Сайта кӗр | Регистраци | Сайта кӗрсен унпа туллин усӑ курма пулӗ
 +2.3 °C
Ҫурхи кун кӗр тӑрантарать.
[ваттисен сӑмахӗ]
 

Хыпарсен ҫыххи: Сывлӑх

Сывлӑх

Ҫӗртме уйӑхӗн 12-мӗшӗнче эпир Раҫҫей кунне уявлӑпӑр. Ҫав кун шӑматкуна лекнӗрен уншӑн тунтикун канӑпӑр. Анчах тухтӑрсем яланхиллех хӑйсен графикӗпе ӗҫлӗҫ.

Чӑваш Енӗн Сывлӑх сыхлав министерствинче палӑртнӑ тӑрӑх, ҫӗртмен 11-мӗшӗнче ӗҫ кунӗ 1 сехет кӗскерех пулӗ.

Стационарта тата амбулаторисенче васкавлӑ тухтӑр пулӑшӑвне ҫӗртмен 12 тата 13-мӗшӗсенче ирхи 8 сехетрен пуҫласа 14 сехетчен кӳрӗҫ. Тухтӑра киле чӗнсе илес тесен 13 сехетчен шӑнкӑравламалла.

Тунтикун пульницӑсем шӑматкунхи ӗҫ графикӗпе йышӑнӗҫ. Вӗсем 8 сехетрен пуҫласа 13 сехетчен ӗҫлӗҫ. Поликлиникӑри тухтӑра киле чӗнсе илес тесен 12-ччен шӑнкӑравламалла.

 

Сывлӑх
topnews.ru сайтри сӑн
topnews.ru сайтри сӑн

Ку таранччен республикӑра 26197 ҫын кӑшӑлвируспа чирленӗ. Вӗсенчен 23972-шӗ сывалнӑ. Ку 91,5 процентпа танлашать. Кун пирки федераци информаци центрӗ пӗлтерет.

Шел те, вилекенсем пур. Юлашки талӑкра 4 ҫын ҫак вируса пула пурнӑҫран уйрӑлнӑ. Ку таранччен кӑшӑлвирус пула 1458 ҫын вӑхӑтсӑр вилнӗ.

Юлашки тӑлӑкра 46 ҫын чирленине палӑртнӑ. 44 ҫын сывалнӑ. Паянхи кун тӗлне республикӑра стационарта тата килте амбулатори мелӗпе 767 ҫын кӑшӑлвирусран сипленет.

Аса илтерер: республикӑра ҫак вирусран прививка тӑваҫҫӗ.

Хыпар ҫӑлкуҫӗ: https://chuvash.org/news/a/newsa.html
 

Сывлӑх
sport-express.ru сайтри сӑн
sport-express.ru сайтри сӑн

Чӑваш Енре кӑшӑлвирусран ҫынсем ҫаплах вилеҫҫӗ-ха. Пирӗн республика Раҫҫейре ку енӗпе малти вырӑнсенчен пӗрне йышӑнать. Пӗтӗмпе 1443 ҫын ҫак амака пула вилнӗ. Юлашки талӑкра 3 ҫыннӑн чӗри тапма пӑрахнӑ.

Ку таранччен республикӑра 26013 ҫын чирленӗ. Вӗсенчен 23784-шӗ сывалнӑ. Юлашки талӑкра 47 ҫын чире парӑнтарнӑ. Инфекциленнисем 48 ҫын пулнӑ.

Хальхи вӑхӑтра стационарта тата килте амбулатори мелӗпе 786 пациент кӑшӑлвирусран сипленет.

 

Сывлӑх

Президент пепкелӗх центрӗнче ҫамрӑк мӑшӑрсем хӑйсен сывлӑхне тӗрӗслеттерме пултараҫҫӗ.

«Ҫамрӑк мӑшӑрсен сертификачӗн тӗллевӗ — сывлӑха вӑхӑтра ҫирӗплетсе телейлӗ ашшӗ-амӑшӗ пулса тӑма пулӑшасси. Ҫак программӑна пула ҫамрӑк мӑшӑрсем паха медицина пулӑшӑвне вӑхӑтра илеҫҫӗ», – палӑртнӑ Президент пепкелӗх центрӗн тӗп врачӗ Ольга Рябухина.

