Сайта кӗр | Регистраци | Сайта кӗрсен унпа туллин усӑ курма пулӗ
 -0.7 °C
Ватӑ ҫерҫие хывӑхпа улталаймӑн.
[ваттисен сӑмахӗ]
 

Хыпарсен ҫыххи: Политика

Политика
cap.ru порталтан илнӗ скриншот
cap.ru порталтан илнӗ скриншот

Чӑваш Енӗн Сывлӑх сыхлав министерствинче кадр улшӑнӑвӗ пулса иртнӗ. Ӗнертенпе унта министр заместителӗ пулса Резеда Хуснетдинова ӗҫлеме тытӑннӑ. Резеда Минулловнӑна министерствӑри яваплӑ вырӑна шанса парасси ҫинчен калакан йышӑнӑва республика ертӳҫи Олег Николаев алӑ пуснӑ.

Владимир Степанов министрӑн паянхи куна илсен виҫӗ заместитель. Владимир Гладнев пӗрремӗш ҫум шутланать, Резеда Хуснетдинова тата Сергей Тоцкий — заместительсем.

 

Политика
Олег Николаев архивӗнчи сӑн
Олег Николаев архивӗнчи сӑн

РИА Новости пӗлтернӗ тӑрӑх, ЧР Пуҫлӑхӗ Олег Николаев текех айфонпа усӑ курмасть. Унӑн халӗ Раҫҫей туса кӑларнӑ Ayya смартфон-мӗн.

Агентство хыпарланӑ тӑрӑх, ҫак кунсенче Правительство ҫуртӗнче ӗҫлекенсем Олег Алексеевичӑн аллинче айфон мар, смартфон пулнине асӑрханӑ.

Сӑмах май, ҫулталӑк каялла Элтепер Инстаграмри (Раҫҫейре ӑна экстремистла сайт тесе йышӑннӑ) страницине те хупнӑ.

 

Политика
cap.ru сӑнӳкерчӗкӗ
cap.ru сӑнӳкерчӗкӗ

Чӑваш Ен Элтеперӗ Олег Николаев ӗҫе тивӗҫлипе пурнӑҫламан муниципалитетсен ертӳҫисене ӗҫрен кӑларса яма пултарӗ. Ку вӑл сити-менеджерсене (тепӗр майлӑ каласан, Депутатсен пухӑвӗсен председателӗсене — вӗсем муниципалитет округӗсен пуҫлӑхӗсем шутланаҫҫӗ) тата муниципалитет округӗсен администрацийӗсен пуҫлӑхӗсене пырса тивет.

Ятарлӑ хушӑва Олег Николаев ӗнер алӑ пуснӑ. Тивӗҫне йӗркеллӗ пурнӑҫламан ҫынна малтан асӑрхаттарӗҫ е выговор парӗҫ. Пӗр уйӑхра вӑл юсанмасан ӑна Элтепер ӗҫрен кӑларма пултарӗ.

 

Политика
Олег Николаевӑн Телеграм-каналӗнчи сӑн
Олег Николаевӑн Телеграм-каналӗнчи сӑн

ЧР Элтеперӗ Олег Николаев каллех тӳрӗ эфир ирттерет. Ӑна "Контактра" халӑх тетелӗнче "Чувашская Республика", "Олег Николаев/Чувашия" ушкӑнсенче курма пулать.

Тӳрӗ лини пуш уйӑхӗн 31-мӗшӗнче 11 сехетре пуҫланать. Ыйтусене ятарлӑ форма тултарса яма май пур. Е тӳрӗ эфир пынӑ чухне комментари хӑварма пулать. Эфирта шӑнкӑравсене те йышӑнаҫҫӗ: 56-51-00.

Хыпар ҫӑлкуҫӗ: https://t.me/oanikolaev
 

Политика
Федор Степанов - сылтӑмра
Федор Степанов - сылтӑмра

"Тӗрӗслӗхшӗн Раҫҫей" политика партийӗн Шупашкарти уйрӑмӗн председателӗн тивӗҫӗсене пурнӑҫлама урӑх ҫынна шаннӑ. Ку пукана Федор Степанов йышӑннӑ. Ҫак хыпара Анатолий Аксаков хӑйӗн Телеграм-каналӗнче пӗлтернӗ.

