӑ сумма 2020 ҫулхи раштав уйӑхӗнчинчен 16,4 процент пысӑкрах, 2021 ҫулхи чӳк уйӑхӗнчинчен — 29,8 процент.

Чӑвашстата ӗненсен, 48 пин тенкӗ — республикӑшӑн рекордла кӑтарту. Унчченхи рекорд 2020 ҫулхи раштав уйӑхӗнче пулнӑ. Ун чухне ҫав хисеп 41 пин те 331 тенкӗ пулнӑ.

Раштав уйӑхӗнчи шалу виҫипе Чӑваш Ен Мари Эл, Мордва тата Удмурт республикисенчен, Киров, Пенза тата Чӗмпӗр облаҫӗсенчен иртнӗ. Ҫулталӑкӑн юлашки уйӑхӗнче чылай ҫӗрте преми панине палӑртмалла.

Пӗлтӗрхи кӑрлач-раштав уйӑхсенче вӑтам шалу виҫи 35 пин те 530 тенкӗпе танлашнӑ. Ку енӗпе эпир Мордва Республикинчен (унта уйӑхри вӑтам шалу виҫи — 34 441 тенкӗ) тата Мари Элтан (35 502 тенкӗ) иртнӗ.

 

Статистика
 cap.ru сайтри сӑн
cap.ru сайтри сӑн

Катастрофа медицинисен тата васкавлӑ медпулӑшу республика центрӗ пӗлтернӗ тӑрӑх, Чӑваш Енре 10 кунра ҫурт тӑрринчен юр антарнӑ чухне 13 ҫын ӳкнӗ. Вӗсем - 40-73 ҫулсенчи ҫынсем.

Пурне те васкавлӑ медпулӑшу панӑ, ҫийӗнчех пульницӑна илсе ҫитернӗ. Юрать, вилекенсем пулман.

Тухтӑрсем ҫакна асӑрхаттараҫҫӗ: ҫӳллӗшӗнчен ӳкнӗ ҫынна хӑвӑр тӗллӗн тӑратмалла мар, мӗншӗн тесен унӑн шӑмми хуҫӑлма пултарнӑ. Васкавлӑ медпулӑшу тухтӑрӗсем киличчен ӑна ӑшӑ япалапа витмелле, май пулсан вӗри чей ӗҫтермелле.

 

Статистика

Чӑваш Енре йӑлара усӑ курмалли химипе наркӑмӑшланнӑ ачасен йышӗ ӳснӗ. Кун пирки ЧР сывлӑх сыхлавӗн министерстви пӗлтерет.

Ведомство палӑртнӑ тӑрӑх, ытларах чухне ку ашшӗ-амӑшӗ тимлӗхне ҫухатнӑран пулать. Ҫулталӑк пуҫланнӑранпа Республикӑри ача-пӑча клиника пульницине апат ҫулне пӗҫертсе янӑ 8 ачана илсе килнӗ. Шӑпӑрлансем тасатмалли хатӗр, чӗрне тасатмалли шӗвек, уксус ӗҫсе шар курнӑ. Тухтӑрсем палӑртнӑ тӑрӑх, кунашкал шӑпӑрлансен пульницӑра нумай вӑхӑт выртма, чылай сипленме тивет. Реабилитаци тапхӑрӗ те вӑраха тӑсӑлать.

Ачасем магнит, батарейка, тимӗр укҫа ҫӑтса янӑ тӗслӗхсем те пулнӑ. Ҫавӑнпа ашшӗ-амӑшне тимлӗрех пулма ыйтаҫҫӗ.

 

Статистика
proprikol.ru сайтри сӑн
proprikol.ru сайтри сӑн

Ҫулталӑк пуҫланнӑранпа республикӑра ҫулталӑк тултарман ултӑ ача вилнӗ. Кун пирки ЧР Сывлӑх сыхлавӗн министерстви пӗлтерет.

Ултӑ ачаран виҫҫӗшӗ амӑшӗпе пӗр кравать ҫинче ҫывӑрнӑ. Президент пепкелӗх центрӗн тӗп тухтӑрӗн ҫумӗ Лариса Ногтева ку пысӑк хӑрушлӑх пулнине палӑртать, мӗншӗн тесен ҫывӑрнӑ чухне амӑшӗ пӗчӗкскере лапчӑтма пултарать.

Ачана тӗрӗс мӗнле пӑхмалла? Ҫак тата ытти ыйтӑва амӑшӗ пулма хатӗрленекен хӗрарӑмсене амӑшӗн шкулӗнче вӗрентеҫҫӗ. Унта пулас ашшӗсем валли те занятисем иртеҫҫӗ, мӗншӗн тесен ҫӑмӑлланнӑ хӗрарӑм малтанах вӑйсӑр, ашшӗсен те ачине пӑхма тивет.

 

Статистика
vk.com сайтри сӑн
vk.com сайтри сӑн

Ҫӗнӗ ҫул хыҫҫӑнхи канмалли кунсенче васкавлӑ медпулӑшу службин е 13 пин ытла шӑнкӑрав ҫитнӗ. Эрехпе наркӑмӑшланнӑ тӗслӗхсем те пулнӑ. Ҫав йышра - ачасем те.

