Сайта кӗр | Регистраци | Сайта кӗрсен унпа туллин усӑ курма пулӗ
 +15.0 °C
Тӑлӑх йывӑҫа тӑвӑл хуҫать.
[ваттисен сӑмахӗ]
 

Хыпарсем: пӗлтерӳсем

Пӗлтерӳ

Финляндири Lionbridge Тампере компани чӑвашла лайӑх пӗлекен инҫет мелӗпе ӗҫлеме хатӗр 4 ҫынна шырать. Чӑваш чӗлхи вӗсемшӗн тӑван чӗлхе пулмалла, ҫавӑн пекех акӑлчанла лайӑх пӗлмелле. Эрнере 15 сехет ӗҫлемелле пулӗ. Компани шыракан ҫыннӑн сӑмахсене категорисем тӑрӑх пайламалла пулӗ — ку ют чӗлхе сӑмахӗ, ку ытти чӗлхесенчен кӗнӗскер, тата ыт. те.

Ӗҫе хутшӑниччен регистрациленмелле пулӗ тата пурне те малтан онлайн мелӗпе тӗрӗслӗҫ. Укҫана PayPal урлӑ тӳлӗҫ.

Ку пӗлтерӳ сире кӑсӑклантарса ячӗ пулсан ҫак электронлӑ адрессемпе ҫыхӑнма ыйтаҫҫӗ: aibike.yessimbekova@lionbridge.com е recruitmentWM.tampere@lionbridge.com.

 

Чӑваш чӗлхи

«Ирӗклӗх» пӗрлӗх Чӑваш Республикин информаци политикипе массӑллӑ коммуникаци министерствине ҫӗнӗ ҫыру шӑрҫаланӑ. Хальхинче вӗсен куҫӗ умне «Хыпар» хаҫатра пӗлтерӳсене вырӑсла ҫеҫ вырнаҫтарни лекнӗ. Ку пулӑма вӗсем республикӑра тухса тӑракан ытти чӑвашла хаҫатсенче те асӑрханӑ.

«Ирӗклӗх» хастарӗсем чӑваш чӗлхипе вырӑс чӗлхи пирӗн республикӑра патшалӑх чӗлхисем пулни пирки, вӗсем пӗртан праваллӑ пулнине Конституцире ҫирӗплетнине аса илтернӗ. «Хыпар» хаҫатӑн тӗп тӗллевӗнче те чӑваш чӗлхине упраса аталантарасси пысӑк вырӑнта пулнине пӗлтернӗ.

Чӑвашла тухакан хаҫатсенче пӗлтерӳсене вырӑсла пичетлени «Ирӗклӗх» пӗрлӗх шучӗпе чӑваш чӗлхине хӗсни пулать. Тем тесен те «Хыпара», «Тӑван Ене» тата ытти хаҫатсене чӑвашла пӗлекен вулакансем ҫырӑнса илеҫҫӗ, ҫавна май пӗлтерӳсене чӑвашла вырнаҫтарни вырӑсла ҫеҫ пӗлекенсен прависене нимӗн енчен те пӑсманнине палӑртаҫҫӗ хастарсем.

«Ирӗклӗх» министерствӑна пӑхӑнакан чӑвашла хаҫатсен ертӳҫисем патне ҫак информацие ҫитерме ыйтать, пӗлтерӳсене чӑвашла куҫарса вырнаҫтармалли ӗҫе йӗркелеме сӗнет.

 

Пӗлтерӳ

Малашне пирӗн сайтра пӗлтерӳсем вырнаҫтарма май пур. Ҫӗнӗлӗхе сайта кӗртнӗ май эпир «Паллашу» уйрӑмне те ылмаштартӑмӑр — ку пай малашне пӗлтерӳсен пер пайӗ пулӗ.

