Лăсканса çурхахланнă1 кун-çулăм,
Сапламашкăн сана çĕнĕ пулăм
Хальлĕхе хĕрхенсе парнелет
Пурăнма хистекен çут тивлет2.
Ситрелсе3 сапаланнă сĕвемĕн
Асăмри самантсем тĕллĕн-тĕллĕн —
Пĕтĕре(тĕ)п сăвăлла шерепе;
Сӳтĕлсе каясран тĕвĕлетĕп —
Вĕçĕнче вырнаçтарăп çут ĕмĕт;
Шăрçаланнă куççуль тирĕмне6
Сыпăнтарăп ĕлккенлĕх7 кӳме.
Ăнăçу сикчевне8 пытармалăх
Ĕненӳ, теветкеллĕх, ăсталăх —
Алылмаш — эреветлĕ тĕрре
Куçараççĕ утас çул-йĕре.
Куллăмпа укаланнă çĕн кунăм!
Сыпăнтарĕ сана ырă сунăм —
Иртнипе — ӳркенми кашнинчех
Шăпана çут элчел9 пӳкличчен.