Сайта кӗр | Регистраци | Сайта кӗрсен унпа туллин усӑ курма пулӗ
 -0.7 °C
Пӗр паттӑрӑн ик алли тӑват ҫӗрӗн ҫапӑҫать теҫҫӗ.
[ваттисен сӑмахӗ]
 

Хыпарсен ҫыххи: Политика

Политика
 autopronews.ru сӑнӳкерчӗкӗ
autopronews.ru сӑнӳкерчӗкӗ

РФ Пашалӑх Думин спикерӗ Вячеслав Володин Патшалӑх Думин гаражӗ хамӑр ҫӗршывра туса кӑларнӑ автомобильсемпе пуянланни ҫинчен пӗлтернӗ. Депутатсем вӗсемпе Ҫӗнӗ ҫул хыҫҫӑн ҫӳреме тытӑнӗҫ.

«Патшалӑх Думин гаражне «Lada Vesta» машинӑсем килсе ҫитрӗҫ. Депутатсем вӗсемпе Ҫӗнӗ ҫул хыҫҫӑ ҫӳреме тытӑнӗҫ. Автопарк кивелсе пынӑҫемӗн ӑна хамӑр ҫӗршывра туса кӑларнисемпе ылмаштарса пырӑпӑр. Кунсӑр пуҫне суйлав округӗсенче кашни депутата хамӑр ҫӗршыври машинӑсене ҫирӗплетсе парӑпӑр», — тенӗ Володин.

Вӑл пӗлтернӗ тӑрӑх, депутатсене «Москвич», «Лада», «Аурус» маркӑллӑ машинӑсемпе тивӗҫтерӗҫ.

Хыпар ҫӑлкуҫӗ: https://t.me/bbbreaking/172624
 

Политика

Ӗнер Вӑрнар муниципалитет округӗн депутачӗсем муниципалитет пуҫлӑхне суйланӑ. Конкурса тӑватӑ кандидат хутшӑннӑ: Надежда Никандрова, Игорь Ехлаков, Алина Богатова тата Юрий Герасимов.

Конкурс комиссийӗ финала иккӗшне суйланӑ: Надежда Никандровӑна тата Алина Богатовӑна. Кайран сасӑлава пӗтӗмлетнӗ. Надежда Никандрова чи нумай сасӑ пухнӑ.

Надежда Валериановна Вӑрнар тӑрӑхӗнче ҫуралса ӳснӗ. 2016-2018 ҫулсенче ЧР ӗҫлев министрӗн ҫумӗ пулнӑ. 2022 ҫулхи ҫӗртмен 10-мӗшӗнчен пуҫласа паянхи кунччен – ЧР вӗренӳ министрӗн заместителӗ. Вӑл Вӑрнар муниципаллӑ округӗн пуҫлӑхӗн тивӗҫӗсене раштавӑн 29-мӗшӗнче пурнӑҫлама тытӑнӗ.

 

Политика
Максим Семенов архивӗнчи сӑн
Максим Семенов архивӗнчи сӑн

Паян Ҫӗнӗ Шупашкар хулин пуҫлӑхне те палӑртнӑ. Хула пухӑвӗн депутачӗсем ку должноҫе Максим Семенова суйланӑ. Вӑлах унччен вӑхӑтлӑха хула администрацийӗн пуҫлӑхӗн тивӗҫӗсене пурнӑҫланӑ. Унта вӑл паянхи кунччен ӗҫленӗ.

Максим Львович унччен,Пулатов хула администрацийӗн пуҫлӑхӗнче ларнӑ чухне, унӑн ҫумӗ пулнӑ.

Хыпар ҫӑлкуҫӗ: https://pg21.ru/news/92427
 

Политика

Паян Шупашкар хула пухӑвӗн депутачӗсем Шупашкар хулин пуҫлӑхне суйланӑ. Икӗ кандидат пулнӑ: унччен хула администрацийӗн ертӳҫи пулнӑ Денис Спирин тата хула администрацийӗн вӗренӳ управленийӗн ертӳҫи Алексей Лукшин. Депутатсем Спириншӑн 32 сасӑ панӑ, хирӗҫ виҫҫӗн сасӑланӑ. Хирӗҫҫисем - ЛДПР партирен.

Ҫапла Денис Спирин пиллӗк ҫуллӑха Шупашкар хулин пуҫлӑхӗ пулӗ.

Сасӑлава пӗтӗмлетсен вӑл присяга тытса должноҫе йышӑннӑ.

 

Политика
forum.na-svyazi.ru сӑнӳкерчӗкӗ
forum.na-svyazi.ru сӑнӳкерчӗкӗ

Чӑваш Ен Элтеперӗ Олег Николаев тӳре-шарана арестленине пӳрне касса янипе танлаштарнӑ. Кунта сӑмах республикӑн транспорт министрӗ Владимир Осипов тата Ҫӗнӗ Шупашкар хула администрацийӗн пуҫлӑхӗ Дмитрий Пулатов пирки пырать.

«Ыраттарать, анчах вӗлермест», — ҫапларах хак панӑ тӳре-шарапа ҫыхӑннӑ пӑтӑрмаха республика ертӳҫи. Олег Николаев шухӑшланӑ тӑрӑх, тахӑш самантра вӑл тимлӗхе ҫухатса тӳре-шарана шаннӑ.

Тӗпчевҫӗсем шухӑшланӑ тӑрӑх, Пулатов ӗҫ вырӑнӗпе ытлашши усӑ курнӑ, усламҫӑ ӗҫӗпе аппаланнӑ, Осипов ӗҫ вырӑнӗпе хӑйӗншӗн усӑ курнӑ, тӳлес ӗҫре йӗркене пӑснӑ.

