Сайта кӗр | Регистраци | Сайта кӗрсен унпа туллин усӑ курма пулӗ
 +4.3 °C
Инҫе хурсан, илме ҫывӑх.
[ваттисен сӑмахӗ]
 

Хыпарсен ҫыххи: Вӗренӳ

Вӗренӳ
"На связи" сайтри сӑн
"На связи" сайтри сӑн

Пӗлтӗр юпа уйӑхӗнче ЧР Элтеперӗ Олег Николаев Сӗнтӗрвӑрриничи вӑрман техникумне ҫӗнӗрен хута ярасси пирки каланӑччӗ. Халӗ вара тӳре-шара шухӑшӗ улшӑннӑ. Техникум пулмӗ.

Олег Алексеевич депутатсен ыйтӑвӗсене хуравланӑ. Вӑл каланӑ тӑрӑх, Сӗнтӗрвӑрринче технологи техникумӗ пур, кӑҫал вӑл «Вӑрман тата вӑрманпа парк хуҫалӑхӗ» специальноҫпе лицензи илме хатӗрленет. Ҫитес ҫул вара «Пушар хӑрушсӑрлӑхӗ» тата «Ҫӗр ӗҫӗ» специальноҫсемпе лицензи илесшӗн.

Хыпар ҫӑлкуҫӗ: https://forum.na-svyazi.ru
 

Вӗренӳ
"На связи" форумри сӑн
"На связи" форумри сӑн

Шупашкарти «Университет» микрорайонти шкул<h2></h2>а 2022 ҫулхи ҫулла тума тытӑннӑ. Ун чухне ӑна 2024 ҫулхи утӑ уйӑхӗнче туса пӗтерме палӑртнӑ. Ҫулталӑкран влаҫ шкула 2024 ҫул вӗҫнелле кӑна хута ярассине каланӑ.

Анчах Министрсен Кабинечӗн пӗлтӗрхи ӗҫсен кӑтартӑвӗн отчетӗнче ҫак шкула кӑҫал утӑ уйӑхӗнче туса пӗтерессине палӑртнӑ. Эппин, кӑҫал авӑнӑн 1-мӗшӗнче шкул хӑйӗн алӑкне уҫмалла.

 

Вӗренӳ
"Контактри" сӑн
"Контактри" сӑн

Чӑваш Енре пӗр йӑхӑн педагогика стажӗ 800 ҫултан иртнӗ. ЧР Вӗренӳ министерстви пӗлтернӗ тӑрӑх, Титовсен-Андреевсен-Лазаревсен-Жуковсен ӗҫ династийӗ 1903 ҫулта пуҫланнӑ.

Ҫемьери ӗҫ династине Шупашкарти 5-мӗш гимнази директорӗн воспитани енӗпе ӗҫлекен канашҫи Ленина Жукова тӗпченӗ. Истори Гермоген Титовран пуҫланнӑ, вӑл ялсенче пуҫламӑш классене вӗрентнӗ. Ленинӑн ашшӗ-амӑшӗ, пӗртӑванӗсем, тӑванӗн ачисем те педагогикӑра ӗҫленӗ. Нумаях пулмасть мӑнукӗ вӗрентекен пулма йышӑннӑ.

Хыпар ҫӑлкуҫӗ: https://t.me/minobr21
 

Вӗренӳ
t.me/nikamran канала вырнаҫтарнӑ сӑнӳкерчӗк
t.me/nikamran канала вырнаҫтарнӑ сӑнӳкерчӗк

Шупашкарта чи лайӑх класс ертӳҫине суйланӑ. Телеграмри «Пуринчен малтан. Ҫывӑрса юлмасан» каналта пӗлтернӗ тӑрӑх, ӑмӑртӑва 20 педагог хутшӑннӑ.

«Вӗсем ачасемпе класс сехечӗ ирттернӗ. Унсӑр пуҫне ашшӗ-амӑшӗпе ачасен хутшӑнӑвӗсенче класс ертӳҫи епле вырӑн йышӑннине палӑртакан лекци йӗркеленӗ», — хыпарланӑ маларах эпир асӑннӑ ҫӑлкуҫра.

Пӗрремӗш вырӑна Шупашкарти 59-мӗш шкулта тӑрӑшакан Андрей Гарифуллин тухнӑ, иккӗмӗшӗнче — 45-мӗш шкулти Любовь Салмина, виҫҫӗмӗшӗнче — 43-мӗш шкулти Алёна Львова. Хулари 27-мӗш шкулта тӑрӑшакан Светлана Михайловӑна тата 2-мӗш гимназири Ольга Ярукинӑна лауреат ят панӑ.

Хыпар ҫӑлкуҫӗ: https://t.me/nikamran/10863
 

Вӗренӳ
"Чеб.ру" сайтри сӑн
"Чеб.ру" сайтри сӑн

Шупашкарти «Садовый» микрорайонти шкул хӑҫан уҫӑлӗ? Прокуратура шкулӑн 99 проценчӗ хатӗр пулнине палӑртнӑ.

Ӑна хӑҫан хута ярасси паллӑ мар-ха, кирлӗ документсене хатӗрлеҫҫӗ, вӗренӳ пӳлӗмӗсене йӗркене кӗртеҫҫӗ, программӑсем вырнаҫтараҫҫӗ.

Аса илтерер: шкулта 1650 ача валли вырӑн пулӗ. Ӑна 2020 ҫулхи ҫурла уйӑхӗнче тума тытӑннӑ. Унтанпа виҫӗ подрядчик улшӑннӑ. Юлашки – «Чӑваш Енри ипотека корпорацийӗ».