Пӗлтерӳсене хуть те кам вырнаҫтарма пултарӗ. Тӳлевсӗр вырнаҫтарнӑ пӗлтерӳ 30 кун ҫакӑнса тӑрӗ. Ҫавӑн пекех укҫа тӳлесе пӗлтерӳсене ыттисенчен уйӑрма май пур: хӑпартма, шрифтне пысӑклатма, тӗспе уйӑрма, сӑн вырнаҫтарма. Унсӑрӑн пуҫне эпир «Домашняя газета» хаҫатпа та килӗшӳ туса, сӑмахран 100 тенкӗ тӳленӗ хыҫҫӑн сирӗн пӗлтерӳ унта та пӗр кӑларӑм тухӗ. Пур реклама сӗневӗсемпе тӗплӗн кунта пуллашма пулать

Пӗлтерӳсене 8 пая пайланӑ: Сутатӑп, Туянатӑп, Ылмаштаратӑп, Тара паратӑп, Тара илетӗп, Пулӑшу, Паллашу, Ӗҫ. Ҫавӑн пекех пӗлтерӳ панӑ чухне района та палӑртма май пур. Телефон номерӗсене курма карас телефонӗ сӑнӗ ҫине пусмалла, ахальлӗн вӗсем курӑнмаҫҫӗ. Пӗлтерӳпе миҫе хут кӑсӑкланнине ҫак ӳкерчӗк ҫине пусни тӑрӑх шутлатпӑр (ыйтсан пӗлтеретпӗр).

Пӗлтерӳсен пайӗ сире самай пулӑшу кӳрессе шанса тӑратпӑр. Ун урлӑ эсир хӑвӑр тавара сутма, кирлине туянма, пулӑшу тупма пултарасса шанатпӑр.

Малалла...

 

Афиша ИФФ-22-75 ушкӑн студенчӗсем
ИФФ-22-75 ушкӑн студенчӗсем

1975 ҫулхи авӑнӑн 1-мӗшӗнче Чӑваш патшалӑх университечӗн историпе филологи факультетӗнче ушкӑн йӗркеленнӗ, ялсемпе хуласенче ӳснӗ хӗрпе каччӑсем пӗлӳ шыраса, «Пӗлӳ кутамкка мар, хулпуҫҫинчен уртӑнмасть» каларӑша тӗпе хурса студентсен ретне кӗнӗ. Пилӗк ҫултан вӗсем вӗренсе пӗтерсе аслӑ шкултан ӑстасем пулса тухнӑ. Унтанпа 35 ҫул иртнӗ.

Ҫӗртмен 24-мӗшӗнче ИФФ-21-75, ИФФ-22-75 ушкӑнсем хӑйсен ӗмӗт-тӗллевӗсем мӗнлерех ҫитсе пынине палӑртма тӗл пуласшӑн. Кӑмӑл пуррисене И.Н. Ульянов ячӗллӗ Чӑваш патшалӑх университечӗн «Е» ҫурчӗ умне 11:00 сехет тӗлне пухӑнма ыйтаҫҫӗ. Йӗркелӳ ушкӑнӗн ҫыхӑну номерӗ: 8-919-658-44-99 (Леонид Порфирьевич).

Ҫак ушкӑнсенче вӗреннӗ ҫамрӑксем хушшинче паллӑ ҫынсем те пур: Андреева (Блинова) Евдокия Александовна (ЧППУ деканӗ пулса), Смирнова (Рахмулина) Надежда Григорьевна («Хыпар» хаҫат ӗҫченӗ), Ильин Леонид Иванович (радиора ӗҫлесе, вӑхӑтсӑр пирӗнтен уйрӑлнӑ), Ержакова Нина Клеменьтева (хасӑт-телекуравра ӗҫленӗ) тата ыттисем. Нумайӑшӗ хӑйсен пурнӑҫ ҫулне шкулсене тытнӑ — ачасене пӗлӳ панӑ.

 

Пӑтӑрмахсем Хутӑн пайӗ
Хутӑн пайӗ

Шупашкарта Донецкпа Луганск облаҫӗнчи ополченецсене пулӑшу кӳме йыхравлакан хутсем курӑнма пуҫланӑ. Пӗлтерӳ ҫакакансем хӑйсене информаци тӗлӗшпе пулӑшма, Украинӑри хирӗҫтӑрӑва хутшӑнакансем валли эмелсем, амуници, укҫа ярса пама ыйтаҫҫӗ тата вӗсене майлӑ ҫапӑҫма пыракансене кӗтеҫҫӗ имӗш. Ырӑ кӑмӑллӑ ҫынсене имӗш хулари пӗр универмагри пӑшал тавраш сутакан пая пымалла.

