Сайта кӗр | Регистраци | Сайта кӗрсен унпа туллин усӑ курма пулӗ
 +3.6 °C
Ӳркевлӗх ӳкерет, пите пӗҫертет; хастарлӑх хӑтарать, чапа кӑларать.
[ваттисен сӑмахӗ]
 

Хыпарсен ҫыххи: Сывлӑх

Сывлӑх
cap.ru сӑнӳкерчӗкӗ
cap.ru сӑнӳкерчӗкӗ

Етӗрне муниципаллӑ округӗнчи Вӑрманкас-Асламас ялӗнче фельдшерпа акушер пункчӗ уҫӑлнӑ. Ку - ял ҫыннисемшӗн пысӑк савӑнӑҫ.

Вӑрманкас-Асламас ялӗнче унччен ФАП пулнӑ. Ӑна иртнӗ ӗмӗрӗн 60-мӗш ҫулӗсенчех хута янӑ. Кивӗскер хальхи стандартсемпе килӗшсе тӑман. Ялта 200 ытла ҫын пурӑнать. Вӗсен йышӗнче ваттисемпе сусӑрсем пур. Район пульницине ҫитме инҫе - 30 ҫухрӑм.

Ҫӗнӗ ФАПа ҫуркунне тума пуҫланӑ. Ӗҫе темиҫе уйӑхра вӗҫленӗ. Таврари территорие хӑтлӑлатма ҫынсем те пулӑшнӑ. Ҫӗнӗ ФАПра пӗтӗм услови пур. Вӑл - Етӗрне муниципаллӑ округӗнчи 15-мӗш фельдшерпа акушер пункчӗ.

 

Сывлӑх
letsgophotos.ru сайтри сӑн
letsgophotos.ru сайтри сӑн

Кӑшӑлвируспа чирлекен нумайлансах пырать. Чӳкӗн 13-19-мӗшӗсенче республикӑра унпа 495 ҫын чирленӗ. Ун умӗнхи эрнере вара - 434 ҫын.

Иртнӗ эрнере 1 ҫын кӑшӑлвируса парӑнтараймасӑр пурнӑҫран уйрӑлнӑ. Ҫак тапхӑрта 52 ҫынна пульницӑна сипленме вырттарнӑ.

Раҫҫейӗпе илес пулсан та, кӑшӑлвируспа чирлекенсем нумайланнӑ. Иртнӗ эрнере ҫӗршывра 93 ҫын кӑшӑлвируса пула вилнине палӑртнӑ. Чӑваш Енре ку таранччен ҫак амак 4747 ҫыннӑн пурнӑҫне татнӑ.

 

Сывлӑх
cap.ru сӑнӳкерчӗкӗ
cap.ru сӑнӳкерчӗкӗ

Ӗнер ирхине Улатӑрти пульницӑна васкавлӑ медпулӑшупа 65 ҫулти арҫынна илсе ҫитернӗ. Унӑн каллех инфаркт пулнине палӑртнӑ.

Тухтӑрсем Шупашкарти специалистсемпе канашланӑ хыҫҫӑн пациента Республикӑри кардиологи диспансерне илсе кайма калаҫса татӑлнӑ. Кӑнтӑрла хыҫҫӑн арҫынна санавиаци вертолечӗпе Шупашкара ӑсатнӑ.

Палӑртмалла: кӑҫал санавиаци вертолечӗпе ытларах чӗре чирӗпе аптӑранӑ пациентсене илсе ҫӳренӗ.

 

Сывлӑх
cap.ru сайтри сӑн
cap.ru сайтри сӑн

Паян, чӳк уйӑхӗн 15-мӗшӗнче, Хӗрлӗ Чутай муниципаллӑ округӗнче пурӑнакан 70 ҫулти арҫынна санавиаци вертолечӗпе Шупашкара илсе ҫитернӗ.

Ӑна округри пульницӑна ӗнер каҫхине илсе ҫитернӗ. Вӑл кӑкӑр тӗлӗнчен ыратнине пӗлтернӗ. Ӑна кардиологсем, анестезиолог-реаниматологсем пӑхнӑ, сывлӑхӗ йывӑрланнине палӑртса пульницӑна вырттарнӑ.

Паян ирхине арҫыннӑн миокард инфаркчӗ пулнине палӑртнӑ. Ӑна часрах Шупашкара куҫарма йышӑннӑ. Санавиаци вертолечӗпе илсе кайнӑ чухне унӑн сывлӑхӗ йывӑрах пулман.

 

Сывлӑх
mirtesen.ru сайтри сӑн
mirtesen.ru сайтри сӑн

Чӑваш Енре юлашки эрнере 2 ҫын кӑшӑлвируса пула вилнӗ. Кун пирки объясняем.рф сайт пӗлтерет. Раҫҫейӗпе вара ку чире 76 ҫын парӑнтарайман.

Чӑваш Енре чӳкӗн 6-12-мӗшӗсенче 434 ҫын кӑшӑлвируспа чирленӗ. 42 ҫынна стационара илсе ҫитернӗ. Танлаштарма: чӳк пуҫламашӗнче 48 ҫын тухтӑрсем патне лекнӗ.

Палӑртмалла: пӗр эрнере икӗ пациент кӑшӑлвирусран вилни ҫӗртме уйӑхӗн пуҫламӑшӗнченпе пулман.

