Сайта кӗр | Регистраци | Сайта кӗрсен унпа туллин усӑ курма пулӗ
 +7.3 °C
Кӗрхи кун кӗлтеллӗ, ҫурхи кун ҫеҫкеллӗ.
[ваттисен сӑмахӗ]
 

Хыпарсен ҫыххи: Статистика

Статистика
realtagil.ru сайтри сӑн
realtagil.ru сайтри сӑн

Чӑвашстат пӗлтернӗ тӑрӑх, кӑҫалхи ҫу уйӑхӗнче республикӑри ӗҫлекен ҫын вӑтамран 39 пин те 999 тенкӗ шалу илнӗ. Пӗлтӗрхипе танлаштарсан, вӑтам ӗҫ укҫи 14,3 процент ӳснӗ. Ку инфляцирен 6,2 процент нумайрах. Ҫапла пӗлтерет ведомство.

Камсен шалӑвӗ пысӑкрах-ха? Финансистсем - 58 пин, страхлав агенчӗсем - 56 пин, ӑсчахсемпе айтишниксем 54 пин тенкӗ илеҫҫӗ.

Лесниксен, ҫӗвӗҫсен, сӗтел-пукан тӑвакансен шалӑвӗ - чи пӗчӗкки.

Хыпар ҫӑлкуҫӗ: cheb-mk-ru сайтри сӑн
 

Статистика
shlakov.net сайтри сӑн
shlakov.net сайтри сӑн

Кӑҫал 6 уйӑхра республикӑра 720 ҫын вӑйлах наркӑмӑшланнине палӑртнӑ. Вӗсенчен 325-шӗ эрех-сӑрапа минренӗ. 94 ҫын эрехпе наркӑмӑшланнине пула вилнӗ.

17 ҫула ҫитмен 34 ача спирт шӗвекӗ ӗҫсе хӑйне япӑх туйнӑ. 14 ҫула ҫитменнисен йышӗнче 14 яш-хӗр эрех ӗҫнине палӑртнӑ. Эрехпе ытларах Элӗк, Красноармейски, Патӑрьел, Канаш, Муркаш, Пӑрачкав, Шӑмӑршӑ районӗсенче, Шупашкарта, Улатӑрта наркӑмӑшланнӑ.

Кӑмпапа наркӑмӑшланнӑ тӗслӗхсем те пулнӑ. Унашкал 7 тӗслӗхе шута илнӗ.

Хыпар ҫӑлкуҫӗ: https://pg21.ru/news/80308
 

Статистика
ritual.ruсайтри сӑн
ritual.ruсайтри сӑн

Чӑваш Енре юлашки ҫулта ҫынсен вӑтам пурнӑҫ тӑршшӗ кӗскелнӗ. Ку "2021 ҫулта Чӑваш Республикинчи халӑх сывлӑхӗ пирки" докладран паллӑ.

2021 ҫулта арҫынсем вӑтамран 64,84 ҫул пурӑннӑ, хӗрарӑмсем -74,35 ҫул. Апла хӗрарӑмсем арҫынсенчен 10 ҫул ытларах пурӑнаҫҫӗ.

Докладра палӑртнӑ тӑрӑх, хулари ҫынсем чирлесси 11,3 процен ӳснӗ, ялтисен - 2 процент.

2021 ҫулта ҫынсем ытларах сывлав органӗсен чирӗсемпе аптӑрани, наркӑмӑшланни паллӑ. Виҫҫӗмӗш вырӑнта - кӑшӑлвирус инфекцийӗ.

 

Статистика
cap.ru сайтри сӑн
cap.ru сайтри сӑн

ЧР сывлӑх сыхлавӗн министрӗ Владимир Степанов пӗлтӗр мӗн чухлӗ ҫын вилни пирки доклад тунӑ.

Министр палӑртнӑ тӑрӑх, кӑшӑлвирус демографи лару-тӑрӑвне япӑх витӗм кӳнӗ. Пӗлтӗр, 2020 ҫулпа танлаштарсан, 1600 ҫын нумайрах вилнӗ. Ытларахӑшӗ – чӗрепе юн тымарӗсен чирӗсене, усал шыҫҫа пула.

Министр докладӗнче лайӑххине те асӑннӑ. Пӗлтӗр, ҫӗршывӗпе илес тӗк, пирӗн республикӑра тин ҫуралнӑ ачасем вилнин чи пӗчӗк кӑтартӑвӗ пулнӑ.

 

Статистика
buketleta.com сайтри сӑн
buketleta.com сайтри сӑн

Ҫу уйӑхӗн пуҫламӑшӗнче лавккасенче мӗн хакланнӑ? Мӗн йӳнелнӗ?

Чӑвашстат пӗлтернӗ тӑрах, хакӗ самай ӳснисен йышӗнче - пуҫлӑ сухан, шампунь тата чӗрчунсене ҫитермелли типӗ апат. Ытти таварӑн хакӗ 3 процентран ытларах хӑпарман.

Мӗн йӳнелнӗ? Хӑяр, ҫӑмарта, ача-пӑча подгузникӗ, арҫын нуски. Ҫавӑн пекех сӑнаса тӑракан чылай эмелӗн хакӗ чакнӑ. Шурӑ эрех 2,23 процент йӳнелнӗ

 

Статистика

Статистика кӑтартнӑ тӑрӑх, республикӑра вилекенсен йышӗ,ҫуралакансемпе танлаштарсан, нумайрах.