Хутсене ҫуртсен подъезчӗсенче ҫакса ҫӳреҫҫӗ. Донецкпа Луганск облаҫӗсенчи хӗҫ-пӑшаллӑ ҫынсем саккунлӑ маррине кура хута ҫыракансем РФ Пуҫиле кодексне пӑсни, вӗсене пуҫиле явап тыттарма пултарасси паллӑ. Унсӑр пуҫне укҫа ещӗкӗсем анонимлӑ — те улталама ҫакнӑ те чӑн та пулӑшма.

Пӗлтерӳре кӑтартнӑ тӑрӑх ку хута 500 экземплярпа пӗр типографире пичетленӗ имӗш.

 

Хулара

Шупашкар урамӗсемпе (чӑннипе, кунта кӑна мар, ялсенче те, республикӑри ытти хулара та) пынӑ чухне реклама хучӗсене асӑрхамасӑр иртеймӗн. Ҫумӑр хыҫҫӑн шӑтнӑ кӑмпасем тейӗн… Пӗри, тепри куҫа тӑрӑнать.

Шупашкар хула администрацийӗ кирлӗ-кирлӗ мар вырӑнта ҫыпӑҫтарнӑ реклама хучӗсемпе «вӑрҫӑ» пуҫланӑ. Калинин район администрацийӗнчен пӗлтернӗ тӑрӑх, Текстильщиксен, Иван Франко, Гагарин урамӗсем тӑрӑх пӗлтерӳсен аллейи тӑсӑлнӑ. Атӑ-пушмак, сӑран куртка йӳнӗпе сутаҫҫӗ-мӗн.

Мӗнпур материала районӑн административлӑ комиссине пӑхса тухмашкӑн панӑ. Вӑл ҫак ӗҫ йӗркелӳҫисенчен штраф шыраса илӗ.

Шупашкарта хаҫатсене, афишӑсене, плакатсене тата ытти реклама материалӗсене ятарлӑ стендсем ҫине ҫеҫ ҫыпӑҫтарма юрать.

Хыпар ҫӑлкуҫӗ: http://news-r.ru/news/society/20989/
 

Ҫутҫанталӑк

«Ҫакӑ ҫутӑ тӗнчере вӑйли ҫук та этемрен», — тесе ҫырнӑ хӑйӗн вилӗмсӗр «Нарспийӗнче» Константин Иванов. Классикпа тупӑшас теместӗп те, анчах ҫутҫанталӑк пирӗнтен вӑйлӑрах пуль ҫав. Ҫил-тӑвӑлӗ, шыв-шурӗ, пушарӗ-аслатийӗ этеме пӑхӑнасшӑн мар-ҫке…

Инкеклӗ ӗҫсен министерстви, ав, ыран Шупашкарта ҫил-тӑвӑл тухасси пирки асӑрхаттарать. Ун пек пӗлтерӗве паян вӑл чылай ҫын карас телефонӗ ҫине те ярса пачӗ-тӗр. «Ҫил ҫеккунтра 20 метр таран хӑвӑртлӑхпа вӗрмелле», — тесе ҫырнӑ унта. Кӑнтӑрла ҫил-тӑман вӗҫтермелле-мӗн. Ҫирӗпех мар юпасем тӳнес, кивӗ ҫурт-йӗр ҫивиттийӗ ишӗлес хӑрушлӑх пур иккен. Ҫулта-йӗрте асӑрханса ҫӳреме ыйтаҫҫӗ. Ҫитменнине тата ҫулсем пӑрлак-ҫке.