Пациентсене пысӑк квалификациллӗ акушер-гинекологсем, урологсем йышӑнаҫҫӗ. Тухтӑрсем патне кайиччен малтан ҫырӑнмалла.

Ҫумра ҫамрӑк мӑшӑрсен сертификачӗ (оригинал тата копи), паспорт, страхлакан полис, СНИЛС пулмалла. Сертификатпа мӑшӑрланнӑ хыҫҫӑн ҫулталӑк хушшинче усӑ курмалла.

 

Сывлӑх
Лондон
Лондон

ТАСС пӗлтернӗ тӑрӑх, Аслӑ Британи территорийӗнче юлашки талӑкра COVID-19-тан вилни пирки пӗр тӗслӗхе те регистрацилемен. Кӑшӑлвирус пандемийӗ пуҫланнӑ хыҫҫӑн ҫакӑ кун хушшинче пӗр пациент пурнӑҫӗ те татӑлман пӗрремӗш кун пулса тӑрать.

2020 ҫулхи раштавӑн 19-мӗшӗнче Аслӑ Британин Премьер-министрӗ Борис Джонсон кӑшӑлвирусӑн ҫӗнӗ мутацине тупса палӑртни пирки пӗлтернӗччӗ, вӑл малтанхи вариантран 70% вӑйлӑрах ерме пултарнӑ.

2021 ҫулхи кӑрлачӑн 7-мӗшӗнче Аслӑ Британире кӑшӑлвирус ернӗ 68 053 тӗслӗхе тупса палӑртнӑ, унсӑр пуҫне 1325 ҫын пурнӑҫӗ татӑлнӑ, ҫакӑ эпидеми пуҫланнӑранпа чи пысӑк кӑтарту пулнӑ. Кун хыҫҫӑн инфекцие ҫаклатнисемпе тата вилнисенсен шучӗ чакса пынӑ.

Хальхи вӑхӑтра Аслӑ Британире кӑшӑлвирусран сыхлакан вакцинӑн пӗрремӗш дозипе 39,5 млн яхӑн ҫын е ҫӗршыври ҫитӗнсе ҫитнӗ халӑхӑн 75% сипленнӗ, вакцинӑн икӗ дозипе вара — 25,7 млн ҫын е ҫитӗнсе ҫитнӗ халӑхӑн 48,9 проценчӗ.

Ҫӗртмен 21-мӗшӗнче Пӗрлешӳллӗ королевствӑра кӑшӑлвирус пандемине пула тунӑ пур чарусене те пӑрахӑҫлама палӑртнӑ.

Чӑваш Республикинче иртнӗ талӑкра кӑшӑлвируса ҫаклатнӑ 47 ҫынна тупса палӑртнӑ, 2 ҫын чире пула вилнӗ.

Малалла...

 

Сывлӑх

Чӑваш Енри виҫӗ интернатра кӑшӑлвируспа ҫыхӑннӑ чарӑва пӑрахӑҫлӗҫ.

Унта пурӑнакансенчен тата ӗҫлекенсенчен 75 процентне ытла ковидран прививка тунӑ, ҫавна май чарӑва пӑрахӑҫлама йышӑннӑ. Кунта сӑмах Вӑрнар районӗнчи Нурӑсри, Йӗпреҫ поселокӗнчи тата Патӑрьел районӗнчи Трухати интернатсем пирки сӑмах пырать.

Вӗсенче 1026 сусӑр пурӑнать, 400-е яхӑн ҫын ӗҫлет. Вӗсен 14 кунлӑ изоляцие пӑхӑнма тиветчӗ. Асӑннӑ интернатсенче ӗҫлекенсене малашне эрнесерен ҫӗнӗ кӑшӑлвирусран тӗрӗслесе тӑрӗҫ. Ҫавӑн пек тӗрӗслеве организмра G иммуноглобулин пуличченех ирттерӗҫ.

 

Сывлӑх
news.obozrevatel.com сайтри сӑн
news.obozrevatel.com сайтри сӑн

Паянхи кун тӗлне республикӑра стационарта тата килте амбулатори мелӗпе 796 пациент кӑшӑлвирусран сипленет. Ку таранччен 25730 ҫын ҫак амакпа чирленӗ. Вӗсенчен 23507-шӗ сывалнӑ. Ку 91,4 процентпа танлашать.

