Сайта кӗр | Регистраци | Сайта кӗрсен унпа туллин усӑ курма пулӗ
 +2.3 °C
Тиркекене тирӗк тӗпӗ лекет.
[ваттисен сӑмахӗ]
 

Хыпарсен ҫыххи: Республикӑра

Республикӑра
cap.ru сайтри сӑн
cap.ru сайтри сӑн

Паян, раштавӑн 15-мӗшӗнче республика шайӗнче иртнӗ «Ҫулталӑк ҫемйи» конкурса пӗтӗмлетнӗ. Чи лайӑх ҫемьесене ЧР Элтеперӗ Олег Николаев чысланӑ.

Кӑҫал «Ҫулталӑк ҫемйи» конкурсра Ҫӗмӗрлере пурӑнакан Зайцевсем тивӗҫнӗ. Вӗсен 4 ача ҫитӗнет. Алексей Михайловичпа Татьяна Сергеевна 20 ҫул пӗрле пурӑнаҫҫӗ. Ачисем маттур: шахматпа кӑсӑкланаҫҫӗ, ӑс-тӑн олимпиадисене хутшӑнаҫҫӗ, спорта юратаҫҫӗ, кӗнеке вулаҫҫӗ…

Зайцевсем ҫитес ҫул Чӑваш Ен чысне Раҫҫей шайӗнчи «Ҫулатлак ҫемйи» конкурсра хӳтӗлӗҫ.

 

Республикӑра
culture.cap.ru сӑнӳкерчӗкӗ
culture.cap.ru сӑнӳкерчӗкӗ

Чӑваш Енри вӑрӑм ӗмӗрлӗ предприятисенчен пӗрне, художество промыслисен «Паха тӗрӗ» фабрикине, Хисеп грамотипе чысланӑ.

Хушӑва Чӑваш Ен Элтеперӗ Олег Николаев паян, раштав уйӑхӗн 14-мӗшӗнче, алӑ пуснӑ. Документа республикӑн влаҫ органӗсен официаллӑ порталӗнче пичетленӗ.

Фабрикӑна «чӑваш наци культурине упраса хӑварассине тата аталантарассине тӳпе хывнӑшӑн» Чӑваш Республикин Хисеп грамотипе чысланӑ.

 

Республикӑра
ШӖМ тунӑ сӑн
ШӖМ тунӑ сӑн

Сурӑм вӑрманӗнче такамсем 14 юман каснине асӑрханӑ. Кун пирки тӳрех Элӗкри полици уйрӑмне шӑнкӑравласа пӗлтернӗ. Вырӑна оперативлӑ следстви ушкӑнӗ ҫитнӗ.

Йӗрсене тишкерсен йӗрке хуралҫисем Элӗк муниципалитет округӗнчи икӗ яла пырса тухнӑ. Ҫавӑнтах вӗсем каснӑ юмансене тупнӑ.

Ҫак ӗҫе 29-ти тата 40 ҫулти икӗ арҫын туни палӑрнӑ. Вӗсем йывӑҫа вутӑ валли каснӑ-мӗн. Ҫапла вӗсем патшалӑха 40 пин тенкӗлӗх тӑкак кӳнӗ. Ҫак икӗ арҫын тӗлӗшпе пуҫиле ӗҫ пуҫарнӑ.

 

Республикӑра
ШӖМ тунӑ сӑн
ШӖМ тунӑ сӑн

Ҫанталӑк шартлама сивӗ. Ҫак тапхӑрта ҪҪХПИ инспекторӗсем уйрӑмах тимлӗ. Ҫул ҫинче водительсене пулӑшу пама тивет.

Раштав уйӑхӗн 9-мӗшӗнче Етӗрне муниципалитет округӗнче инспекторсем «Рено» питӗ вӑрах пынине асӑрханӑ. Машина бакӗнчи дизель топливи сивве пула шӑнса ларма пуҫланӑ иккен. Топливо кирлӗ ҫӗре ҫитме ҫитмесен те пултарнӑ. Полици лейтенанчӗсем Кирилл Арлановпа Александр Краснов икӗ уйӑхри ачапа ҫула тухнӑ ҫемьене хӑйсен машинине лартса ҫывӑхри заправкӑна илсе ҫитернӗ. Кун хыҫҫӑн ҫемье малалла ҫул тытнӑ.

 

Республикӑра
forum.na-svyazi.ru сайтри сӑн
forum.na-svyazi.ru сайтри сӑн

«Ядринкассы» тесе ҫырнӑ пулнӑ Шупашкар муниципалитет округӗнче. Ку – ял ятне кӑтартакан табличка ҫинче. Унта пурӑнакан пӗр ҫын йӑнӑша тӳрлетме ыйтса ҫӑхав ҫырнӑ.

Росреестр ӗҫченӗсем Шупашкар округӗн администрацийӗ тӗлӗшпе асӑрхаттару янӑ. Вӗсем йӑнӑша тӳрлетме вӑхӑт панӑ: раштав уйӑхӗн 31-мӗшӗччен. «Ядринкассы» «Ядринкасы» пулса тӑнине Росреестра ҫав ҫӑхав ҫырнӑ ҫыннах пӗлтернӗ.

Палӑртмалла: Географи ячӗсен патшалӑх каталогӗпе килӗшӳллӗн, сӑмаха пӗр «с»-па ҫырмалла – «Ядринкасы».

 

Республикӑра
git21.rostrud.gov.ru сайтри сӑн
git21.rostrud.gov.ru сайтри сӑн

Шупашкар муниципалитет округӗнчи Карачура ялӗнче вырнаҫнӑ «Чувашское» предприятире вӑкӑр унта ӗҫлекен арҫынна амантнӑ. ЧР Патшалӑх ӗҫ инспекцийӗ ку ӗҫ-пуҫа тишкерет.