Федор Степанов 1989 ҫулта Шупашкарта ҫуралнӑ, И.Н.Ульянов ячӗллӗ ЧПУн юридици факультетӗнче вӗреннӗ. Вӑл Шупашкар-Чӑваш Ен епархийӗнче администраци ыйтӑвӗсене тата пама пулӑшнӑ, кайран "Воскресение" ыркӑмӑллӑх фондне ертсе пынӑ.

 

Политика
ideputat.er.ru сайтран илнӗ скриншот
ideputat.er.ru сайтран илнӗ скриншот

Чӑваш Енӗн Патшалӑх ветеринари службине 3 ҫул ертсе пынӑ хыҫҫӑн Константин Викторов ӗҫрен хӑйӗн ирӗкӗпе кайнине Чӑваш халӑх сайчӗ пӗлтернӗччӗ-ха.

Паян ку должноҫе Александр Шакин йышӑннӑ. Чӑваш Ен Элтеперӗ Олег Николаев алӑ пуснӑ хушӑва республикӑн влаҫ органӗсен официаллӑ порталӗнче паян вырнаҫтарнӑ.

Патшалӑх ветеринари службинчи хыпар тӑрӑх хакласан, Александр Шакинӑн икӗ заместитель: Николай Харитонов тата Дмитрий Моисеев. Ҫак йӗркесен авторӗ ӑнланнӑ тӑрӑх, Александр Шакин унччен Тӑвай районӗнче ӗҫленӗ.

 

Политика
gshum.cap.ru страницӑран илнӗ сӑнӳкерчӗк
gshum.cap.ru страницӑран илнӗ сӑнӳкерчӗк

Пуш уйӑхӗн 15-мӗшӗнче Ҫӗмӗрле хулин администрацине Эдуард Васильев ертсе пыма тытӑннӑ. Эдуард Михайлович кун пирки халӑх тетелӗнчи хӑйӗн страницинче пӗлтернӗ.

Эдуард Васильев 1980 ҫулта Муркаш районӗнчи Купӑрля ялӗнче ҫуралнӑ. Ӗҫ биографине вӑл уголовлӑ исполнительнӑй тытӑмра пуҫӑннӑ, уйрӑм ҫыннӑн хурал предприятийӗнче те, суту-илӳ сферинче те тӑрӑшнӑ.

2011 ҫулта Эдурад Васильев Мускаври управлени институтӗнчен вӗренсе тухнӑ, унта «Патшалӑх тата муниципалитет управленийӗ» специальноҫа алла илнӗ.

2016-2017 ҫулсенче Ҫӗнӗ Шупашкар хулин администрацийӗнче общественноҫпа ҫыхӑну тытакан спецалистра ӗҫленӗ, 2018 ҫултанпа Чӑваш Енӗн ӗҫ тӑвакан тата муниципалитет органӗсенче тӗрлӗ должноҫре тӑрӑшнӑ.

Хыпар ҫӑлкуҫӗ: https://vk.com/wall73899057_160
 

Политика
cap.ru страницӑран илнӗ скриншот
cap.ru страницӑран илнӗ скриншот

Чӑваш Енӗн влаҫ органӗсен официаллӑ прорталӗнче республикӑри управлени кадрӗсен резервне ҫирӗплетни ҫинчен калакан йышӑнӑва вырнаҫтарнӑ.

Унта республикӑн ӗҫ тӑвакан влаҫ органӗсене ертсе пыма, муниципалитет районӗсемпе хула округӗсен ертӳҫисем пулма тата республикӑн влаҫ органӗсене пӑхӑнса тӑракан ведомство учрежеднийӗсен тилхепине тытса пыма тивӗҫ кандидатурӑсене ҫирӗплетнӗ.