 

Сывлӑх
cap.ru сӑнӳкерчӗкӗ
cap.ru сӑнӳкерчӗкӗ

Етӗрне районӗнчи пӗр ялта арҫын иккӗмӗш хута хӑпармалли картлашкаран ӳкнӗ те пуҫне амантнӑ. Юн кӳлленчӗкӗнче выртаканскере тӑванӗсем асӑрханӑ та часрах васкавлӑ медпулӑшу чӗннӗ.

Арҫын тӑнпах пулнӑ, анчах юн нумай ҫухатнӑ, ҫавна май юн пусӑмӗ те анса ларнӑ. Кунсӑр пуҫне унӑн шок пулнӑ.

Тухтӑрсем юн циркуляцине йӗркене кӗртес тесе тӑрӑшнӑ, анчах венӑна шыраса тупайман. Ҫапла вӗсем шӑмӑ ӑшӗнчи инфузие тума шутланӑ. Пациент сывлӑхӗ кӑшт лайӑхлансан вӗсем ӑна пульницӑна тӗрӗс-тӗкел илсе ҫитернӗ.

 

Сывлӑх
cap.ru сӑнӳкерчӗкӗ
cap.ru сӑнӳкерчӗкӗ

Юпа уйӑхӗн 2-мӗшӗнче ирхине Пӑрачкаври пульницӑна 65 ҫулти хӗрарӑм пулӑшу ыйтма пынӑ. Вӑл кӑкӑрӗ тӗлӗнчен ыратнине туйнӑ.

Тухтӑрсем ӑна пӑхсан унӑн миокард инфаркчӗ пулнине палӑртнӑ. Сывлӑхӗ йывӑр пулнине кура ӑна реанимацие вырттарнӑ.

Хӗрарӑмӑн сывлӑхне йӗркене кӗртсен тухтӑрсем йышӑну тунӑ: пациента Республикӑри клиника пульницине илсе ҫитермелле. Ҫапла санавиаци вертолетне чӗнсе илнӗ. Шупашкарта хӗрарӑма операци тунӑ. Халӗ унӑн сывлӑхӗ йӗркеллех.

Хыпар ҫӑлкуҫӗ: https://pg21.ru/news/91025
 

Сывлӑх
cap.ru сайтри сӑн
cap.ru сайтри сӑн

Нумаях пулмасть Шупашкарти Васкавлӑ медпулӑшу пульницине хӑраса ӳкнӗ хӗрарӑм пынӑ. Вӑл йӗп ҫӑтса янӑ-мӗн.

Хайхискер ҫӗленӗ чухне йӗппе ҫӑвара хыпнӑ та ӑнсӑртран ҫӑтса янӑ. Унӑн хырӑмлӑхӗпе апат ҫулне эндоскопи тӗпчевӗ тунӑ. Анчах унта йӗп курӑнман. Вӑл пӗвер таранах ҫитме ӗлкӗрнӗ иккен.

Хӗрарӑма часрах операци тума йышӑннӑ. Йӗп пӗвере тӑрӑнса ларнӑ.

 

Сывлӑх

Пирӗн республикӑра ҫурла-авӑн уйӑхӗсенче кӑшӑлвирусран вилекен пулман. Утӑ уйӑхӗнче ку чире пӗр пациент парӑнтарайман. Юпа уйӑхӗнче вара 3 ҫын кӑшӑлвируса пура пурнӑҫран уйрӑлнӑ.

Иртнӗ эрнере 28 ҫынна пульницӑна вырттарнӑ. Унчченхи эрнере унашкаллисем 25 ҫын пулнӑ.

Иртнӗ эрнере 291 ҫын кӑшӑлвирусран сывалнӑ. Чирлекенсем вара 285-ӗн пулнӑ.

 

Сывлӑх
t.me/nikamran каналтан илнӗ сӑнӳкерчӗк
t.me/nikamran каналтан илнӗ сӑнӳкерчӗк

Улатӑр хулинче Мордва Республикинчи тухтӑр ӗҫлеме тытӑннӑ.

Асӑннӑ тӑрӑхри Наталия Панина педиатр ҫав ӗҫе ачасене юратнипе суйласа илнӗ. Халӗ Вӑл Улатӑрти васкавлӑ медицина пулӑшӑвӗн бригадинче ӗҫлет.

Ҫамрӑк хӗрарӑм ют региона «Земство тухтӑрӗ» патшалӑх программипе килӗшӳллӗн килнӗ май ӑна патшалӑх миллион тенкӗлӗх пулӑшу панӑ.

Хыпар ҫӑлкуҫӗ: https://t.me/nikamran/9550
 

Страницӑсем: 1, 2, 3, 4, [5], 6, 7, 8, 9, 10, 11, 12, 13, 14, 15, ...170
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (28.03.2024 15:00) уяр ҫанталӑк, атмосфера пусӑмӗ 751 - 753 мм, 5 - 7 градус ӑшӑ пулӗ, ҫил 4-6 м/ҫ хӑвӑртлӑхпа ҫурҫӗр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 28

1915
109
Дедушкин Николай Степанович, чӑваш критикӗ, литература тӗпчевҫи ҫуралнӑ.
1983
41
Шамбулина Алина Валерьевна, чӑваш тележурналисчӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫин ҫитӗннӗ ачисем
ӑсатма тухни — ҫылӑх, юрамасть
пӗтӗм кил-йышпа тухаҫҫӗ
хӑнана ӑсатма никам та тухмасть
хуҫа тарҫи
хуҫа арӑмӗ
кил-йышри арҫын
хуҫа хӑй
хуть те кам тухсан та
хӑни ҫулне ахаль те пӗлет, ӑсатмасӑр та