Каçхи тӳпере хур кайăк сасси —
Нумай та юлман Пукрав çитесси.
Çĕрле те вĕçеççĕ вĕçен кайăксем,
Анчах та юлаççĕ кунта йăвисем,
Çӳл-çӳл тӳпери хур акăш çулпе
Вĕçеççĕ вĕсем ирччен çĕрĕпе.
Сасси хуйхăруллă çĕрле уйрăмах
Сасне та параççĕ чĕнсе тăтăшах:
— Юлать тăван çĕр, шыв-шур та çерем, —
Тенĕн илтĕнет пур сас тӳперен, —
Каятпăр, килетпĕр çитес çуркунне,
Сыв юлăр, сыв юлăр, — кĕрет чĕрене.
Юпа, 2001