Пуш уйӑхӗнче 1630 ҫын вилнӗ. Пӗлтӗрхи ҫак уйӑхпа танлаштарсан, 6,7 процент нумайрах.

Пуш уйӑхӗнче 861 ача ҫуралнӑ. Пӗлтӗрхинчен 26,7 процент сахалрах.

Республикӑра пуш уйӑхӗнче 769 ҫын сахалланнӑ. Палӑртмалла: пӗлтӗр республикӑра 30496 ҫын вилнӗ. Кунашкалли 21-мӗш ӗмӗрте пулман. Ку - антирекорд.

 

Статистика

Чӑваш Енре вӑтам шалу виҫи ӳссех пырать. Ку Чӑвашстат хатӗрленӗ статистикӑран курӑнать.

Чӑваш Енре юлашки 12 уйӑхри вӑтам шалу 36 пин те 235 тенкӗпе танлашнӑ. Ку енӗпе пирӗн регион Мӑкшӑ тата Мари республикисенчен иртсе кайнӑ. Пенза тата Чӗмпӗр облаҫӗсене хӑваласа ҫитмелли нумай та юлман.

Сӑмах май, пӗлтӗр республикӑра вӑтам шалу 35,599,9 тенкӗпе танлашнӑ. Ҫулталӑкра вӑл 11,4 процент ӳснӗ.

 

Статистика
vashgorod.ru сайтри сӑн
vashgorod.ru сайтри сӑн

Юлашки вӑхӑтра ОРВИпе чирлекенсен йышӗ ӳснӗ. Ака уйӑхӗн 18-24 мӗшӗсенче республикӑра 3961 ҫын чирленине тупса палӑртнӑ. Пуш уйӑхӗн пуҫламӑшӗнченпе кун пек пысӑк кӑтарту пулман. Ун чухне 5345 ҫын чирленӗ. Ун хыҫҫӑн эрнесерен 3,8 пин ҫыннӑн ОРВИ пулнине тупса палӑртнӑ.

Статистика кӑтартнӑ тӑрӑх, Шупашкарта, Ҫӗнӗ Шупашкарта, Канашра, Шупашкар районӗнче, Ҫӗрпӳ районӗнче чирлекенсем ытларах. Шупашкарта чирлесси республикӑри вӑтам кӑтартуран 1,66 хут пысӑкрах, Канашра - 1,04 хут.

 

Статистика

Чӑваш Енре 3 ҫулта халӑх йышӗ 2,04 процент сахалланнӑ. Статистикӑна 2019-2021 ҫулсене кӗртнӗ.

Республикӑра вилекенсен йышӗ ҫуралакансен хисепӗ нумайрах пулнипе ҫак 3 ҫулта 20,38 пин ҫын чакнӑ. Тепӗр 4,42 пинӗшӗ - миграцие пула. Ҫапла пӗлтерет "Рейтинг" информаци агентстви.

2022 ҫулхи ака уйӑхӗн 1-мӗшӗ тӗлне Чӑваш Енри халӑх йышӗ 1 миллион та 998,4 пин ҫынпа танлашнӑ.

Раҫҫейӗпе илсен, юлашки 3 ҫулта халӑх йышӗ 1,22 миллион ҫын чакнӑ. Статистика кӑтартнӑ тӑрӑх, Орлов, Тамбов, Смоленск, Курган, Еврей автономи облаҫӗсенче халӑх йышӗ чи нумай чакнӑ.

 

Статистика
ШӖМ  архивӗнчи сӑн
ШӖМ архивӗнчи сӑн

Чӑваш Енре пӗлтӗр Тӑван ҫӗршывӑн 254 ветеранӗпе сусӑрӗ пурӑннӑ. Кӑҫал вара вӗсен йышӗ палӑрмаллах чакнӑ.

ЧР Ӗҫлев министерстви пӗлтернӗ тӑрӑх, пуш уйӑхӗн 1-мӗшӗ тӗлне республикӑра вӑрҫӑ вӑхӑтӗнчи 6,5 пин ҫын пурӑнать. Вӗсенчен 165-шӗ вӑрҫӑ ветеранӗпе сусӑрӗ, 5,6 пинӗшӗ – тыл ӗҫченӗ (905-шӗ вӑрҫа хутшӑннӑ салтакӑн тӑлӑх арӑмӗ), 1,6 пинӗшӗ - вилнӗ ветеранӑн тӑлӑх арӑмӗ, 6-шӗ – вӑрҫӑра вилнӗ салтак арӑмӗ, 37-шӗ – концлагере лекнӗ ҫул ҫитсен ачасем, 25-шӗ Ленинград блокадине тӳснӗ ҫынсем.

Ҫак категорие кӗрекен ҫынсене ҫулсерен соцтӳлев пама 250 миллион тенкӗ уйӑраҫҫӗ.

 

Страницӑсем: 1, 2, 3, 4, 5, [6], 7, 8, 9, 10, 11, 12, 13, 14, 15, 16, ...45
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 21:00) уяр ҫанталӑк, атмосфера пусӑмӗ 748 - 750 мм, 3 - 5 градус ӑшӑ пулӗ, ҫил 4-6 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа тарҫи
хӑнана ӑсатма никам та тухмасть
хуҫа хӑй
пӗтӗм кил-йышпа тухаҫҫӗ
ӑсатма тухни — ҫылӑх, юрамасть
хуҫин ҫитӗннӗ ачисем
кил-йышри арҫын
хуть те кам тухсан та
хуҫа арӑмӗ
хӑни ҫулне ахаль те пӗлет, ӑсатмасӑр та