Юлашки талӑкра 3 ҫын вилнӗ. Пӗтӗмпе 1427 ҫын кӑшӑлвируса пула пурнӑҫран уйрӑлнӑ. Палӑртмалла: ку статистикӑна кӑшӑлвирусран вилнӗ ҫынсене ҫеҫ кӗртеҫҫӗ. Ҫак вируса пула чир аталанса пурнӑҫран уйрӑлнисем статистикӑна лекмеҫҫӗ.

Юлашки талӑкра 48 ҫын чирленӗ, 49 ҫын сывалнине палӑртнӑ.

 

Сывлӑх
 rusplt.ru сайтри сӑн
rusplt.ru сайтри сӑн

Паянхи кун тӗлне республикӑра стационарта тата килте амбулатори мелӗпе кӑшӑлвирусран 800 пациент сипленет. Юлашки талӑкра 48 ҫын чирленине палӑртнӑ. Сывалакансем 1 ҫын нумайрах пулнӑ.

Вилекенсем те пулнӑ. 2 ҫыннӑн пурнӑҫӗ каварлӑ вируса пула татӑлнӑ. Пандеми пуҫланнӑранпа республикӑра 25682 ҫын инфекциленнӗ. Вӗсенчен 23458-шӗ сывалнӑ.

Ку таранччен республикӑра 1424 ҫын кӑшӑлвируса пула вилнӗ. Ку чирленӗ ҫынсен 5,5 проценчӗпе танлашать.

 

Сывлӑх
politryk.ru сайтри сӑн
politryk.ru сайтри сӑн

Чӑваш Енре васкавлӑ медпулӑшу бригадисене видеорегистраторсемпе тивӗҫтерӗҫ. Ҫакна вӗсен хӑрушсӑрлӑхӗ тӗлӗшпе тӑваҫҫӗ. Ҫапла васкавлӑ медпулӑшу тухтӑресене онлайн-режимра сӑнмама та май пулӗ.

Республикӑри катастрофа медицинин тата васкавлӑ медпулӑшу центрне пӗтӗмпе 160 видеорегистратор парӗҫ. Вӗсем васкавлӑ медпулӑшу каретисене тата медицина бригадисене лекӗҫ.

ЧР Экономика министерстви ӑнлантарнӑ тӑрӑх, ҫапла пӗрремӗш медицина пулӑшӑвне парасси тата тухтӑрсен хӑрушсӑрлӑхӗ онлайн-режимра пулӗҫ.

Хыпар ҫӑлкуҫӗ: https://pg21.ru/news/72085
 

Сывлӑх
oreanda.ru сайтри сӑн
oreanda.ru сайтри сӑн

Паянхи кун тӗлне Чӑваш Енре 25585 ҫын кӑшӑлвируспа чирленӗ. Вӗсен 91,3 проценчӗ сывалнӑ. Ку 23358 ҫынпа танлашать.

Юлашки вӑхӑтра ку амакран кунне 1 ҫын вилетчӗ. Ӗнер тата паян вара 3 ҫыннӑн пурнӑҫӗ татӑлни пирки пӗлтернӗ. Паянхи кун тӗлне республикӑри 1419 ҫын чирлесе вилнӗ.

Юлашки талӑкра 49 ҫын инфекциленнӗ. Сывалакансем 45 ҫын пулнӑ. Хальхи вӑхӑтра стационарта тата килте амбулатори мелӗпе килте 807 ҫын кӑшӑлвирусран сипленет.

 

Страницӑсем: 1 ... 44, 45, 46, 47, 48, 49, 50, 51, 52, 53, [54], 55, 56, 57, 58, 59, 60, 61, 62, 63, 64, ...170
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 03:00) уяр ҫанталӑк, атмосфера пусӑмӗ 751 - 753 мм, 0 - -2 градус сивӗ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 28

1915
109
Дедушкин Николай Степанович, чӑваш критикӗ, литература тӗпчевҫи ҫуралнӑ.
1983
41
Шамбулина Алина Валерьевна, чӑваш тележурналисчӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑнана ӑсатма никам та тухмасть
хуҫин ҫитӗннӗ ачисем
хуҫа тарҫи
ӑсатма тухни — ҫылӑх, юрамасть
кил-йышри арҫын
пӗтӗм кил-йышпа тухаҫҫӗ
хуҫа арӑмӗ
хуть те кам тухсан та
хӑни ҫулне ахаль те пӗлет, ӑсатмасӑр та
хуҫа хӑй