Сайта кӗр | Регистраци | Сайта кӗрсен унпа туллин усӑ курма пулӗ
 -0.7 °C
Выртакан чул мӑкланать, ҫӳрекен чул якалать.
[ваттисен сӑмахӗ]
 

Хыпарсен ҫыххи: Пӑтӑрмахсем

Пӑтӑрмахсем
ведомостинсо.рф сӑнӳкерчӗкӗ
ведомостинсо.рф сӑнӳкерчӗкӗ

Шупашкарти Заовражное микрорайонта пӗр хӗр нарӑс уйӑхӗн 4-мӗшӗнче уҫӑлма тесе тухнӑ. Вӑл Атӑлӑн сулахай енне тӳррӗн утса каҫас тенӗ. Анчах ҫухалса кайнӑ.

Пӑтӑрмаха ҫакланнине ӑнланса илсен хайхискер Чӑваш Республикин ҫӑлавпа шырав службине шӑнкӑравланӑ.

Кӗҫех ҫӑлавҫӑсем мӗскӗне шырама тухса кайнӑ. Анчах хӗре юрҫӳренпе ярӑнма тухнӑ арҫын тӗл пулнӑ. Вӑл ӑна ҫыран хӗрне илсе ҫитернӗ.

 

Пӑтӑрмахсем
«Ситиматик Чувашия» общество сӑнӳкерчӗкӗ
«Ситиматик Чувашия» общество сӑнӳкерчӗкӗ

Йӑлари хытӑ каяша турттаракан «Ситиматик Чувашия» общество ятарлӑ машинӑсене ҫӳп-ҫап контейнерӗсем патне пырса кӗе кансӗрлемелле марри пирки асӑрхаттарать.

Ҫула юр хӳсе лартнӑран контейнерсем патне пысӑк машинӑсем пырайманни пулкалать. Контейнерсем вырнаҫтарнӑ лаптӑксене юртан тасатманнине ҫирӗплетсе паракан сӑнӳкерчӗксемпе видеосене вырӑнти хӑй тытӑмлӑх органӗсене ярса парассине пӗлтереҫҫӗ.

Уйрӑм ҫынсене те машинӑсене контейнерсем патне лартса хума сӗнмеҫҫӗ.

Хыпар ҫӑлкуҫӗ: https://cheb.ru/news/?shownews=291176
 

Пӑтӑрмахсем
ШӖМ тунӑ сӑн
ШӖМ тунӑ сӑн

Паян, нарӑсӑн 3-мӗшӗнче, 16 сехет те 35 минутра Шупашкарти Эгер бульварӗнче «Лада Гранта» 10 ҫулти арҫын ача ҫине пырса кӗнӗ. Ҫакӑ видеокамера ҫине лекнӗ.

Ача ҫул урлӑ каҫма васканӑ. 34 ҫулти водитель каланӑ тӑрӑх, вӑл ӑна асӑрхаса ӗлкӗреймен. Арҫын ача аманнӑ, ӑна пульницӑна илсе кайнӑ.

Хыпар ҫӑлкуҫӗ: https://t.me/cheb_police
 

Пӑтӑрмахсем
«Лиза.Алерт» сӑнӳкерчӗкӗ
«Лиза.Алерт» сӑнӳкерчӗкӗ

Ҫӗнӗ Шупашкарта пурӑнакан 71 ҫулхи хӗрарӑм ҫухалнӑ. Ӑна «Лиза Алерт» шырав отрячӗне хастарӗсем шыраҫҫӗ.

Валентина Максимова (Воронцова) кӑрлач уйӑхӗн 30-мӗшӗнче килӗнчен тухса кайнӑ.

Хӗрарӑм 155 сантиметр ҫӳллӗш, тулли пӳ-силлӗ, ҫӳҫне хӗрлӗрех тӗспе сӑрланӑ, куҫӗ хӑмӑртарах симӗс.

Ватӑ ҫын симӗс куртка, хӑмӑр атӑ, тӗксӗм хӗррлӗ калпак тӑхӑннӑ.

