Пĕрре хама хам та суям-ха,
Кулам-ха кулас килмен чух,
Савнас килмесен те савнам-ха,
Паян кăмăла вăл ман чух.
Хавассăр кунра та хаваслăн
Юрлап юратман юррăмах.
Хăш чух кăшт сывлатăп эп ассăн
Юри, ĕненес пек ыррах.
Шанмасăр та эп шанап тейĕп
(Вĕреннĕ ăна эп санран).
Пăрланнă чунпах «ирĕлетĕп»
Юри, улшăнмасăр сăнран.
Атя-ха, çурта хăть çутар-и
Хаваслă куна ăсатса.
Савас килмесен те савар-и
Пĕрне пĕри вăрттăн суйса.