Пăлтти-палтти
Сиккелесе кам çӳрет?
Куянсем.
Ак вĕсем.
Тупнă вăйă, пăхăр-ха!
Пĕрин урлă пĕри,
Теприн урлă тепри...
— Ай!
— Мĕн пулчĕ?
Чăрсăрри,
Харсăрри
Турат çине лекрĕ.
Шăлаварне,
Чи хаклине,
Çурмаранах çурчĕ.
Ак инкек:
«Йĕп çук,
Çип çук,
Мĕнле саплас халь ăна?»
— Чим.
Йĕп те пур,
Çип те пур.
— Ăçта?
— Çип арлама
Эрешмен
Пит ăста.
Йĕппине,
Киввине,
Хăйне кирлĕ маррине,
Илме пулать чĕрĕпрен.
Йĕп тупрĕç,
Çип тупрĕç,
Шăлаварне сапларĕç.