Малтанлӑха пӗлтернӗ тӑрӑх, раштав уйӑхӗн 5-мӗшӗнче ҫур ҫӗр иртни 47 минутра выльӑх пӑхакан арҫын вӑкӑр витерен тухса кайнине асӑрханӑ. Вӑл ӑна каялла хӑваласа кӗртме тӑнӑ. Вӑкӑр ӑна тӗкнӗ. Арҫыннӑн аяк пӗрчисем аманнӑ

 

Республикӑра
cap.ru сайтри сӑн
cap.ru сайтри сӑн

Ыран Чӑваш Енре Телейлӗ ачалӑх ҫулталӑкне хупӗҫ. Савӑнӑҫлӑ мероприяти ыран, раштавӑн 8-мӗшӗнче, Шупашкарти Трактор тӑвакансен культура керменӗнче иртӗ. Унта 1000 яхӑн ача хутшӑнӗ.

ЧР Вӗренӳ министерстви пӗлтернӗ тӑрӑх, уявра тӗрлӗ мероприятие хастар хутшӑннӑ ачасене тав тӑвӗҫ, республикӑри мероприятисенче хастар пулнӑ шӑпӑрлансене те хавхалантарӗҫ.

Аса илтерер: 2023 ҫул – Чӑваш Енре Телейлӗ ачалӑх ҫулталӑкӗ. Ӑна пуш уйӑхӗн 20-мӗшӗнче официаллӑ майпа уҫнӑ.

 

Республикӑра

Ҫитес ҫул Чӑваш Енре – Экологи культурин тата ҫутҫанталӑкпа перекетлӗ усӑ курмалли ҫулталӑк. Унӑн логотипӗ тата девизӗ мӗнле пулассине палӑртнӑ.

Конкурса 130 ытла ӗҫ килнӗ. Комисси вӗсенчен Надежда Абдюшевӑн (Комсомольски), Екатерина Романовӑн (Шупашкар) тата Марина Черепановӑн (Шупашкар) логотипӗсене суйланӑ. Вӗсен шухӑшӗсене шута илсе профессионал дизайнерсем логотип хатӗрлӗҫ.

Ҫавӑн пекех чи лайӑх виҫӗ девиза суйланӑ. Вӗсем – Шупашкарти Даниил Петровӑн, Шупашкарти Полина Титовӑн, Шупашкарти Юлия Исаевӑн.

 

Республикӑра
t.me/alenaelizarova каналтан илнӗ сӑнӳкерчӗк
t.me/alenaelizarova каналтан илнӗ сӑнӳкерчӗк

Чӑваш Енӗн ӗҫ тата социаллӑ хӳтлӗх министрне Алёна Елизаровӑна пӗр ача хӑйӗн «Нарспи» картинине парнеленӗ.

«Вӗсем пирки «хӑйне евӗр» ачасем теҫҫӗ. Ытти ача пекех вӗсем те ачашлӑха, юратӑва туясшӑн, хӑйсемшӗн тӑрӑшнине курасшӑн», — тесе ҫырнӑ министр Телеграмри хӑйӗн страницинче.

Министр Кӳкеҫри ачасен интернат-ҫуртӗнче пулнӑ. Ӑна унта ӑсталӑх лаҫҫине чӗннӗ. Ылтӑн алӑллӑ ачасем тем те пӗр ӑсталаҫҫӗ.

Владислав Разводов вӗтӗ шӑрҫапа чӑваш ялавне тӗрлет. Александр Митрофанов вара хӑйӗн «Нарспи» картинине министра парнеленӗ. Вӑл ӑна йывӑҫа ҫунтарса хатӗрленӗ.

Хыпар ҫӑлкуҫӗ: https://t.me/alenaelizarova/1471?single
 

Республикӑра
mykaleidoscope.ru сайтри сӑн
mykaleidoscope.ru сайтри сӑн

Йӗпреҫ районӗнче кӑҫалхи утӑ уйӑхӗнче пульница ӗҫченӗ пациент патне килне пынӑ. Вӑл ун патне сывлӑхне тӗрӗслеме ҫитнӗ.

Анчах 72 ҫулти тухтӑрпа инкек пулса иртнӗ. Вӑл картишне кӗнӗ кӑна – ӑна йытӑ уринчен ҫыртнӑ.

Кун хыҫҫӑн район прокуратури тӗрӗслев ирттернӗ. Ҫакӑ палӑрнӑ: кил хуҫи йытӑ ытти ҫынна сиен ан кӳтӗр тесе тӑрӑшман. Прокуратура суда тавӑҫ тӑратнӑ. Йытӑ хуҫинчен 20 пин тенкӗ шыраса илнӗ. Ку – тухтӑра кӑмӑл-сипет тӗлӗшӗнчен сиен кӳнӗшӗн.

 

Страницӑсем: 1 ... 3, 4, 5, 6, 7, 8, 9, 10, 11, 12, [13], 14, 15, 16, 17, 18, 19, 20, 21, 22, 23, ...574
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 03:00) уяр ҫанталӑк, атмосфера пусӑмӗ 751 - 753 мм, 0 - -2 градус сивӗ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуть те кам тухсан та
хӑни ҫулне ахаль те пӗлет, ӑсатмасӑр та
пӗтӗм кил-йышпа тухаҫҫӗ
кил-йышри арҫын
хуҫа тарҫи
хуҫа хӑй
ӑсатма тухни — ҫылӑх, юрамасть
хуҫа арӑмӗ
хуҫин ҫитӗннӗ ачисем
хӑнана ӑсатма никам та тухмасть