Сайта кӗр | Регистраци | Сайта кӗрсен унпа туллин усӑ курма пулӗ
 +4.3 °C
Ӑсмассерен аш турамӗ лекмест.
[ваттисен сӑмахӗ]
 

Хыпарсен ҫыххи: Раҫҫейре

Раҫҫейре
Сӗнтӗрвӑрри проекчӗ
Сӗнтӗрвӑрри проекчӗ

Пӗчӗк хуласенче тата истори пӗлтерӗшлӗ тӑрӑхсенче хӑтлӑх кӗртме пулӑшакан Пӗтӗм Раҫҫейри конкурса кӑҫал Чӑваш Енри икӗ хула хутшӑнӗ: Канаш тата Сӗнтӗрвӑрри.

Канашри проектра чукун ҫул вокзалӗ тата автовокзал хушшинчи территорие хӑтлӑх кӗртме сӗннӗ. Унта информаци стенчӗ, ярмӑрккӑ лапамӗ, кафе пулмалла.

Сӗнтӗрвӑрринче вара "Патша тӑвӗ" проекта пурнӑҫласшӑн. Проектра палӑртнӑ тӑрӑх, Атӑл хӗррине ҫав ту таранах илем кӗртесшӗн.

Заявкӑсене ҫӗртме уйӑхӗн 1-мӗшӗччен йышӑнаҫҫӗ. Конкурса ҫурла уйӑхӗнче пӗтӗмлетӗҫ.

 

Раҫҫейре

"Раҫҫей 1" телеканалпа пыракан "Песни от всей души" кӑларӑма пирӗн ентеш Евгений Суханов хутшӑнӗ. Ӑна эфирта ыран, ҫу уйӑхӗн 21-мӗшӗнче, 18 сехетре курма май пулӗ.

Сӑмах май, кӑларӑма хутшӑнкансем пысӑк сӗтел хушшине пухӑнаҫҫӗ, пултарулӑхӗ, ӗмӗчӗсем пирки калаҫаҫҫӗ. Ҫав хушӑрах вӗсем халӑх юррисене тата хитсене шӑрантараҫҫӗ.

Палӑртмалла: Евгений Суханов - Улатӑр хулинчен.

Хыпар ҫӑлкуҫӗ: https://pg21.ru⅘/news/87147
 

Раҫҫейре
cap.ru порталтан илнӗ сӑнӳкерчӗк
cap.ru порталтан илнӗ сӑнӳкерчӗк

Пӗтӗм тӗнчери хими диктанчӗ кӑҫал та иртӗ. Ӑна кӑҫалхипе пиллӗкмӗш хут йӗркелеҫҫӗ. Вӑл ҫу уйӑхӗн 13-мӗшӗнче 13 сехетре пуҫланӗ. Мероприяти формачӗ — куҫӑн тата онлайн.

Хими диктантне мӗнле майпа ҫырассине унта хутшӑнакансем химдиктант.рф сайтра хӑйсем палӑртайӗҫ. Анчах малтан регистрациленмелле.

Программӑна йывӑрлӑх енчен тӗрлӗ шайри 25 ыйтӑва кӗртнӗ. Вӗсене 45 минутра хуравламалла.

 

Раҫҫейре

Ҫу уйӑхӗн 12-мӗшӗнче Мускаври «Хӗвелтухӑҫ» станцире «Аслӑ Ҫӗнтерӳ сӑнӗсем» экспозици уҫӑлӗ. Унта Совет Союзӗн 70 Паттӑрӗ кӗрӗ. Ҫав шутра пирӗн ентеш Агриппина Алексеевна Янович та пулӗ. Вӑл 98 ҫулта.

Агриппина Алексеевна – Элӗк районӗнчи Тури Татмӑш ялӗнчен. 17 ҫулта чухне ӑна Троцк хулине мобилизациленӗ, унта медсестрана вӗреннӗ.

Ҫӗнтерӗве вӑл Кенигсбергра кӗтсе илнӗ. Ӑна «Ҫапӑҫура кӑтартнӑшӑн» медальпе чысланӑ.