Канмалли кунсенче васкавлӑ медпулӑшу тухтӑрӗсем сивве пула шар курнӑ 14 ҫынна пулӑшнӑ. Вӗсем 28-89 ҫулсенче пулнӑ. Пурне те пульницӑна илсе ҫитернӗ.

Кӑҫалхи 10 кунра 29 ҫын эрехпе наркӑмӑшланнӑ. Вӗсенчен 7-шӗ ачасем пулнӑ. Паллах, каникулта ачасем, вӗсемпе пӗрле ашшӗ-амӑшӗ те, пӳремечпе ярӑннӑ. Тӑвайккинчен ярӑнса суранланнӑ 46 ҫынна медпулӑшу кирлӗ пулнӑ. Вӗсенчен 32-шӗ - ачасем.

Раштавӑн 31-мӗшӗнчен пуҫласа кӑрлачӑн 3-мӗшӗччен пиротехникӑпа ҫыхӑннӑ 9 пӑтӑрмах пулнӑ. Шар курнӑ ҫынсенчен 3-шӗ - ачасем. Ҫынсем кунашкал тӗслӗхсенче ытларах пиҫсе кайнӑ.

Хыпар ҫӑлкуҫӗ: https://m.pg21.ru/news/76709
 

Статистика
tver.mk.ru сайтри сӑн
tver.mk.ru сайтри сӑн

Республикӑра Ҫӗнӗ ҫулхи канмалли кунсенче 4 ҫын ҫул-йӗр ҫинчи аварире вилнӗ, 46 ҫын аманнӑ. Аварие лекнисен йышӗнче ачасем те пулнӑ.

Кӑҫалхи 10 кунра Чӑваш Енре ҫул-йӗр ҫинче 30 авари пулнӑ. Вӗсем – машинӑсем ҫапӑнни, ҫуран ҫӳрекенсем ҫине кӗрсе кайни… Шар курнисен йышӗнче 16 ҫул тултарман 5 ача пулнӑ. 10 кунра ҫуран утакан 6 ҫын ҫине машина пырса кӗнӗ.

Канмалли кунсенче ҫул-йӗр инспекторӗсем ӳсӗр водительсене тытнӑ. 9 кунра руль умне ӳсӗрле ларнӑ 121 ҫынна чарнӑ. Ҫав йышран 13 ҫын руль умне иккӗмӗш хут ӳсӗрле ларнӑ. Вӗсене уголовлӑ майпа явап тыттарӗҫ.

Хыпар ҫӑлкуҫӗ: https://pg21.ru/news/76681
 

Статистика
911forum каналтан илнӗ скриншот
911forum каналтан илнӗ скриншот

Иртнӗ ҫул Шупашкарти хӑна ҫурчӗсене 2020 ҫулхинчен 21% ытларах хӑна вырнаҫтарнӑ. Тӗп хулари хӑна ҫурчӗсем хӑйсем патӗнче пурӗ 144 пин ҫын валли вырӑн тупса панӑ. Сӑмах май, вӗсенчен 2 пинӗшӗ кӑна ытти патшалӑхсен гражданӗсем пулнӑ.

Унчченхи ҫулхипе танлаштарсан 2021 ҫулта Шупашкара теплоходсемпе килекен туристсен шучӗ те ӳснӗ (+11%). Ҫавӑн пекех Шупашкарта чарӑннӑ теплоходсен тӑмалли вӑхӑт тӗлӗшпе те ӳсӗм пуррине палӑртнӑ. Вӑтам чарӑну вӑхӑчӗ 5,5 сехетпе танлашнӑ.

Чӑваш Республикин тӗп хулине вӗҫсе килнӗ пассажирсем тӗлӗшпе статистикӑра пысӑк ӳсӗм. Ҫак виҫе 65% танлашнӑ. Сывлӑш карапӗсем ҫинче вӗҫсе килнӗ пассажирсен йышӗ — 225,5 пин ҫын.

Туристсене ытларах Хӗрлӗ тӳреме туртнине палӑртнӑ. Вӗсен кӑмӑлне каякан иккӗмӗш вырӑнта — Мускав ҫыранлӑхӗ. Шупашкарти ҫак вырӑнсем республикӑра пурӑнакансемшӗн те илӗртӳллӗ пулнине палӑртнӑ.

 

Страницӑсем: 1, 2, 3, 4, 5, 6, [7], 8, 9, 10, 11, 12, 13, 14, 15, 16, 17, ...45
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (28.03.2024 15:00) уяр ҫанталӑк, атмосфера пусӑмӗ 751 - 753 мм, 5 - 7 градус ӑшӑ пулӗ, ҫил 4-6 м/ҫ хӑвӑртлӑхпа ҫурҫӗр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 28

1915
109
Дедушкин Николай Степанович, чӑваш критикӗ, литература тӗпчевҫи ҫуралнӑ.
1983
41
Шамбулина Алина Валерьевна, чӑваш тележурналисчӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуть те кам тухсан та
хӑни ҫулне ахаль те пӗлет, ӑсатмасӑр та
хӑнана ӑсатма никам та тухмасть
хуҫа хӑй
кил-йышри арҫын
ӑсатма тухни — ҫылӑх, юрамасть
хуҫин ҫитӗннӗ ачисем
хуҫа арӑмӗ
хуҫа тарҫи
пӗтӗм кил-йышпа тухаҫҫӗ