 

Пӑтӑрмахсем
forum.na-svyazi.ru порталтан илнӗ сӑнӳкерчӗк
forum.na-svyazi.ru порталтан илнӗ сӑнӳкерчӗк

Шупашкар хулинчи шкулсенчен пӗрне чӗртсе яма хӑтланнӑ учителе СИЗОна 2 уйӑхлӑха хупса хунӑ. Ӑна РФ Пуҫиле кодексӗн икӗ статйипе айӑпласшӑн: терроризм акчӗшӗн тата ҫаратнӑшӑн. Ӑна 20 ҫул таран ирӗкрен хӑтарма пултарӗҫ.

Аса илтерер: пӑтӑрмах кӑрлач уйӑхӗн 28-мӗшӗнче пулса иртнӗ. Шупашкарти 10-мӗш шкулта вӗрентекен 46 ҫулти хӗрарӑм икӗ класа ҫунтарса яма тӑнӑ. Анчах ӗҫе вӗҫлеме хуралҫӑ ссчӗвлӗ пулни кансӗрленӗ.

Хӗрарӑм ӗнентернӗ тӑрӑх, вӑл Раҫҫейӗн хӑрушсӑрлӑх службипе ҫыхӑну тытатӑп, вӗсем мӗн хушнине тӑватӑп тесе шухӑшланӑ имӗш. Хӗрарӑма кӑрлач уйӑхӗн 30-мӗшӗнче ӗҫрен кӑларнӑ.

 

Пӑтӑрмахсем
forum.na-svyazi.ru сӑнӳкерчӗкӗ
forum.na-svyazi.ru сӑнӳкерчӗкӗ

Шупашкар хулинче пурӑнакан пӗр хӗрарӑм пӗлтӗр ҫывӑх ҫыннисемпе Египета кайма ӗмӗтленнӗ. Унта Чулхуларан вӗҫсе каймалла пулнӑ. Анчах аэропортра хӗрарӑмпа унӑн ҫывӑх ҫыннисене самолёта лартман, мӗншӗн тесен электрон билетсем суя пулнӑ.

Хӗрарӑм 9 каҫшӑн 261 пин тенкӗ тӳленӗ. Унпа пӗрле амӑшӗ тата хӗрӗ канма кайма ӗмӗтленнӗ.

Турагент хӗрарӑма билет укҫине тавӑрса пама килӗшмен. Шар курни кунпа ҫырлахас темен, суда ҫитнӗ. Суд турагента хӗрарӑма 915 пин тенкӗ тӳлеттермелле йышӑну кӑларса панӑ, ҫав шутра — юрист тытса тӑкакланнине саплаштарма та.

 

Пӑтӑрмахсем

Шупашкар хулинче 47 ҫулти хӗрарӑма шыранӑ. Кун пирки «Лиза Алерт» шырав ушкӑнӗ хыпарланӑ. Ольга Краснова килтен кӑрлач уйӑхӗн 29-мӗшӗнче тухса кайнӑ иккен, каялла таврӑнман. Ҫавӑн хыҫҫӑн унӑн ҫывӑх ҫыннисем сисчӗвленсе ӳкнӗ.

Асӑннӑ хӗрарӑм унччен те ҫухални пулнӑ, ӑна шыранӑ. Пӗлтерӳре палӑртса хӑварнӑ тӑрӑх, хӗрарӑм манса кайкалать.

Хӗрарӑм 157 сантиметр ҫӳллӗш, вӑтам пӳ-силлӗ, ҫӳҫӗ ҫутӑ, кӑвак куҫлӑ. Килӗнчен вӑл ҫутӑ курткӑпа, тӗкем кӑвак джинс шӑлаварпа, хура пушмакпа, ҫутӑ калпакпа тухса кайнӑ.

... «Лиза Алерт» шырав ушкӑнӗ нумаях пулмасть пӗлтернӗ тӑрӑх, хӗрарӑм тупӑннӑ, вӑл таса сывах.