 

Раҫҫейре

Ӗнер "Раҫҫей 1" телеканалта эфира тухнӑ "Сто к одному" кӑларӑма Ҫӗнӗ Шупашкарти вӗрентекенсем хутшӑннӑ. Вӗсем "Йошкар-Ола" командӑра кӗрешнӗ.

Пирӗн ентешсем, Ҫӗнӗ Шупашкарти лицейри вӗрентекенсем, кӳршӗ республикӑри хаҫат ӗҫченӗсене 312:264 шутпа ҫӗнтернӗ.

Хыпар ҫӑлкуҫӗ: https://pg21.ru/news/86726
 

Раҫҫейре
cap.ru сайтри сӑн. Раҫҫей Геройӗ Николай Гаврилов
cap.ru сайтри сӑн. Раҫҫей Геройӗ Николай Гаврилов

Чӑвашсен федераци наци культурин автономине малашне Леонид Черкесов мар, Раҫҫей Геройӗ, Чӑваш Енӗн хисеплӗ ҫынни Николай Гаврилов ертсе пырӗ. Ҫӗнӗ ҫынна Шупашкарта иртнӗ отчетпа суйлав съездӗнче палӑртнӑ.

Леонид Черкесов автономие 2017 ҫултанпа ертсе пынӑ. Унччен ку должноҫра Геннадий Федоров пулнӑ.

Палӑртмалла: Чӑваш Ен тулашӗнче 300 пин ытла чӑваш пурӑнать.

 

Раҫҫейре
spb.rpa-mu.ru сӑнӳкерчӗкӗ
spb.rpa-mu.ru сӑнӳкерчӗкӗ

Ҫамрӑк ученӑйсене хӑш регионта аванраххине палӑртнӑ. Ҫапла пӗтӗмлетиччен хӑш регионта ҫамрӑк ӑсчахсем ытлараххине, вӗсем влали грантсемпе конкурссем йӗркеленине, ҫурт-йӗр программисем ӗҫленине шута илнӗ.

Рейтинг ҫапарах йӗркеленнӗ: пӗрремӗш вырӑнта — Кузбасс, иккӗмӗшӗнче — Новгород облаҫӗ, виҫҫӗмӗшӗнче — Калуга облаҫӗпе Пушкӑртстан, тӑваттӑмӗшӗнче — Оренбургпа Тӗмен облаҫӗсем, пиллӗкмӗшӗнче — Брянск облаҫӗ, улттӑмӗшӗнче —Севастополь, ҫиччӗмӗшӗнче — Омск облаҫӗ, саккӑрмӗшӗнче — Ханты-Манси автономи округӗ, тӑххӑрмӗшӗнче — Карели тата Пенза облаҫӗ. Чӑваш Республики вуннӑмӗш йӗркере.

 

Раҫҫейре
krd.zoopassage.ru сӑнӳкерчӗкӗ
krd.zoopassage.ru сӑнӳкерчӗкӗ

«Новые люди» (чӑв. Ҫӗнӗ ҫынсем) фракци РФ Патшаӑх Думине ҫу уйӑхӗн пуҫламӑшӗнче канассипе ҫыхӑннӑ саккун проектне сӗннӗ. Асӑннӑ парти хастарӗсем кӑрлач уйӑхӗнчи вӑрӑм канмалли кунсен шутне чакарса ҫу уйӑхӗн 1-9-мӗшӗсенче ытларах кантарасшӑн.

Асӑннӑ фракци кӑрач уйӑхӗн 1-3-мӗшӗсенче тата 7-мӗшӗсенче ҫеҫ канмалла, ун вырӑнне ҫу уйӑхӗн пуҫламӑшӗнче ытларах канма май пултӑр тесе шухӑшлать.

Саккун проектне ытти депутат ырласан ака уйӑхӗн 29-мӗшӗнчен пуҫӑнса ҫу уйӑхӗн 9-мӗшӗ таранах ӗҫлеттермӗҫ.

