Тĕс


Илем çинчен


Чăвашсемшĕн сарă тĕс илемлĕ,

Вырăссемшĕн хĕрлĕ тĕс хитре.

Теприсем хура тĕспе киленнĕ...

Кам мĕне савать вĕт тĕнчере!

 

«Сарă» кун — илемлĕ пулнăран,

Хура тинĕс те илемлĕ тинĕс.

Вăл илемлĕ пулнăран — «хура».

Тĕнчере пурнать те çĕр, те пин тĕс!

 

Тĕрлĕ енлĕхре тĕнче çĕнелĕ.

Тĕрлĕ çыншăн тĕрлĕ тĕс хитре.

Тĕрлĕ тĕслĕрен тĕнче илемлĕ.

Тĕсĕ тĕрлĕ те — илем пĕрре.

Афалек Энтепе | Сăвă | тĕс | илем | 371