Сайта кӗр | Регистраци | Сайта кӗрсен унпа туллин усӑ курма пулӗ
 +3.3 °C
Вӑррӑн пуҫ тӳпинчен пӑс тухать.
[ваттисен сӑмахӗ]
 

Хыпарсен ҫыххи: Статистика

Статистика

«Рейтинг» информаци агентстви Раҫҫейре пурӑнакан ҫемьесен тупӑшне тишкернӗ. Мӗнпур вычета шута илсен Чӑваш Енри пӗр ачаллӑ ҫемьен уйӑхри вӑтам тупӑшӗ 26 496 тенкӗ юлать. Икӗ ачаллӑ ҫӗмьесенче вӑтамран 15 484 тенкӗ юлать. Ку кӑтартупа пирӗн республика ҫӗршывра 55-мӗш вырӑн йышӑнать. Вӑл енӗпе вӑл Крымран, Мари Элтан, Мордва Республикинчен, Чӗмпӗр облаҫӗнчен тата ытти хӑш-пӗр субъектран иртейнӗ.

2019 ҫулхи ҫав танлаштарӑмра Ямал-Ненецк автономи округӗ чи малта. Унта мӗнпур вычет хыҫҫӑн пӗр ачаллӑ ҫемьесен тупӑшӗ 101,6 пин тенкӗпе танлашнине шутласа кӑларнӑ. Иккӗмӗш тата виҫҫӗмӗш вырӑнсенчеи – Сахалин облаҫӗ (86,2 пин тенкӗ) тата Мускав (76,1 пин тенкӗ).

 

Статистика
moskva.bezformata.com сайтри сӑн
moskva.bezformata.com сайтри сӑн

Чӑваш Енре ҫулталӑк пуҫланнӑранпа 4,5 пине яхӑн ача ҫут тӗнчене килнӗ. Вӗсенчен 82-шӗ йӗкӗреш ҫуралнӑ.

Йӗкӗрешсем ытларах – Шупашкарта. Кунта 52-ӗн вӗсем. Элӗк, Вӑрнар, Куславкка, Муркаш, Пӑрачкав, Ҫӗрпӳ, Шупашкар, Етӗрне районӗсенче кӑҫал икшер йӗкӗреш ҫут тӗнчене килнӗ. Улатӑрта, Ҫӗнӗ Шупашкарта – 4, Канашра 6 йӗкӗреш ҫуралнӑ.

ЧР Сывлӑх сыхлавӗн министерстви пӗлтернӗ тӑрӑх, кӑҫал ҫут тӗнчене килнӗ 4454 ачаран 2280-шӗ – арҫын ача, 2174-шӗ хӗрача.

 

Статистика
ekburg.tv сайтри сӑн
ekburg.tv сайтри сӑн

Кӑҫал, пӗлтӗрхипе танлаштарсан, сӑвӑс сахалрах пек. Пӗлтӗр вӗсем ҫын ҫине кӗрсе ларнӑ тӗслӗх те нумайрах пулнӑ.

Кӑҫал икӗ уйӑхра, ака тата ҫу уйӑхӗсенче, ӳте сӑвӑс кӗрсе ларнӑран 130 ҫын тухтӑрсенчен пулӑшу ыйтнӑ. Кунашкал статистикӑпа Роспотребнадзор паллаштарать. 130 ҫынран 63-шӗ – ачасем. Танлаштармашкӑн: пӗлтӗр ку тапхӑрта тухтӑрсенчен 163 ҫын пулӑшу ыйтма пынӑ.

Ведомство пӗлтернӗ тӑрӑх, ҫынсем ҫинчен кӑларнӑ 106 сӑвӑса лабораторире тӗпченӗ. Пӗлтӗр вара 610 сӑвӑса лабораторире пӑхнӑ.

Хыпар ҫӑлкуҫӗ: https://pg21.ru/news/64497
 

Статистика
mk.tula.ru сайтри сӑн
mk.tula.ru сайтри сӑн

Чӑваш Енре кӑшӑлвируспа чирлисен йышӗ татах ӳснӗ: пӗтӗмпе – 502 ҫын. Кун пирки ЧР Сывлӑх сыхлавӗн министерстви пӗлтерет.