 

Пӑтӑрмахсем
Инкеклӗ лару-тӑру министерстви тунӑ сӑн
Инкеклӗ лару-тӑру министерстви тунӑ сӑн

Кӑрлач уйӑхӗн 27-мӗшӗнче Куславкка хулинче пурӑнакан 70 ҫулти хӗрарӑмӑн хуҫалӑхӗнче пушар тухнӑ. Инкеклӗ лару-тӑру министерстви пӗлтернӗ тӑрӑх, ҫулӑм гаражри юсавсӑр электропралукран тухнӑ. Пушар хӑвӑрт сарӑлнӑ, ҫурт ҫине самантрах куҫнӑ.

Ҫӑлавҫӑсем «хӗрлӗ автанпа» пӗр сехет ытла кӗрешнӗ. Ҫулӑм пӳрте, гаража, шалта ларнӑ машинӑна тӗп тунӑ. 70-ти хӗрарӑмӑн мунчи кӑна тӑрса юлнӑ.

 

Пӑтӑрмахсем
chuvashia.sledcom.ru сӑнӳкерчӗкӗ
chuvashia.sledcom.ru сӑнӳкерчӗкӗ

Шупашкар хулинче пурӑнакан пӗр арҫын хӑйӗн пӗлӗшне хӗнесе вӗлернӗ. Пӑтӑрмах кӑрлач уйӑхӗн 25-мӗшӗнчи ҫӗрле пулса иртнӗ.

38 ҫулти арҫын патӗнче ҫав каҫ 28 ҫулти ҫамрӑк хӑнара пулнӑ. Ӳсӗр арҫын хӑнана хӗнеме тапранса кайнӑ. Вӑл ӑна пуҫӗнчен ҫапса пӗтернӗ. Йывӑр суранланса пӗтнӗ ҫамрӑк арҫын вырӑнтах вилсе кайнӑ.

28 ҫулти арҫын вилнӗ хыҫҫӑн тӗпчевҫӗсем РФ Пуҫиле кодексӗн 111-мӗш статйин 4-мӗш пайӗпе килӗшӳллӗн пуҫиле ӗҫ пуҫарнӑ. Хӗнекеннине тытса чарнӑ.

 

Пӑтӑрмахсем
"Чеб.ру" сайтри сӑн
"Чеб.ру" сайтри сӑн

Шупашкарти 10-мӗш шкулта вӗрентекен 46 ҫулти хӗрарӑм икӗ класа ҫунтарса яма тӑнӑ. Анчах ӗҫне вӗҫлемелле хуралҫӑ чӑрмантарнӑ. Ку хыпар паян тӗрлӗ телеграм-каналта сарӑлнӑ.

Ҫак хӗрарӑмах ашшӗ-амӑшӗн чатне Раҫҫей Хӗҫ-пӑшаллӑ вӑйӗсене дескридитаци тӑвакан видео янӑ. Видеона пӑхсан ҫакӑ паллӑ: хӗрарӑм ҫыхӑнуллӑ калаҫмасть, усал сӑмахсемпе пӗркелешет, ӑнланмалла мар сӑвӑсем вулать. Юлашкинчен Украинӑна мухтакан сӑмахсем калать.

Вӗрентекен тытса чарнӑ.

 

Страницӑсем: 1, 2, 3, 4, 5, 6, [7], 8, 9, 10, 11, 12, 13, 14, 15, 16, 17, ...365
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 03:00) уяр ҫанталӑк, атмосфера пусӑмӗ 751 - 753 мм, 0 - -2 градус сивӗ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑнана ӑсатма никам та тухмасть
хуҫин ҫитӗннӗ ачисем
хуҫа хӑй
хуҫа арӑмӗ
кил-йышри арҫын
хуть те кам тухсан та
ӑсатма тухни — ҫылӑх, юрамасть
хуҫа тарҫи
хӑни ҫулне ахаль те пӗлет, ӑсатмасӑр та
пӗтӗм кил-йышпа тухаҫҫӗ