Республикӑн влаҫ органӗсене ертсе пымалли резерва тивӗҫлӗ канури Сергей Гордеев ҫар пенсионерӗпе вӑхӑтлӑх ниҫта та ӗҫлемен Андрей Семёнов та пур.

 

Политика
Канаш муниципаллӑ округӗ тунӑ сӑн
Канаш муниципаллӑ округӗ тунӑ сӑн

Канаш муниципаллӑ округӗнче паян ирхине тӳре-шарасен ларӑвӗ иртнӗ. Вӗсем ку тӑрӑхри лару-тӑрӑва сӳтсе явнӑ. Чи пӗлтерӗшлӗ ыйтусен шутӗнче ҫуркунне ҫывхарнӑ май ейӳ тухасси пулнӑ. Муниципаллӑ округӑн пуҫлӑхӗ Сергей Михайлов ҫавна май пӗвесемпе тӗрлӗ каналсене тӗрӗслесе тухма хушнӑ.

Ларура ытти ыйтусене те сӳтсе явнӑ. Тӗслӗхрен, Канаш тӑрӑхӗнче иртнӗ эрнере ӗҫсӗррисен йышӗ ӳсни пирки чарӑнса тӑнӑ. Ку тӗлӗшӗпе ӗҫпе тивӗҫтерекен центра уйрӑмах Чакаҫ, Асхва, Шӑхасан, Энтрияль территори пайӗсенчен нумай килнӗ.

Шӑхасан территори пайӗн начальникӗ Дмитрий Руссков регион шайӗнчи ҫулсем япӑх пулни пирки, ку ыйтӑва тӗрӗслесех тӑни пирки чарӑнса тӑнӑ. Ялсене ҫыхӑнтаракан ҫулсем те йӗркеллех мар.

Ларӑва вӗҫленӗ май Сергей Михайлов ҫапла каланӑ: «Хисеплӗ коллегӑсем, ҫуркунне календарьпе кӑна мар ҫитрӗ, ҫанталӑк та ӑшӑта пуҫларӗ. Ҫавна май гидротехника сооруженийӗсем ейӗве хатӗррине лайӑх тӗрӗслемелле, лару-тӑру инкеке ҫаврӑнмалла мар, пӗтӗмпех йӗркеллӗ ирттӗр».

 

Политика
t.me/nikamran каналтан илнӗ сӑнӳкерчӗк
t.me/nikamran каналтан илнӗ сӑнӳкерчӗк

Чӑваш Енӗн финанс министрӗн ҫӗнӗ заместитель. Ку должноҫре Марина Загребаева ӗҫлеме тытӑннӑ.

Марина Загребаева 2004-2005 ҫулсенче ҫав должноҫре тӑрӑшнӑ-ха. Ун хыҫҫӑн вӑл Куславкка районӗн администрацийӗнче, Финанс министерствинче ӗҫленӗ.

2016-2022 ҫулсенче ял хуҫалӑх министрӗн ҫумӗ пулса тимленӗ. Халӗ ҫав хӗрарӑм каллех республикӑн Финанс министерствинче тимлеме тытӑннӑ.

Хыпар ҫӑлкуҫӗ: https://t.me/nikamran/5440
 

Страницӑсем: 1 ... 3, 4, 5, 6, 7, 8, 9, 10, 11, 12, [13], 14, 15, 16, 17, 18, 19, 20, 21, 22, 23, ...159
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 03:00) уяр ҫанталӑк, атмосфера пусӑмӗ 751 - 753 мм, 0 - -2 градус сивӗ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа тарҫи
хӑнана ӑсатма никам та тухмасть
кил-йышри арҫын
пӗтӗм кил-йышпа тухаҫҫӗ
ӑсатма тухни — ҫылӑх, юрамасть
хуть те кам тухсан та
хуҫа хӑй
хӑни ҫулне ахаль те пӗлет, ӑсатмасӑр та
хуҫа арӑмӗ
хуҫин ҫитӗннӗ ачисем