 

Политика
cap.ru сайтри сӑн
cap.ru сайтри сӑн

Шупашкар хула администрацийӗн пуҫлӑхне хӑҫан суйлӗҫ? Аса илтерер: депутатсем тӑватӑ кандидатран иккӗшне – Денис Спирина тата Алексей Лукшина – суйланӑ ӗнтӗ. Вӗсенчен хӑшӗ пуҫлӑх пуканне йышӑнӗ? Суйлава раштав уйӑхӗн 26-мӗшӗ ҫине куҫарнӑ. Сасӑлавӑн вара раштавӑн 19-мӗшӗнчех пулмалла пулнӑ.

Лару 14 сехетре пуҫланӗ. Унта депутатсем пӗр ыйтӑва кӑна пӑхса тухӗҫ: Шупашкар пуҫлӑхне суйлассине.

Палӑртса хӑварар: конкурса тӑватӑ ҫын хутшӑннӑ.

 

Политика
"Чеб.ру" сайтри сӑн
"Чеб.ру" сайтри сӑн

Паян Шупашкар хулин пуҫлӑхне суйлас ыйтупа конкурс комиссийӗн ларӑвӗ иртнӗ. Кандидатсем тӑваттӑн пулнӑ: хула пуҫлӑхӗн тивӗҫӗсене пурнӑҫлакан Денис Спирин, Шупашкар хула администрацийӗн вӗренӳ управленийӗн ертӳҫи Алексей Лукшин, Шупашкаор хулин ҫурт-йӗр фончӗн пуҫлӑхӗ Андрей Шестаков, «ЭДО» тулли мар яваплӑ общество директорӗн ҫумӗ Николай Голубцов.

Ларура икӗ кандидата суйланӑ: Алексей Лукшин тата Денис Спирин. Ыран Шупашкар хула пухӑвӗн депутачӗсем уҫӑ сасӑлавра икӗ кандидатран пӗрне суйлӗҫ.

 

Политика

ЧР Элтеперӗ Олег Николаев раштав уйӑхӗн 26-мӗшӗнче тӳрӗ эфир ирттерессине пӗлтернӗччӗ. Ӗнер Олег Алексеевич ӑна урӑх куна куҫарассине каланӑ. Тӳрӗ эфир раштав уйӑхӗн 22-мӗшӗнче пулӗ.

Ӑна «Раҫҫей 24» телеканалпа, «Контактра» халӑх тетелӗнчи «Чӑваш Республики» ушкӑнра итлеме пулать. Эфир 17 сехет ҫурӑра пуҫланӗ.

Аса илтерер: ыйтусене Патшалӑх пулӑшӑвӗсен порталӗ урлӑ е халӑх тетелӗнче пост айне ҫырса яма пулать. Тӳрӗ эфир вӑхӑтӗнче телефон та ӗҫлӗ.

Хыпар ҫӑлкуҫӗ: https://pg21.ru/news/92113
 

Политика
cap.ru сайтри сӑн
cap.ru сайтри сӑн

Канашра хула пуҫлӑхне суйланӑ. Ку пукана Виталий Михайлов йышӑннӑ. Вӑл ку тивӗҫӗ ӗнертенпе, раштавӑн 12-мӗшӗнченпе, пурнӑҫлать.

Виталий Михайлов – 47 ҫулта. Вӑл 2017 ҫулхи раштав уйӑхӗнченпе Канаш хулин администрацине ертсе пынӑ.

Сӑмах май, кӗҫех Шупашкар тата Ҫӗнӗ Шупашкар пуҫлӑхӗсене суйлӗҫ. Шупашкарта конкурс – раштавӑн 18-мӗшӗнче, Ҫӗнӗ Шупашкарта раштавӑн 26-мӗшӗнче иртӗ.

 

Политика
cap.ru сайтри сӑн
cap.ru сайтри сӑн

ЧР Элтеперӗ Олег Николаев каллех «тӳрӗ лини» ирттерессине пӗлтернӗ. Хальхинче вӑл Ҫӗнӗ ҫул умӗн, раштав уйӑхӗн 26-мӗшӗнче, иртӗ, 17 сехет ҫурӑра пуҫланӗ.

Эфира «Контактра» халӑх тетелӗнчи Олег Николаевӑн страницинче, «Чӑваш Республики» сообществӑра курма май пулӗ. Ыйтусене маларах Элтеперӗн телеграм-каналне яма, Патшалӑх пулӑшӑвӗсен порталӗ урлӑ регистрацилеме май пур. «Тӳрӗ эфир» вӑхӑтӗнче телефон ӗҫлӗ: 8 (8352) 565-100.

Олег Алексеевич «тӳрӗ линире» ҫулталӑка пӗтӗмлетме, ҫивӗч ыйтусене, республика аталанӑвӗн планне сӳтсе явма шантарнӑ.

 

Страницӑсем: 1, 2, [3], 4, 5, 6, 7, 8, 9, 10, 11, 12, 13, ...159
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 03:00) уяр ҫанталӑк, атмосфера пусӑмӗ 751 - 753 мм, 0 - -2 градус сивӗ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑнана ӑсатма никам та тухмасть
хуҫин ҫитӗннӗ ачисем
пӗтӗм кил-йышпа тухаҫҫӗ
хуҫа арӑмӗ
хуть те кам тухсан та
хӑни ҫулне ахаль те пӗлет, ӑсатмасӑр та
кил-йышри арҫын
ӑсатма тухни — ҫылӑх, юрамасть
хуҫа хӑй
хуҫа тарҫи