 

Пӗлтерӳ суту-илӗве аталантарма пулӑшнине тӗпе хурса хӑйсен пулӑшӑвне сӗнекенсем епле кӑна пӗлтерес меслет шухӑшласа кӑлармаҫҫӗ-ши! Пӗлтерӳсене пули-пулми, ӑҫта кирлӗ унта ҫакса ҫӳрени хулана илемсӗрлетет тесе шухӑшланӑран Шупашкар влаҫӗсем ҫавӑн йышшисене административлӑ майпа явап тыттарасси пирки асӑрхаттараҫҫӗ.

Ҫак кунсенче кӑна хула администрацийӗн ҫурт-йӗрпе коммуналлӑ хуҫалӑх пайӗн ӗҫченӗсем ятарлӑ тӗрӗслев ирттернӗ. Вӗсем кирлӗ-кирлӗ мар вырӑна пӗлтерӳ ҫакса ҫӳрекенсен хуҫисене — ун йышшисене вӗсем хальхичне саккӑрӑшне асӑрханӑ — пӗлтерӳ ҫакма вырӑн палӑртман ҫӗре ҫыпӑҫтарма юраманни пирки телефонпа шӑнкӑравласа асӑрхаттарӗҫ.

Хыпар ҫӑлкуҫӗ: http://pg21.ru/newsv2/64255.html
 

Республикӑн Строительство министерстви ҫамрӑк ҫемьесене патшалӑх тӗкӗ кӳни пирки пӗлтерес тесе ятарлӑ баннерсем вырнаҫтарма шут тытнӑ. Ун пек пулӑшупа кашни ҫемьен усӑ курма ирӗк пуррине пӗлтерекен реклама щичӗсене «Хула реклами» учреждени хатӗрленӗ. Баннерсене халӑх уйрӑмах ҫӳрекен вырӑнсене вырнаҫтарса тухнӑ.

Сӑмах май, хальхи вӑхӑтра ҫамрӑк ҫемьесене федерацин ятарлӑ программипе тата республика шайӗнче йышӑннӑ программӑсемпе килӗшӳллӗн тӗрев кӳреҫҫӗ. 2006-2011 ҫулсенче патшалӑх пулӑшнипе пурӗ 3349 ҫемье хӑйсен ҫурт-йӗр ыйтӑвне лайӑхлатнӑ.

 

Orphus

Радио (30.04.2017)

23:00
 
Юрă вăчăри (12+)

Баннерсем

1 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (30.04.2017 21:00) уяр ҫанталӑк, атмосфера пусӑмӗ 761 - 763 мм, 12 - 14 градус ӑшӑ пулӗ, ҫил 3-5 м/ҫ хӑвӑртлӑхпа кӑнтӑр-хӗвелтухӑҫ енчен вӗрӗ.

Ака, 30

1909
108
Разумов Василий Петрович, инженер, тинӗс ҫар флочӗн вице-адмиралӗ ҫуралнӑ.
1914
103
Петров Николай Петрович, Чӑваш Республикин тава тивӗҫлӗ агрономӗ ҫуралнӑ.
1929
88
Андронов Николай Иванович, Раҫҫей Федерацийӗн халӑх ӳнерҫи ҫуралнӑ.
Пулӑм хуш...Пулӑм хуш...

Ыйтӑм

Телефон ҫине чӑваш гимнне лартма эсир хирӗҫ мар-и?
Ҫук, эп ӑна лартма тивӗҫлӗ мар
Тавах сӗнӳшӗн. Лартатӑпах!
Ман телефонра чӑваш кӗвви тахҫанах янрать
Ку ыйту маншӑн пӗлтерӗшлӗ мар
Ҫук, лартма килӗшместӗп
Лартса ӗнтӗ
Эпир Facebook-ра 1100+
 
 
Сайт пирки | Пулӑшу | Статистика
(c) 2005-2017 Chuvash.Org | МИХ пек регистрациленӗ свидетельство номерӗ: 2017 ҫулхи нарӑсӑн 3-мӗшӗнче алӑ пуснӑ ЭЛ № ФС 77 - 68592. Свидетельствӑна Ҫыхӑну, информаци технологийӗ тата массӑллӑ коммуникаци сферине тӗрӗслесе тӑракан федераллӑ служба (Роскомнадзор) панӑ.
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org