Паянхи кун тӗлне 1567 ҫынна тухтӑрсем пӑхса тӑраҫҫӗ. Пульницӑран 59 ҫын киле кайнӑ – вӗсем сывалнӑ. Ку таранччен 8 ҫыннӑн пурнӑҫӗ кӑшӑлвируса пула татӑлнӑ.

Сӑмах май, паян Раҫҫейре 6411 ҫын кӑшӑлвируспа чирленине палӑртнӑ. Пӗтемпе Раҫҫейре 93558 ҫын инфекциленнӗ, 8456 ҫын сывалнӑ. Пӗтӗмпе 867 ҫын вилнӗ.

Хыпар ҫӑлкуҫӗ: https://pg21.ru/news/58009
 

Статистика

Паянхи кун тӗлне Чӑваш Енре кӑшӑлвируспа чирлӗ 225 ҫынна тупса палӑртнӑ. Вӗсенчен 12-шӗ сывалнӑ. Ӗнер вилнисен йышӗнче 2 ҫынччӗ, паян вара виҫҫе ҫитнӗ. Иккӗшӗн кӑшӑлвирус пулнине вилнӗ хыҫҫӑн ҫеҫ пӗлнӗ.

«Кӗрен парӑс» обсерваторие 16 ҫынна вырттарнӑ. Тепӗр 10 ҫыннӑнне анализ кӑтартӑвӗсене кӗтеҫҫӗ.

Ҫулталӑк пуҫланнӑранпа 3621 ҫынна сӑнаса тӑнӑ, халӗ ку йышра – 1538 ҫын. Вӗсенчен 1260-шӗ килте карантинра лараҫҫӗ, 262-шне пульницӑна вырттарнӑ. Вӗсен хушшинче 18 ҫул тултарман 22 ача.

 

Статистика
abakan-news.ru сайтри сӑн
abakan-news.ru сайтри сӑн

Ака уйӑхӗн 20-мӗшӗ тӗлне Чӑваш Енре тепӗр 32 ҫын кӑшӑлвируспа чирленӗ. Ҫапла майпа ку таранччен ку инфекципе 225 ҫын аптӑранӑ.

Пӗтӗмпе 9 ҫын сывалнӑ. Ку таранччен 1 ҫын вилнӗччӗ. Паян вара ҫакӑ паллӑ: тепӗр ҫын та кӑшӑлвируса пула пурнӑҫран уйрӑлнӑ.

Аса илтерер: вируса пула вилнӗ пӗрремӗш пациент 79 ҫулта пулнӑ. Ӑна кӑшӑлвирус чирлӗ ҫынран ернӗ. Анализ илсенех ӑна пульницӑна вырттарнӑ. Анчах сывлӑхӗ япӑхланса пынӑ. Вӑл чире парӑнтарайман – вилнӗ. Иккӗмӗш пациент миҫе ҫултин хальлӗхе пӗлтермен-ха.

Хыпар ҫӑлкуҫӗ: https://pg21.ru/news/63894
 

Статистика
forum.na-svyazi.ru сайтри сӑн
forum.na-svyazi.ru сайтри сӑн

Иртнӗ талӑкра Чӑваш Енре тепӗр 29 ҫын кӑшӑлвируспа чирленине тупса палӑртнӑ. Ӗнер 3 ҫын сывалнӑ.

Ҫапла майпа республикӑра пӗтӗмпе 194 ҫын кӑшӑлвируспа инфекциленнӗ, вӗсенчен пӗри, 79 ҫулти хӗрарӑм, вилнӗ.

Раҫҫейре пӗр талӑкра 6060 ҫын (78 регионтан) кӑшӑлвируспа чирленине палӑртнӑ. Вӗсенчен 43 проценчӗн симптомсем пулман. Ҫӗршывра ку таранччен ҫак вируспа 42853 ҫын чирленӗ, 3291 ҫын сывалнӑ, 361 ҫын вилнӗ.

 

Статистика
forum.na-svyazi.ru сайтри сӑн
forum.na-svyazi.ru сайтри сӑн

Кӑшӑлвирусӑн ҫӗнӗ тӗсӗ ерсен ҫыннӑн ӳпке шыҫҫи аталанма пултарать. Ҫавна пулах ҫын вилет.