 

Вӗренӳ
oktregion.ru сайтри сӑн
oktregion.ru сайтри сӑн

Куславкка муниципаллӑ округӗнчи Энтри Пасар шкулӗнчи ачасене илсе ҫӳрекен автобусӑн ОСАГО полисӗн срокӗ тухнӑ, вӑл вара ҫаплах ачасене турттарнӑ. Прокуратура «сӑмса чиксен» кӑна ҫӗнӗ документ тунӑ.

Тӗрӗслев хыҫҫӑн прокуратура шкул директорӗ тӗлӗшпе представлени ҫырнӑ. Шкул ертӳлӗхӗ тӗлӗшпе ачасене кашни кун ОСАГО полисӗсӗр илсе ҫӳренӗшӗн административлӑ ӗҫсем пуҫарнӑ. Кун хыҫҫӑн автобус валли ҫӗнӗ ОСАГО хатӗрленӗ.

 

Вӗренӳ
smartik.ru сайтри сӑн
smartik.ru сайтри сӑн

Паян Шупашкар муниципаллӑ округӗнчи шкулсене ҫӳрекен ачасем дистанци мелӗпе вӗренӗҫ. Шкул автобусӗсем ҫула тухмӗҫ. Ку йышӑнӑва ҫанталӑк условийӗсем лайӑхланиччен тунӑ.

Ача шкула кайӗ-и е ҫук-и - ашшӗ-амӑшӗ йышӑну тӑвӗ. Пурпӗрех шкула пынӑ ачасем валли вӗренӳ занятийӗсем иртӗҫ.

Сӑмах май, Шупашкарта сивӗ ҫанталӑка пула кӗҫӗн класс ачисем килтен вӗренӗҫ.

Хыпар ҫӑлкуҫӗ: https://vk.com/wall-79481873_12823
 

Вӗренӳ
forum.na-svyazi.ru сайтри сӑн
forum.na-svyazi.ru сайтри сӑн

Шупашкарти 46-мӗш гимназире вӗренекенсем икӗ эрне карантинра пулнӑ. Ачасем шкула таврӑннӑ-ха, анчах пӳлӗмсенче, спортзалта, коридорта сивӗ. Ашшӗ-амӑшӗ «Ҫыхӑнура» портала ҫӑхав ҫырса янӑ.

Мӗншӗн сивӗ? Ашшӗ-амӑшӗ директор патне пырса та калаҫнӑ. Анчах ыйту татӑлман. Хӑш-пӗр пӳлӗмре сывлӑш температури 12-16 градус кӑна ӑшӑ, коридорта - 12, спортзалта 10 градус ӑшӑ.

 

Вӗренӳ
cap.ru сайтри сӑн
cap.ru сайтри сӑн

Инновацисене пурнӑҫа кӗртме пулӑшакан фонд «Умник» грант конкурсне пӗтӗмлетнӗ. Ҫӗнтерӳҫӗсен йышне виҫӗ ҫамрӑк ӑсчах кӗнӗ. Вӗсем хӑйсен проектне пурнӑҫлама 500-шер пин тенкӗ илӗҫ.

Ҫӗнтерӳҫӗсен йышӗнче – Любовь Юманова, Федор Хлебников тата Ефим Воробьев. Вӗсем И.Н.Ульянов ячӗллӗ ЧПУра, Шупашкарти политехника институтӗнче вӗренеҫҫӗ.

Сӑмах май, унччен Федор Хлебников тата Ефим Воробьев ҫак фондӑн «Студентсен стартапӗ» гранта тивӗҫнӗ. Вӗсем 2022 ҫулта тепӗр ҫамрӑк ӑсчахпа пӗрле проекта аталантарма 1 миллион тенке тивӗҫнӗ.

 

Вӗренӳ

Патӑрьел муниципаллӑ оркугӗнчи Ишлӗ ялӗнче ача пахчинчен пуҫламӑш шкул туса хурасшӑн. Ҫавна май аукцион ирттернӗ.

Документацире палӑртнӑ тӑрӑх, ача пахчинчен тунӑ пуҫламӑш шкулта шкул умӗнхи ушкӑн тата спортзал пулмалла. Контракт – 118,3 миллион тенкӗлӗх. Аукционра Патӑрьел тӑрӑхӗнчи «Булат» фирма ҫӗнтернӗ.

Подрядчикӑн пуҫламӑш шкула кӑҫалхи ҫурла уйӑхӗн 31-мӗшӗччен туса пӗтермелле.

 

Страницӑсем: 1, [2], 3, 4, 5, 6, 7, 8, 9, 10, 11, 12, ...128
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (28.03.2024 21:00) уяр ҫанталӑк, атмосфера пусӑмӗ 752 - 754 мм, 1 - 3 градус ӑшӑ пулӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 28

1915
109
Дедушкин Николай Степанович, чӑваш критикӗ, литература тӗпчевҫи ҫуралнӑ.
1983
41
Шамбулина Алина Валерьевна, чӑваш тележурналисчӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
кил-йышри арҫын
хуть те кам тухсан та
хуҫин ҫитӗннӗ ачисем
хуҫа тарҫи
хуҫа арӑмӗ
хуҫа хӑй
хӑни ҫулне ахаль те пӗлет, ӑсатмасӑр та
хӑнана ӑсатма никам та тухмасть
пӗтӗм кил-йышпа тухаҫҫӗ
ӑсатма тухни — ҫылӑх, юрамасть