Сайта кӗр | Регистраци | Сайта кӗрсен унпа туллин усӑ курма пулӗ
 -0.7 °C
Ача-пӑчан пӗр шухӑш, ваттӑн ҫӗр шухӑш.
[ваттисен сӑмахӗ]
 

Хыпарсен ҫыххи: Культура

Культура
Чӑваш Енри Писательсен союзӗ халӑх тетелӗнче вырнаҫтарнӑ сӑнӳкерчӗк
Чӑваш Енри Писательсен союзӗ халӑх тетелӗнче вырнаҫтарнӑ сӑнӳкерчӗк

Чӑваш Енӗн Наци вулавӑшӗнчи «Варкӑш» литература клубӗн ҫитес эрнери ларӑвӗнче Александр Трофимов пултарулӑхӗпе ҫывӑхрах паллашма палӑртнӑ. Лару вулавӑшра кӑрлач уйӑхӗн 26-мӗшӗнче 18 сехетре пуҫланӗ.

Ҫыравҫӑ Хӗрлӗ Чутай районӗнчи (халӗ – муниципаллӑ округ) Турхан ялӗнче кӑрлач уйӑхӗн 10-мӗшӗнче ҫуралнӑ. И.Я. Яковлев ячӗллӗ пединститутран вӗренсе тухса Архангельск облаҫне хут комбинатне хӑпартма тухса кайнӑ. Хӗрлӗ Чутай районӗнчи шкулсенче учитель, завуч, директор пулса тӑрӑшнӑ. Унӑн хайлавӗсем район тата республика хаҫачӗсенче паян та пичетленеҫҫӗ.

Хыпар ҫӑлкуҫӗ: https://m.vk.com/wall-211725618_1482
 

Культура
Хыпар» издательство ҫурчӗн халӑх тетелӗнчи страницинчен илнӗ сӑнӳкерчӗк
Хыпар» издательство ҫурчӗн халӑх тетелӗнчи страницинчен илнӗ сӑнӳкерчӗк

Чӑваш Енре Пичет кунӗ умӗн журналистсен премине тивӗҫ калем ӑстисене палӑртнӑ.

Ҫемен Элкер ячӗллӗ журналистсен премине «Чӑваш Ен» НТРКра тӑрӑшакан Родион Архипова пама йышӑннӑ. Радиожурналист «Присягая Родине» ҫарпа патриотизм кӑларӑмӗсен ярӑмне йӗркелесе пыать.

Леонид Ильин ячӗллӗ журналистсен премине «Хыпар» издательство ҫурчӗн «Ҫамрӑксен хаҫатӗнче» тӑрӑшакан Ирина Ивановӑна экологипе тата ял хуҫалӑхӗпе ҫыхӑннӑ ҫивӗч ыйтусене хускатнӑшӑн парас тенӗ.

Хыпар ҫӑлкуҫӗ: https://vk.com/wall-163682416_30532
 

Культура
wink.ru сӑнӳкерчӗкӗ
wink.ru сӑнӳкерчӗкӗ

Чӑваш патшалӑх академи драма театрӗ куракансене кӑҫал черетлӗ премьерӑсемпе паллаштарӗ. 2024 ҫулти пӗрремӗш премьера «Пӗртен-пӗр шанӑҫ» камит пулӗ. Ӑна Михаил Задорнов паллӑ ҫыравҫӑ-сатирик ӗҫӗпе Алексей Герасимов режиссёр хатӗрлет. Куракансем ҫӗнӗ ӗҫе нарӑс уйӑхӗн 28-мӗшӗнче пуҫласа курӗҫ.

Андриян Николаев космонавт ҫуралнӑранпа 95 ҫул ҫитнине халалласа «Чӑваш кӑйкӑрӗн ҫӑлтӑрлӑ ҫулӗ» спектакль хатӗрлеҫҫӗ. Ӑна ака уйӑхӗн 10-мӗшӗнче сцена ҫине кӑларма палӑртса хунӑ. Режиссерӗ — Борис Манджиев.

Ака уйӑхӗн 26-мӗшнче Арсений Тарасов драматургӑн «Хӗрлӗ кӗпеллӗ телей» пьеси тӑрӑх Валерий Яковлев лартнӑ ӗҫпе паллашма май килӗ.

Чӑваш тӗррин кунӗ тӗлне Наталия Сергеева режиссёр Николай Симунов пьеси тӑрӑх «Сурпан тӗрри» спектакль лартӗ.

Алексей Герасимов режиссёр вара ачасем валли «Улӑп» юмах хатӗрлӗ. Чӑваш халапӗсем тӑрӑх пьесӑна Александр Пӑртта ҫырнӑ. Ӑна раштав уйӑхӗнче кӑтартӗҫ.