Ӳпке шыҫҫипе унччен те ҫынсем пурнӑҫран уйрӑлнӑ – ку паллӑ ӗнтӗ. Роспотребнадзор пӗлтернӗ тӑрӑх, 2020 ҫулта, кӑҫал, пӗрремӗш кварталта вируслӑ пневмонирен 19 ҫын вилнӗ.

Пӗлтӗр вара ку чире пула 83 ҫын пурнӑҫран уйрӑлнӑ. 2019 ҫулта 6216 ҫыннӑн ӳпке шыҫҫи пулнине палӑртнӑ. 2227-шӗн ку чир пӗлтӗрхи пӗрремӗш кварталта пулнӑ.

 

Статистика

Кӑҫалхи икӗ уйӑхра пирӗн республикӑра 1743 ача ҫуралнӑ. Ку вӑл пӗлтӗрхи кӑрлач-нарӑс уйӑхӗсенчинчен 110 ача сахалрах. Республикӑра 2531 ҫын вилнӗ. Ҫакӑ пӗлтӗрхи танлаштаруллӑ тапхӑртинчен 48 ҫын сахалрах. Ҫуралнисен йышӗ вилнисенчен 45,2 % сахалрах.

Халӑхӗн самай пайӗ юн ҫаврӑнӑшӗн чирӗсене пула нумай вилет. Ун пеккисене кӑҫалхи икӗ уйӑхра 1038 ҫынна шута илнӗ. Усал шыҫҫа, тулаш сӑлтавсене, сывлӑш ҫулӗсен, апат ирӗлтерекен органсен чирӗсене, инфекци чирӗсене пула пурнӑҫран уйрӑлаҫҫӗ.

Кӑҫалхи кӑрлач-нарӑс ҫулталӑка ҫитичченхи виҫӗ ача вилнӗ. Ҫак цифрӑсене Чӑвашстат пӗлтернӗ.

 

Статистика
mirsmazok.ru сайтри сӑн
mirsmazok.ru сайтри сӑн

Хыпарсен наци служби пӗлтернӗ тӑрӑх, Пӗтӗм тӗнчери хӗрарӑмсен кунӗ умӗн экспертсем хӑш регионти хӗрарӑм-водительсем аварие тӑтӑшрах ҫакланнине палӑртнӑ. Шупашкарти хӗр-хӗрарӑм ТОП-3 списока кӗнӗ.

Антитанлаштарӑмра пӗрремӗш йӗркесене Тутарстанри хӗрарӑм-водительсем йышӑннӑ. Новосибирск тата Шупашкар хӗрарӑмӗсем 2-мӗш тата 3-мӗш йӗркесене лекнӗ.

Нальчикри хӗрарӑмсем аварисене сайра хутра ҫакланаҫҫӗ. Палӑртмалла: танлаштарӑма хатӗрленӗ чухне 40 регионти хӗрарӑм-водительсене тишкернӗ.

Хыпар ҫӑлкуҫӗ: https://pg21.ru/auto/63022
 

Страницӑсем: 1 ... 3, 4, 5, 6, 7, 8, 9, 10, 11, 12, [13], 14, 15, 16, 17, 18, 19, 20, 21, 22, 23, ...45
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 03:00) уяр ҫанталӑк, атмосфера пусӑмӗ 751 - 753 мм, 0 - -2 градус сивӗ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 28

1915
109
Дедушкин Николай Степанович, чӑваш критикӗ, литература тӗпчевҫи ҫуралнӑ.
1983
41
Шамбулина Алина Валерьевна, чӑваш тележурналисчӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа арӑмӗ
хуҫа хӑй
пӗтӗм кил-йышпа тухаҫҫӗ
ӑсатма тухни — ҫылӑх, юрамасть
хӑнана ӑсатма никам та тухмасть
хуҫин ҫитӗннӗ ачисем
хуть те кам тухсан та
кил-йышри арҫын
хӑни ҫулне ахаль те пӗлет, ӑсатмасӑр та
хуҫа тарҫи