«Çĕр вăрăм, халех ан кĕрсем,
Чĕрем таппине итлесем?!» —
Савни йăланать ав çаплах,
Анне ăнланмасть-çке пачах.
Ĕне сумалла ир тăрсан,
Кĕтӳ ямалла кăштахран.
Мĕн-ма çав автан авăтать,
Мĕнпур кил-йыша вăратать!
Сар уйăх çухалнă таçта,
Савни пăшăлтатрĕ: «Тăхта!»
Кăвар тутипе сĕртĕнет,
Тĕнче çĕнĕрен чĕрĕлет...
Йытти те хамлатрĕ кĕçех,
Кайма хатĕрленнĕн ĕçе.
Вĕреççĕ, кĕрлеççĕ ирех
Тĕнче пĕтсе килнĕ пекех.
Халь-халь хупăнаççĕ куçсем,
Епле ăнланмаççĕ кусем?
Мĕнле çăмăл мар уйрăлма,
Ытла та аван пурăнма!