Хыпар ҫӑлкуҫӗ: https://t.me/davankov/228
 

Раҫҫейре
/vk.com/cheb121 страницӑран илнӗ сӑнӳкерчӗк
/vk.com/cheb121 страницӑран илнӗ сӑнӳкерчӗк

Росгвардин спецназӗнче пӗртен-пӗр хӗр вертолётпа вӗҫет. Анастасия Апасейкина аслӑ лейтенант — Росгвардин спецназӗн авиаотрячӗн штурманӗ. Вӑл — Чӑваш Енрен. Анастасия «Ми-8» вертолётпа вӗҫет.

Ача чухнех Настя штурвал пирки ӗмӗтленнӗ. Унӑн ашшӗ ҫар авиатехникӗ пулнӑ май «МиГ-25» истребительсем ҫинчен нумай каласа кӑтартнӑ. Анчах ун чухне хӗрсене авиаци училищине вӗренме илмен. Настя Чӑваш патшалӑх университетне экономиста вӗренме кӗнӗ.

Кайран хӗр вырӑнти аэроклуба ҫырӑннӑ та парашютпа темиҫе хутчен те сикнӗ, «Як-52» самолётпа тата «Cessna-172» спорт самолёчӗпе вӗҫсе курнӑ. Омскри вӗҫевпе техника колледжне хӗрсене вӗренме илессине пӗлсен Анастасия тем пекех савӑннӑ.

Вӗренме кӗрес кӑмӑллисем саккӑррӑн ҫеҫ пулнӑ. Хӗрлӗ дипломпа вӗренсе тхунӑ пикене Росгвардин Тутарстанри сумлӑ авиаотряда ӗҫлеме илнӗ. Ӗҫтешӗсем пикене малтанах шанмасӑртарах йышӑннӑ, анчах тӑрӑшуллӑ хӗр пултарнине кӑтартса панӑ.

 

Раҫҫейре
www.pnp.ru сайтран илнӗ сӑнӳкерчӗ
www.pnp.ru сайтран илнӗ сӑнӳкерчӗ

Урам шӑлакансен вӗренсе тухма тивӗ. Вӗсене урам шӑлмалли тата юр тасатмалли машнӑсемпе ӗҫлеме вӗрентсе кӑларӗҫ. Ҫакӑн ҫинчен калакан професси стандарчӗ кӑҫалхи пуш уйӑхӗн 1-мӗшӗнчен вӑя кӗнӗ.

Ҫӗнӗ профстандарт ултӑ ҫула пырӗ. Унчченхине, 2015 ҫулта йышӑннине, халӗ пӑрахӑҫланӑ.

Ӗҫе 18 ҫултан аслӑрах, 9 класран кая мар пӗлӳ илнисене йышӑнма юрать. Ӗҫе вырнаҫакансен ӗҫ сыхлавӗпе тата пушар хӑрушсӑрлӑхпе вӗренмелле тата инструктаж витӗр тухмалла. Унсӑр пуҫне медицина тӗрӗслевӗ те кирлӗ.

 

Страницӑсем: 1, 2, 3, 4, 5, 6, 7, 8, 9, [10], 11, 12, 13, 14, 15, 16, 17, 18, 19, 20, ...119
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (28.03.2024 21:00) уяр ҫанталӑк, атмосфера пусӑмӗ 752 - 754 мм, 1 - 3 градус ӑшӑ пулӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 28

1915
109
Дедушкин Николай Степанович, чӑваш критикӗ, литература тӗпчевҫи ҫуралнӑ.
1983
41
Шамбулина Алина Валерьевна, чӑваш тележурналисчӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа арӑмӗ
хӑни ҫулне ахаль те пӗлет, ӑсатмасӑр та
ӑсатма тухни — ҫылӑх, юрамасть
хуть те кам тухсан та
хӑнана ӑсатма никам та тухмасть
хуҫин ҫитӗннӗ ачисем
кил-йышри арҫын
пӗтӗм кил-йышпа тухаҫҫӗ
хуҫа тарҫи
хуҫа хӑй