 

Культура
old.chuvsu.ru сӑнӳкерчӗкӗ
old.chuvsu.ru сӑнӳкерчӗкӗ

Чӑваш Енре литературӑпа ӳнерти 2023 ҫулти ӗҫсемшӗн преми илме конкурса ӗҫсене малалла йышӑнаҫҫӗ.

Асӑннӑ премие пирӗн республикӑра ҫулсерен параҫҫӗ. Ӑна тивӗҫ ӗҫсен ҫӗнӗлӗхпе уйрӑлса тӑмалла, вӗсене халӑх пысӑка хурса йышӑнни тата наци культурине аталантарма пысӑк тӳпе хывни кирлӗ.

Асӑннӑ ӗҫсем музыка, ӳнер. театр, хореографи тата эстрада ӳнерӗпе, дизайнпа, кинопа тата телекуравпа, халӑх пултарулӑхӗпе ҫыхӑнма пултараҫҫӗ.

Ӗҫсене Чӑваш Енӗн Культура министерствинче нарӑс уйӑхӗн 1-мӗшӗччен йышӑнӗҫ. Ыйтса пӗлмелли телефон номерӗ 8(8352) 56-50-48.

 

Культура

Чӑваш кӗнеке издательствинче «Чун вӗҫевӗ. Полет души» нотӑланӑ юрӑ пуххи пичетленсе тухнӑ.

Издательствӑра пӗлтернӗ тӑрӑх, кӑларӑм авторӗ – Валентина Тарават (Валентина Николаевна Игнатьева), Раҫҫей Федерацийӗн Ҫыравҫӑсен союзӗн членӗ (1995), Раҫҫей Федерацийӗн культурӑн тава тивӗҫлӗ ӗҫченӗ (1996), Чӑваш Республикинчи Композиторсен ассоциацийӗн членӗ (1996), Чӗмпӗр облаҫӗн хисеплӗ гражданинӗ (2007), «Браво, Маэстро!» преми лауреачӗ (2023). Ҫӗнӗ кӑларӑмӑн музыка редакторӗ – Александр Васильев, издательство редакторӗ – Ольга Иванова, художникӗ – Дмитрий Литаврин. Тиражӗ – 800 экземпляр.

Нотӑланӑ юрӑ пуххине Валентина Тарават кӗвӗленӗ хайлавсем кӗнӗ. Сӑввисен авторӗсем – Валентина Тарават, Анатолий Ырьят, Николай Ларионов, Раиса Сарпи, Олег Прокопьев, Анатолий Чебанов, Галина Матвеева, Надежда Силпи, Любовь Мартьянова, Светлана Матлина. Ачасем валли ҫырнӑ произведенисем те пур.

Хыпар ҫӑлкуҫӗ: https://vk.com/wall391792345_5366
 

Культура
cap.ru сӑнӳкерчӗкӗ
cap.ru сӑнӳкерчӗкӗ

Кӑрлач уйӑхӗн 10-28-мӗшӗсенче Мускаври ВДНХра иртекен «Раҫҫей» курав-форумра ЧР Культура министерстви экспозиципе паллаштарать.

Ҫак тапхӑрта хӑнасем чӑвашсен йӑли-йӗркипе, культурин уйрӑмлӑхӗсемпе паллашма пултараҫҫӗ. Хӗр илни, салтака ӑсатни, ҫӗн пӳрт ӗҫки - ҫак йӑласене туса кӑтартӗҫ экспозицире.

Ҫавӑн пекех ӑсталӑх класӗсем иртӗҫ: хореографи енӗпе, чӑвашсен пуҫа тӑхӑнмалли хатӗрӗсене, костюмӗсене тата пуканесене ӑсталассипе.

Аса илтерер: курав-форум ака уйӑхӗн 4-мӗшӗччен ӗҫлӗ.

Хыпар ҫӑлкуҫӗ: https://tass.ru/obschestvo/19702771
 

Культура
Светлана Гордеева страницинчен илнӗ сӑнӳкерчӗк
Светлана Гордеева страницинчен илнӗ сӑнӳкерчӗк

Геннадий Айхин «Стихотворения» кӗнеки Мускаври «Эксмо» издательствӑра 10 пин тиражпа пичетленсе тухнӑ. Кӗнекене сӑвӑсем ҫеҫ мар, эссесем те кӗнӗ. Унсӑр пуҫне Атӑлҫи тӑрӑхӗнчи халӑх юррисем евӗрлӗ «Поклон – пению» тата «Мир Сильвии» сӑвӑсем кӗнӗ.

Кӗнекене пухса хатӗрленӗ Арсен Мирзаев кӑларӑма малтанласа «День присутствия всех и всего» ят пама шухӑшланине, анчах кӗнеке кӑларакансем ят ытла та вӑрӑм тесе каланине пӗлтернӗ.

Хыпар ҫӑлкуҫӗ: https://vk.com/wall56695220_5171
 

Культура
culture.cap.ru сӑнӳкерчӗкӗ
culture.cap.ru сӑнӳкерчӗкӗ

Чӑваш Енре кӑҫал харӑсах темиҫе паллӑ пулӑм пулса иртӗ. Вӗсенчен пӗри — Шупашкар хулине никӗсленӗренпе 555 ҫул ҫитнине уявласси.

Чӑваш чӗлхин тӗпчевҫи Виктор Вишневский ҫуралнӑранпа 220 ҫул ҫитӗ, Николай Золотницкий этнограф тата тюрколог ҫуралнӑранпа — 195 ҫул, Василий Магницкий фольклорист ҫуралнӑранпа – 185 ҫул, Ҫеҫпӗл Мишши ҫуралнӑранпа — 125 ҫул.

 

Культура
culture.cap.ru сӑнӳкерчӗкӗ
culture.cap.ru сӑнӳкерчӗкӗ

К.В. Иванов ячӗллӗ Чӑваш академи жрама театрӗ хӑйӗн куракансем валли «Хӗл Мучи патне хӑнана» музыкӑпа ташӑ программи хатӗрленӗ.

Ӑна культура учрежденийӗнче раштав уйӑхӗн 29 тата 30-мӗшӗсенче кӑтартнӑ. Унта ҫитсе курайманнисен пӑшӑрханма кирлӗ мар. Программӑпа тепре кӑрлач уйӑхӗн 6-мӗшӗнче паллашма май килӗ.

Курма пыракансем 19-мӗш ӗмӗрти чӑваш ялӗнче пулса курайӗҫ, спектакльсенчи вӑйӑ-ташӑ саманчӗсемпе киленейӗҫ.

Театр артисчӗсем Надежда Кузьмина, Александр Демидов, Григорий Федоров, Арсентий Димитриев, Чӑваш Республикин тава тивӗҫлӗ артисчӗ Валерий Карпов, Чӑваш Республикин тава тивӗҫлӗ артисчӗ Сергей Павлов, Евгений Урдюков, Василий Иванов, Кристина Иванова, Надежда Зубкова, Анна Кудряшова, Чӑваш Республикин тава тивӗҫлӗ артисчӗ Александр Яковлев, Чӑваш патшалӑх оперӑпа балет театрӗн солисчӗ Василий Николаев илемлӗ юрӑсем парнелӗҫ.

 

Культура
culture.cap.ru сӑнӳкерчӗкӗ
culture.cap.ru сӑнӳкерчӗкӗ

Шупашкарти музейсем Ҫӗнӗ ҫул тӗлӗнчи вӑрӑм канмалли кунсенче те ӗҫлӗҫ. Кӑрлач уйӑхӗн 2-7-мӗшӗсенче Чӑваш наци музейӗ, Чӑваш тӗррин музейӗ, В.И. Чапаев ячӗллӗ музей тата Куславкка тӑрӑхӗнчи «Чӗмсӗр чикӗсен строителӗсене» мемориал ӗҫлӗҫ.

Музейпа курав центрӗ куракансене кӑрлач уйӑхӗн 2-6-мӗшӗсенче йышӑнӗ, К.В. Иванов ячӗллӗ Литература музейӗ — кӑрлач уйӑхӗн 4, 5 тата 6-мӗшӗсенче, Ҫеҫпӗл Мишши музейӗ — кӑрлачӑн 5-мӗшӗнче.

Кӑрлач уйӑхӗн 8, 9-мӗшӗсенче музейсенче канмалли кунсем пулӗҫ, 10-мӗшӗнчен Чӑваш наци музейӗпе унӑн филиалӗсем ытти чухнехи режимпа ӗҫлеме тытӑнӗҫ.

 

Страницӑсем: 1, 2, 3, 4, 5, 6, 7, 8, 9, [10], 11, 12, 13, 14, 15, 16, 17, 18, 19, 20, ...374
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 03:00) уяр ҫанталӑк, атмосфера пусӑмӗ 751 - 753 мм, 0 - -2 градус сивӗ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа хӑй
хуҫа тарҫи
пӗтӗм кил-йышпа тухаҫҫӗ
хуть те кам тухсан та
хӑнана ӑсатма никам та тухмасть
хӑни ҫулне ахаль те пӗлет, ӑсатмасӑр та
ӑсатма тухни — ҫылӑх, юрамасть
хуҫа арӑмӗ
кил-йышри арҫын
хуҫин ҫитӗннӗ ачисем